Chiyambo 47:9 - Tonga Bible 1986

⁹ Ndipo Yakobe wanguti kwaku Farao, “Mazuŵa gha virimika vya umoyo wangu ghe virimika machumi pe chumi ndi machumi ghatatu (130); ghaŵa ghamanavi ndi ghaheni mazuŵa gha virimika vya umoyo wa auskefwe mu mazuŵa gha umoyo wawo.”

Chiyambo 47:9 Referans Kwoze

Sumu 39:12

“Ambuya, vyani rombu langu, ndipo tegherezgani ku nkhuta yangu; pa masozi ghangu rekani kuja chisisi! Pakuti nde mlendo winu wakurutiliya, mwenda-nthowa, nge mba da wose.

Chiyambo 35:28

Sono mazuŵa ghaku Yisaki ghenga virimika machumi pe chumi pachanya machumi ghankhonde ndi ghatatu (180).

Sumu 39:5

Awonani, mwaŵika mazuŵa ghangu ghamanavi nge mbusani wa chikufi, ndipo nyengo ya umoyo wangu yenge nkhanthu cha mu maso ghinu! Nadidi munthu yose watuma ulaka nge nkhamvuchi kawaka!

Jobu 14:1

“Munthu wakupapika ndi munthukazi mazuŵa ghake ngamanavi gheni, wakuzazika ndi visuzgu.

Yoswa 24:29

Pavuli pa vinthu ivi Yoswa mwana waku Nuni, mteŵeti wa Ambuya wangufwa, wenga wa virimika machumi pe chumi ndi chumi limoza (110).

Marangu 34:7

Mosese wenga wa virimika machumi pe chumi pachanya machumi ghaŵi (120) pa ura wake wachifwa. Jiso lake lengavi kuchita ndandi chingana ndi nthazi yake yengavi kugowoka.

Chituwa 7:7

Mosese wenga wa virimika machumi ghankhonde ndi ghatatu (80) mu ura wake, ndipo Aroni wenga wa virimika machumi ghankhonde ndi ghatatu pa­chanya vitatu (83) mu ura wake pa nyengo yeniyo wakambanga ndi Farao.

Chituwa 6:4

Ndinguchita so phanganu langu ndi iwo, kuŵapaska charu cha Kanani, charu cho ŵangujamo nge mbayinga.

Chiyambo 50:26

Viyo Yosefe wangufwa, penipo wenga wa virimika machumi pe chumi ndi chumi limoza (110) mu umoyo wake; ndipo ŵangumupaka vyachema ndipo wanguŵikika mubokosi mu Egipiti.

1 Petro 2:11

Mwaŵakwanjiwa, ndikuŵeyereni nge mbayinga ndi ŵalendo kufunga pa maulakalaka ghanyama, ghenigho ghaturwa pa uzima wo.

Yakobe 4:14

penipo napo mulive kuchiziŵiska chamawa cha. Pakuti we uli umoyo winu? Mwe nyankhuŵinda, na, yo wawoneka kanyengo kamanavi, ndipo pavuli wazirimitiya.

Sumu 119:54

Virunguchizgu vinu vyaŵa sumu zangu mu nyumba ya ulendo wangu.

Sumu 119:19

Nde mlendo mu charu chapasi; mungabisanga malangulu ghinu kwaku ine!

Chiyambo 47:28

Ndipo Yakobe wanguja mu charu cha Egipiti virimika chumi pachanya vinkhonde ndi viŵi (17) viyo mazuŵa ghaku Yakobe, virimika vya umoyo wake, vyenga machumi pe chumi pachanya machumi ghanayi ndi vinkhonde ndi viŵi (147).

Chiyambo 11:11

Ndipo shemu wanguŵa wamoyo pavuli pa kawi kaku Arpakahadi virimika machumi pe chumi ghankhonde (500) ndipo wenga ndi ŵana ŵanthurumi ŵanyake ndi ŵana ŵanthukazi.

ŴaHebere 13:14

Chifukwa panu tirive muzi wakujaririya, kweni tiupenja wo utuza.

1 Mikoka 29:15

Chifukwa ndifwe ŵalendo ndi ŵayinga paurongo pinu, nge ŵenge auskefwe; mazuŵa ghidu mu charu ghenge ndi mduzi, mulive kujariliya.

Chiyambo 5:27

Viyo mazuŵa ghose ghaku Metusele ghenga virimika machumi pe chumi ghankhonde ndi ghanayi, ndi machumi ghankhonde ndi limoza, pachanya vinkhonde ndi vinayi (969); ndipo wangufwa.

2 ŴaKorinte 5:6

Viyo tikhwima mtima nyengo zose, po tiziŵa kuti po teŵalendo pano mu liŵavu ili te kunyake ndi Ambuya,

Chiyambo 47:8

Ndipo Farao wanguti kwaku Yakobe, “Ngalinga mazuŵa gha virimika vya umoyo wako?”

Sumu 39:13

Ndirekeni, mwakuti ndiziŵe kukondwere, ndenga ndi ndatuwepo pano, ndi kureka kuŵapo so.”