Chiyambo 47:6 - Tonga Bible 1986

⁶ Charu cha Egipiti che paurongo pako; ausu ndi ŵana ŵanyako uŵapaske pakuja po mphamampha ukongwa pa charu ichi; ŵanjenge mu charu cha Gosheni; ndipo asani utiŵaziŵapo ŵanthu ŵanthazi mukati mwawo, uŵamike kuŵa ŵakuphwere ng'ombe zangu.”

Chiyambo 47:6 Referans Kwoze

Chituwa 18:21

Ndipo iwe usankhemo wanthu mukati mwaku wose, ŵeniwo ŵatopa Chiuta, ŵanthu wo mba magomekezgeka ndi wo ŵatinkha vinda. Uŵamike ŵanthu ŵaviyo kuŵa ndi mtufu pa ŵanthu kuŵa ŵeruzgi ŵa vikwi, ŵamachumi pe chumi, ŵamachumi ghankhonde ndi ŵachumi limoza.

Chiyambo 47:11

Sono Yosefe wangujarika awiske ndi ŵana ŵanyake ndi wanguŵapaska chihara mu charu cha Egipiti, cha nyata, mu charu cha Ramesese, uli ndimo wangulanguliya Farao.

Nthanthi 22:29

Mutumuwona munthu wakuziŵiskamu nchitu yake? Iyo wakamanga paurongo pa ŵakaronga, kuti wakamanga paurongo pa ŵanthu ŵauliuli cha.

2 Mikoka 26:10

Ndipo wanguzenga so vitanthali mu bozwa, ndi wangukumba visima vinandi chifukwa wenga ndi miskambu yinandi ya vyakuŵeta, mu madambo ndi mu vidika. Wenga ndi ŵalimi ŵaminda ya mphereska mu mapiri ndi mu charu cha nyata chifukwa wangwanja nyata.

Chituwa 18:25

Mosese wangutondo ŵanthu ŵakwenere mu ŵaYisraele wose, ndipo wanguŵamika kuŵa zinduna sa ŵanthu, ŵeruzgi ŵa vikwi, ŵamachumi pe chumi, ŵamachumi ghankhonde, ndi ŵachumi limoza.

Chiyambo 47:4

Ŵanguti kwaku Farao, “Taziya kuzachija mu charu; pakuti chilala nchinonono ukongwa mu charu cha Kanani; ndipo sono timupemphani zomerezgani kuti ŵateŵeti ŵinu ŵaje mu charu cha Gosheni.”

Yohane 17:2

Pakuti mwampaska mtufu wapa munthu yose, alinga kuti wapaske umoyo wamuyaya kwaku wose wo mwampaska.

Nthanthi 21:1

Mtima wa karonga nkhamsinji ka maji mu janja la Ambuya; ŵatiurongozge kose kweniko ŵakhumba.

1 Samuele 21:7

Sono munthu munyake wa ŵateŵeti ŵaku Sauli wenga penipa zuŵa liya, kumulindika paurongo pa Ambuya; zina lake lenga Doege waku Edomu nduna ya ŵaliska ŵa vyakuŵeta vyaku Sauli.

Chituwa 9:21

kweni yo wengavi kuphwere mazu gha Ambuya wangujowo ŵaŵanda ŵake ndi ng'ombe mu minda.

Chituwa 9:10

Viyo wanguto choto ku ng'anjo ndi wanguma paurongo paku Farao ndipo Mosese wanguchipong'a kuchanya chingusanduka vitupatupa kuŵa vironda pakusweke pa munthu ndi nyama.

Chiyambo 47:16

Ndipo Yosefe wangwamuka kuti, “Perekani ng'ombe zinu, ndipo ine ndikakupaskaninga kurgha kusinthana ndi ng'ombe zinu, asani ndrama zinu zamara.”

Chiyambo 34:10

Mukajanga nafwe, ndipo charu chikajurikiyanga imwe: mujenge ndi muchite malonda mwaku cho, ndipo muwoniyemo vinthu mwenimo.”

Chiyambo 20:15

Ndipo Abimeleke wanguti, “Awona, charu changu che paurongo pako, uje penipo pose ungakhumba.”

Chiyambo 13:9

Kumbi charu cho chose kuti che paurongo pako cha? Patukana nane. Asani ukatonga kuchiri ku maze, ine ndikayanga ku marghe; pamwenga asani ukatonga ku marghe, iku ine ndikayanga ku maze.”

Chiyambo 13:10

Ndipo Lote wangulereska ndi wanguwona kuti dambo la Yordane lenga ndi maji ghakukwana kosekose uli ndi munda wa Ambuya, uli ndi charu cha Egipiti; pakuza ku Zoara; yapa ndipo Ambuya ŵenga ŵandanange Sodomu ndi Gomora.

Chiyambo 45:10

mwazamuja mu charu cha Gosheni, ndipo mwazamukuŵa pafupi nane, imwe ndi ŵana ŵinu ndi ŵana ŵa ŵana ŵinu, ndi viŵetu vinu, ndi miskambu yinu, ndi vyose vyenivyo mwe navyo;

Chiyambo 46:34

Imwe mwamukuti, ‘Taŵateŵeti ŵinu, te ŵakuŵeta ng'ombe kwamba ku uhurwa widu kufikiya kunu ku sono, tose ifwe ndi auskefwe nawo viyo,’ alinga kuti mujenge mu charu cha Gosheni, chifukwa mliska yose mbukazuzi ku ŵaEgipiti.”

Chiyambo 47:5

Sono Farao wanguti kwaku Yosefe, “Ausu ndi ŵana Wanyako ŵaza kwaku iwe.

1 ŴaKaronga 11:28

Yeroboamu wenga munthu wavinjeru, ndipo penipo Solomoni wanguwona kuti munyamata uyu wenga wakutakataka ukongwa wangumupaska mtufu wakutufuliya ŵanchitu ŵakuchichizgika ŵa nyumba yaku Yosefe.

Yeremiya 40:4

Sono, ehe, nditukufwatuwa iwe msanawale ku maunyolo gha pa manja ghako. Asani nchakwenere kwaku iwe kuruta nane ku Babiloni, zanga, ndipo ine ndikakuphwerenga umampha; ndipo asani kuti nchakwenere cha kuruta nane ku Babiloni, ungazanga cha. Ona, charu chose che paurongo pako; rutanga kwe kose ko ughanaghana kuti nkhwamampha ndi nkhwakurunjika kuyako.