Chiyambo 47:4 - Tonga Bible 1986

⁴ Ŵanguti kwaku Farao, “Taziya kuzachija mu charu; pakuti chilala nchinonono ukongwa mu charu cha Kanani; ndipo sono timupemphani zomerezgani kuti ŵateŵeti ŵinu ŵaje mu charu cha Gosheni.”

Chiyambo 47:4 Referans Kwoze

Chiyambo 46:34

Imwe mwamukuti, ‘Taŵateŵeti ŵinu, te ŵakuŵeta ng'ombe kwamba ku uhurwa widu kufikiya kunu ku sono, tose ifwe ndi auskefwe nawo viyo,’ alinga kuti mujenge mu charu cha Gosheni, chifukwa mliska yose mbukazuzi ku ŵaEgipiti.”

Marangu 26:5

“Ndipo mukamukanga paurongo pa Ambuya Chiuta winu, kuti, ‘MuAramu wakuyingayinga ŵenga ada; ndipo iyo wangusikiya ku Egipiti ndi wangugonera mwenimuwa, ndi mbumba yake yimanavi; ndipo muwa wanguguwa kuŵa mtundu ukuru, wakurimba, ndi wakwandana.

Chiyambo 15:13

Sono Ambuya anguti kwaku Abramu, “Ziŵa kwakuneneska kuti mphapu yako yikatandalanga mu charu cho kuti nchawo cha, ndipo ŵakaŵanga ŵaŵandamwenimuwa, ndipo ŵakaŵasuzganga virimika machumi pe chumi ghanayi (400);

Chiyambo 43:1

Sono chilala chinguŵa chikuru ukongwa mu charu cho.

Machitidu gha Ŵakutumika 7:11

Kweni kunguza chilala pa charu chose cha Egipiti ndi Kenani, ndi suzgu yikuru: ndipo auskefwe kuti ŵangusaniya kurgha mu charu cha.

Sumu 105:23

Pavuli Yakobe wanguruta ku Egipiti, ndipo wanguja mu charu chenichiya.

Machitidu gha Ŵakutumika 7:6

Wenga wandaŵe iyo ndi mwana, kweni Chiuta wangukamba viyo, kuti mbeu yake yikaŵanga yakutandara mu charu chaŵeni, ndipo kuti ŵayisanduskenge yiŵanda ndi kuyichitiya uheni, virimika machumi pe chumi ghanayi (400).

Yesaya 52:4

Pakuti atiti Ambuya Chiuta: Ŵanthu ŵangu pakudanga ŵanguruta mu Egipiti kuyingayinga muwa, ndipo ŵaAsiriya ŵanguŵasuzga kwambura kanthu.

Chiyambo 12:10

Sono kwenga chilala mu charu cho. Viyo Abramu wanguruta ku Egipiti kwachitandara kwenikuwa, pakuti chilala cho chenga chikuru mu charu cho.

Chiyambo 47:5

Sono Farao wanguti kwaku Yosefe, “Ausu ndi ŵana Wanyako ŵaza kwaku iwe.

Chiyambo 45:10

mwazamuja mu charu cha Gosheni, ndipo mwazamukuŵa pafupi nane, imwe ndi ŵana ŵinu ndi ŵana ŵa ŵana ŵinu, ndi viŵetu vinu, ndi miskambu yinu, ndi vyose vyenivyo mwe navyo;