Chiyambo 47:31 - Tonga Bible 1986

³¹ Ndipo iyo wanguti, “Rapa kwaku ine”; ndipo wangurapa kwaku iyo. Sono Yisraele wangukotamiya pa mutu wa chita chake.

Chiyambo 47:31 Referans Kwoze

1 ŴaKaronga 1:47

Ndipo so ŵaŵanda ŵa karonga ŵanguza kuzachirumba mbuyafwe karonga Davidi, kuti, ‘Chiuta wako wachite zina laku Solomoni kuŵa lambiri yakuruska yinu, ndipo wakuzge chitengo chake chiruske chitengo chinu.’ Ndipo karonga wangukotama mutu wake pa chita.

ŴaHebere 11:21

Ndi chivwanu Yakobe, wachifwa, wanguŵatumbika ŵana ŵaku Yosefe uyu ndi uyu; ndipo ŵangulambiya pa songu ya ndodu yake.

Chiyambo 24:3

ndipo ndikakurapiskanga mu Ambuya, Chiuta wa kuchanya ndi wa charu chapasi, kuti ukamutoliyanga munthukazi mwana wangu mu ŵana ŵanthukazi ŵa ŵaKanani cha, ŵeniwo ine ndija mukati mwawo,

Chiyambo 47:29

Ndipo penipo yinguŵandika nyengo yakufwiya Yisraele wangudana mwana wake Yosefe ndipo wanguti kwaku iyo, “Asani sono ndasaniya wezi mu maso ghako, uŵike janja lako kusi ku chigha changu, ndi upangane kundichitiya kwa ulemu ndi kwauneneska. Ungandiŵika ine mu Egipiti cha,

Chiyambo 24:26

Munthu yo wangukotama mutu wake ndi wangusopa Ambuya,

Chiyambo 21:23

iku sono urimbiri kwaku ine pano mwaku Chiuta kuti ukandipusikanga cha pamwenga mwana wangu pamwenga mzuku wangu, kweni ulaka ndimo ndakuchitiya iwe ulemu, ndimo uchitiyenge ndi ine ndi charu mwenimo wayendayenda.”

Chiyambo 21:24

Ndipo Abrahamu wanguti, “Ndikarimbiranga.”

Chiyambo 31:53

Chiuta waku Abrahamu ndi Chiuta waku Nahoro, Chiuta wa auskeu, weruzge pakati pidu.” Viyo Yakobe wangurapiya pa Chopu cha wiske Yisaki,

Chiyambo 50:25

Sono Yosefe wanguchita rapu lapa ŵana ŵaku Yisraele, wanguti, “Chiuta wakachezganga namwe, ndipo mukapinganga viwanga vyangu kutuwa muno.”

Chiyambo 24:2

Ndipo Abrahamu wanguti ku muŵanda wake, mura wakuruska wose ŵamu nyumba yake, yo wenga wa mtufu pa vinthu vyose vyeniyo wenga navyo, “Ŵika janja lako kusi ku chigha changu,

Chiyambo 50:5

‘Ada ŵangundirimbiliska kuti, Ine nde pafupi kufwa; mu muunda wangu wo ndingujichonge mu charu cha Kanani mwenimo ndimu mukandiŵike. Viyo sono ndizomerezgeni ndikwere, nditukupemphani, nkhaŵike ada, pavuli pake ndamuwe.’ ”