Chiyambo 47:30 - Tonga Bible 1986

³⁰ kweni ukandilarike pamoza ndi ada; undinyamuwe kundituzgamu mu Egipiti ukandiŵike mu masano ghawo.” Wangwamuka, “Ndikachitanga uli ndimo mwakambiya.”

Chiyambo 47:30 Referans Kwoze

Chiyambo 25:9

Yisaki ndi Yishumaele ŵana ŵake ŵangumuŵika mu mphanji ya Makipela mu munda waku Efroni mwana waku Zoara muHiti, ku vuma kwa Mamre,

Chiyambo 23:19

Pavuli paku ivi, Abrahamu wanguŵika Sara muwoli wake mu mphanji ya munda wo wa Makipela, ku vuma kwa Mamre (yo ndi Hebroni) mu charu cha Kanani.

Nehemiya 2:5

Ndi ndinguti ku karonga, “Asani chingakondweska karonga ndi asani mteŵeti wake wangasaniya mwaŵi mu maso ghinu kuti munditume ku Yuda, ku msumba wa miunda ya ada kuti nkhazenge so.”

Nehemiya 2:3

Ndinguti ku karonga, “Waje wamoyo muyaya karonga! Chingareka uli kuzimbwa chisku changu, penipo msumba, malo gha miunda ya ada, nga uyiku ndi malikomo ghakufya ndi moto?”

1 ŴaKaronga 13:22

kweni wawere vuli, wargha chiŵande ndi kumwa maji mu malo ghenigho iyo wanguti kwaku iwe, “Ungargha chiŵande cha, ungamwa maji cha”; liŵavu lako kuti likazanga ku muunda wa ausu cha.’ ”

2 Samuele 19:37

Ndizomerezgeni, ndimupemphani kuti ndamuŵanda winu ndiwere kuvuli, mwakuti ndikafwiye ku muzi wangu, pafupi ndi muunda wa ada ndi ama. Kweni che panu pe mteŵeti winu Chimhama, ndiyu wambukenge ndi mbuyangu karonga; ndipo muchitiyeni chose cho imwe mungachipima kuŵa chamampha.”

Chiyambo 50:25

Sono Yosefe wanguchita rapu lapa ŵana ŵaku Yisraele, wanguti, “Chiuta wakachezganga namwe, ndipo mukapinganga viwanga vyangu kutuwa muno.”

Chiyambo 15:15

Kweni iwe, ukarutanga ku ausu mu chimangu; ukafwanga pa ukhongwe weneko.

Chiyambo 23:17

Viyo munda waku Efroni mu Makipela wo wenga ku vuma kwa Mamre, munda ndi mphanji yo yenga mwenimo ndi miti yose yo yenga mu munda wo, kosekose mu chigaŵa chose,

Chiyambo 25:10

munda weniwo Abrahamu wangugula ku ŵaHiti. Muwa ndimu ŵanguŵika Abrahamu, ndi Sara muwoli wake.

Chiyambo 35:29

Ndipo Yisaki wangututa kwakumariya; ndi wangufwa ndi wangutoreke ku ŵanthu ŵake, wakukota ndi wa mazuŵa ghanandi; ndipo ŵana ŵake Esau ndi Yakobe ŵangumuŵika.

Marangu 31:16

Ndipo Ambuya anguti kwaku Mosese, “Ehe, we pafupi kura pamoza ndi ausu, sono yaŵa ŵanthu ŵakayukanga ndi kurondo ŵachiuta ŵalendo ŵa charu ichi, kweniko ŵakarutanga kwachiŵa mukati mwawo. Wakandisiyanga ine, ndi kuswa phanganu langu lo ndingupangana nawo.

2 Samuele 2:32

Ndipo ŵangunyamuwa Asahele, ŵangumuŵika mu muunda wa awiske, wo wenga pa Betelehemu. Ndipo Yoabu ndi ŵanthu ŵake ŵangwenda usiku wose, ndipo kunguŵachiya pa Hebroni.