Chiyambo 47:29 - Tonga Bible 1986

²⁹ Ndipo penipo yinguŵandika nyengo yakufwiya Yisraele wangudana mwana wake Yosefe ndipo wanguti kwaku iyo, “Asani sono ndasaniya wezi mu maso ghako, uŵike janja lako kusi ku chigha changu, ndi upangane kundichitiya kwa ulemu ndi kwauneneska. Ungandiŵika ine mu Egipiti cha,

Chiyambo 47:29 Referans Kwoze

Marangu 31:14

Ndipo Ambuya anguti kwaku Mosese, “Ehe, mazuŵa ghaŵandika mwaku gho ufwiyenge, udane Yoswa ndipo muzijirongo mwija mu hema lakuwunganamo alinga kuti ndimupaske mazaza.” Ndipo Mosese ndi Yoswa ŵanguruta ndi ŵangujirongo ŵija mu hema lakuwunganamo.

Chiyambo 24:49

Viyo sono, asani mukachitanga kwa ulemu ndi kwa uneneska ndi mbuya wangu, mundinene; ndipo asani kuti ndi viyo cha, mundinene; alinga nding'anamukiye ku marghe pamwenga ku maze.”

Chiyambo 24:2

Ndipo Abrahamu wanguti ku muŵanda wake, mura wakuruska wose ŵamu nyumba yake, yo wenga wa mtufu pa vinthu vyose vyeniyo wenga navyo, “Ŵika janja lako kusi ku chigha changu,

1 ŴaKaronga 2:1

Yinguti yaŵandika nyengo yakufwiya Davidi, wanguchenjezga Solomoni mwana wake, kuti,

ŴaHebere 11:22

Ndi chivwanu Yosefe, wachifwa, wangukamba ndi chituwa cha ŵana ŵaku Yisraele; ndipo wangulanguliya vya pa viwangwa vyake.

ŴaHebere 9:27

Ndipo uli ndimo kutemeke ŵanthu kufwa kamoza, kweni pavuli pake kweruzgika,

Sumu 89:48

Njani wangaŵa wamoyo kureka kufwa? Njani munthu yo wangajitaska ku nthazi ya muunda?

Sumu 49:9

kuti wajaririye muyaya, ndi wareke kuwona nuunda.

Sumu 49:7

Kwakuneneska palivi munthu yo wangajiwombo, pamwenga kupaska kwaku Chiuta thumba lapa umoyo wake,

Sumu 6:5

Pakuti kulivi kukumbuka imwe ku nyifwa; ndiyani wathamikenge imwe mu muunda.

Jobu 30:23

Inya ndiziŵa kuti mukanditoriyanga ku nyifwa, ndi ku nyumba yakumikikiya ŵamoyo wose.

Jobu 14:14

Asani munthu wafwa, kumbi wakaŵanga so wamoyo? Mphanyi ndarindizga mazuŵa ghose gha uteŵeti wangu, mpaka kuzi kufwatulika kwangu.

Jobu 7:1

“Kumbi munthu walive mlimu unonono pa charu? Kumbi mazuŵa ghake kuti ghayanacha ndi mazuŵa gha wanchitu wake?

2 Samuele 14:14

Tose tikafwanga te nge ndi maji ghakudikiya pasi, gho kuti ghangayoreka so cha; kweni Chiuta kuti wakatuzgangako cha umoyo wa munthu yo wapenja nthowa yakuti wakudikika wake wareke kudikikiya limu.

2 Samuele 7:12

Po ghatakuti ghawara mazuŵa ghako uchigona pasi pamoza ndi ausu, nkhasoskanga mphapu yako pavuli pako, yo wakatuliyanga muliŵavu lako, ndipo ndikakhozganga ufumu wake.

Chiyambo 47:9

Ndipo Yakobe wanguti kwaku Farao, “Mazuŵa gha virimika vya umoyo wangu ghe virimika machumi pe chumi ndi machumi ghatatu (130); ghaŵa ghamanavi ndi ghaheni mazuŵa gha virimika vya umoyo wa auskefwe mu mazuŵa gha umoyo wawo.”

Chiyambo 3:19

Ukarghanga chiŵande, mu dukutira la chisku chako mpaka penipo uweriyenge ku nyata. Pakuti ungutoleka mwenimo; ndiwe fuvu, ndipo ukaweriyanga ku fuvu.”

Chiyambo 27:2

Iyo wanguti, “Awona, nde khongwe kuti nditiliziŵa cha zuŵa la nyifwa yangu.

Chiyambo 50:5

‘Ada ŵangundirimbiliska kuti, Ine nde pafupi kufwa; mu muunda wangu wo ndingujichonge mu charu cha Kanani mwenimo ndimu mukandiŵike. Viyo sono ndizomerezgeni ndikwere, nditukupemphani, nkhaŵike ada, pavuli pake ndamuwe.’ ”

1 Samuele 26:10

Davidi wanguti, “Mo aliri Ambuya amoyo, Ambuya amubayenge; pamwenga zuŵa lake likazanga wafwenge; pamwenga wasikiyenge ku nkhondo ndi kwachimariya kweniko.

2 Samuele 2:32

Ndipo ŵangunyamuwa Asahele, ŵangumuŵika mu muunda wa awiske, wo wenga pa Betelehemu. Ndipo Yoabu ndi ŵanthu ŵake ŵangwenda usiku wose, ndipo kunguŵachiya pa Hebroni.

Chiyambo 48:21

Sono Yisraele wanguti kwaku Yosefe, “Ehe, nde pafupi kufwa, kweni Chiuta wakaŵanga nawe, ndipo wakakuwezgiyanga so ku charu cha auskemwe.

Chiyambo 50:12

Viyo ndimu ŵangumuchitiya ŵana ŵake uli ndimo wanguŵalanguliya;

Marangu 31:16

Ndipo Ambuya anguti kwaku Mosese, “Ehe, we pafupi kura pamoza ndi ausu, sono yaŵa ŵanthu ŵakayukanga ndi kurondo ŵachiuta ŵalendo ŵa charu ichi, kweniko ŵakarutanga kwachiŵa mukati mwawo. Wakandisiyanga ine, ndi kuswa phanganu langu lo ndingupangana nawo.

Yoswa 2:14

Ndipo ŵanthurumi wo ŵangunena nayo, “Umoyo widu utaska umoyo winu! Asani urekenge kusumuwa vyo tachita, po ndipo nafwe Ambuya ŵatakuti ŵatipaska charu ichi, tikakuchitiyanga wezi ndi ukongorekwa.”

Yoswa 23:14

“Ndipo sono ine nde pafupi kuruta mu nthowa ya charu chose, ndipo imwe mose muziŵa mu mitima ndi umoyo winu, kuti palivi kanthu kamoza ka vinthu vyamampha vyo Ambuya Chiuta winu wangupangana paku imwe katondeka; vyose vyafiskikiya imwe, palivi ko katondeka.