Chiyambo 47:23 - Tonga Bible 1986

²³ Sono Yosefe wanguti ku ŵanthu, “Awonani, msana unu wale, ndakugulani imwe ndi charu chinu ndaguliya Farao. Sono nditukupaskani mbeu iyi njinu, ndipa mukamijanga pa charu.

Chiyambo 47:23 Referans Kwoze

2 ŴaKorinte 9:10

Ndipo mweniyo wapaska mbeu ku ŵakumija ndi chiŵande nge nchakurgha, wamkuskiyako ndi kwandaniska mbeu yinu yakumija, ndipo wamkuzga vipasi vya urunji winu.

Mateyu 24:45

“Na, ndiyani muŵanda wamagomekezgeka yo ndi wakuwamo, asi ndimweniyo mbuyake wamuŵika pa ŵamunyumba yake kwachiŵapaska chaukurgha pa nyengo yake?

Yesaya 55:10

“Pakuti mo vuwa ndi chiuli viziya pasi kutuwa kuchanya, ndipo kuti viwere so kuwa cha kweni vizumbwiska charu chapasi, kuti chituzgenge ndi kumezga, kupaska mbeu ku wakumija ndi kurgha ku wakurgha,

Wakutaula 11:6

Umije mbeu yako ndi mlenjilenji, ndipo ndi mazulo ureke kuko janja lako; pakuti kuti uziŵa cha zo zandanenge, izi pamwenga ziya pamwenga vinu zose ziŵi zikaŵanga zamampha kwakukozgana.

Nthanthi 13:23

Charu chakutipuwa cha musauchi chimezga kurgha kunandi, kweni chikukurwa chifukwa cha cheruzgu chiheni.

Nthanthi 12:11

Mweniyo walima munda wake wakaŵanga ndi viŵande vinandi, kweni mweniyo wandondoloska vyambura kanthu walivi chinjeru.

Nthanthi 11:26

Ŵanthu ŵatimutemba mweniyo wakaniriya kurgha, kweni thumbiku le pa mutu waku yo waguliska kurgha.

Sumu 112:5

Wakukondwa ndi munthu yo ndimwanangwa mu mateu ghake, yo watendeska nchitu zake mu uneneska.

Sumu 41:1

Ngwakutumbikika yo waghanaghaniya wakutomboroka! Ambuya atimpozomoska mu zuŵa la suzgu;

Chiyambo 45:6

Pakuti chilala ichi chaja virimika ivi viŵi mu charu ichi; ndipo vichalipo virimika vinkhonde mwaku vyo kuti mukaŵanga kulima cha chingana nkhuvuna.

Chiyambo 41:27

Ng'ombe zinthukazi zakonda ndi zakukwanambuka zinkhonde ndi ziŵi zo zinguza pavuli paku zo ndi virimika vinkhonde ndi viŵi, ndipo masoyo ghankhonde ndi ghaŵi ghakukwanambuka, ghakunangika ndi mphepo ya kuvuma ndi virimika so vinkhonde ndi viŵi vya nja.

Chiyambo 47:22

Charu cha ŵazukuru pechengavi kuguliskika; chifukwa ŵazukuru ŵenga ndi chipimu cha ulera cha vyakurgha chakutuwa kwaku Farao, ndipo ŵangusungika ŵamoyo ndi chipimu cha ulera chenicho wanguŵapaska Farao; chifukwa cho kuti ŵanguguliska cha charu chawo.

Chiyambo 47:24

Ndipo pakuvuna mukapaskanga chigaŵa cha chinkhonde kwaku Farao ndipo vigaŵa vinayi vikaŵanga vinu, kuŵa mbeu yamu minda ndi kurgha kwaku mwaŵeni ndi ŵamu nyumba zinu, ndipo kuŵa chakurgha cha malitema ghinu.”