Chiyambo 47:17 - Tonga Bible 1986

¹⁷ Viyo ŵanguza ndi vyakuŵeta vyawo kwaku Yosefe; ndipo Yosefe wanguŵapaska vyakurgha kusinthiskana ndi ŵakavalo, mberere, ng'ombe, ndi mbunda: ndi wanguŵapaska kurgha kusinthiskana ndi viŵetu vyawo vyose mu chirimika chiya.

Chiyambo 47:17 Referans Kwoze

Mateyu 6:24

“Palive yumoza waziŵa kuteŵete ambuya ŵaŵi: chifukwa pamwe wamtinkhenge yumoza, ndi wamwanjenge munyake; pamwenga wajiperekenge ku yumoza, ndi wamtozenge munyake. Kuti muziŵa kuteŵete Chiuta ndi chuma so cha.

Yesaya 31:1

Soka kwaku wo ŵasikiya ku Egipiti kupenja chovyu ndipo ŵagomekezga mu ŵakavalo, wo ŵagomekezga mu unandi wa magareta ndi mu ŵakukwera pa ŵakavalo pakuti mba nthazi ukongwa, kweni kuti ŵalereska ku Mtuŵa Yumoza yo waku Yisraele cha, pamwenga kufumba Ambuya!

Jobu 2:4

Satana wangwamuka Ambuya wanguti, “Khungu ku khungu! Vyose vyo munthu we navyo wakapaskanga kutaska umoyo wake.

1 ŴaKaronga 10:28

Ndipo ŵakavalo ŵakuza kwaku Solomoni ŵatuwanga ku Egipiti ndi Kue, ndipo ŵamalonda ŵa karonga ŵanguŵalonde kutuwa ku Kue pa kuŵagula.

Chituwa 9:3

ehe, janja la Ambuya likaŵanga ndi chideru chizitu pa ng'ombe zinu zo ze mu minda, ŵakavalo, mbunda, ŵagamila, viŵetu ndi miskambu.

Chiyambo 47:16

Ndipo Yosefe wangwamuka kuti, “Perekani ng'ombe zinu, ndipo ine ndikakupaskaninga kurgha kusinthana ndi ng'ombe zinu, asani ndrama zinu zamara.”

Chiyambo 47:18

Ndipo chinguti chamara chirimika chenichiya, ŵanguza kwaku iyo chirimika cha pavuli paku chiya ndi ŵanguti kwaku iyo, “Kuti tikabisanga cha ku mbuyafwe kuti ndrama zidu zikumara zose; ndipo miskambu ya ng'ombe nja mbuyafwe palivi keniko kajako mu maso gha mbuyafwe kweni maliŵavu ghidu pe ndi vyaru vidu.