Chiyambo 46:6 - Tonga Bible 1986

⁶ Wanguto so ng'ombe zawo, ndi vinthu vyawo, vyenivyo ŵangutataliya mu charu cha Kanani, ndipo wanguza mu Egipiti,

Chiyambo 46:6 Referans Kwoze

Machitidu gha Ŵakutumika 7:15

Ndipo Yakobe wangusikiya ku Egipiti; kweniko wangufwa iyo, ndi so auskefwe;

Yesaya 52:4

Pakuti atiti Ambuya Chiuta: Ŵanthu ŵangu pakudanga ŵanguruta mu Egipiti kuyingayinga muwa, ndipo ŵaAsiriya ŵanguŵasuzga kwambura kanthu.

Sumu 105:23

Pavuli Yakobe wanguruta ku Egipiti, ndipo wanguja mu charu chenichiya.

Yoswa 24:4

kwaku Yisaki ndingupaska Yakobe ndi Esau. Ndingupaska Esau charu cha mapiri cha Seiri kuŵa chake, kweni Yakobe ndi ŵana ŵake ŵangusikiya ku Egipiti.

Marangu 26:5

“Ndipo mukamukanga paurongo pa Ambuya Chiuta winu, kuti, ‘MuAramu wakuyingayinga ŵenga ada; ndipo iyo wangusikiya ku Egipiti ndi wangugonera mwenimuwa, ndi mbumba yake yimanavi; ndipo muwa wanguguwa kuŵa mtundu ukuru, wakurimba, ndi wakwandana.

1 Samuele 12:8

Po Yakobe wanguya ku Egipiti, ŵaEgipiti ŵanguŵakandirizga, ndipo auskemwe ŵanguliriya ku Ambuya, Ambuya angutuma Mosese ndi Aroni wo ŵangutuzga auskemwe mu Egipiti, kwaziŵajarika mu malo yagha.

Marangu 10:22

Auskemwe auguzikiya ku Egipiti, ŵanthu machumi ghankhonde ndi ghaŵi (70), ndipo sono Ambuya chiuta winu wakwandaniskani nge ndi nyenyezi za kuchanya.

Maŵerengedu 20:15

muziŵa mo auskefwe ŵangusikiya ku Egipiti ndipo tinguja mu Egipiti kwa nyengo yitali; ŵaEgipiti ŵangutisuzga uheni ukongwa ifwe pamoza ndi auskefwe;

Chiyambo 15:13

Sono Ambuya anguti kwaku Abramu, “Ziŵa kwakuneneska kuti mphapu yako yikatandalanga mu charu cho kuti nchawo cha, ndipo ŵakaŵanga ŵaŵandamwenimuwa, ndipo ŵakaŵasuzganga virimika machumi pe chumi ghanayi (400);

Chiyambo 46:7

Yakobe ndi mphapu yake yose pamoza nayo, ŵana ŵake ŵanthurumi ndi ŵana ŵanthurumi ŵa ŵana ŵake ŵanthurumi pamoza nayo, ŵana ŵake ŵanthukazi, ndi ŵana ŵanthukazi ŵa ŵana ŵake ŵanthurumi, mphapu yake yose wanguza nayo pamoza muEgipiti.