Chiyambo 46:34 - Tonga Bible 1986

³⁴ Imwe mwamukuti, ‘Taŵateŵeti ŵinu, te ŵakuŵeta ng'ombe kwamba ku uhurwa widu kufikiya kunu ku sono, tose ifwe ndi auskefwe nawo viyo,’ alinga kuti mujenge mu charu cha Gosheni, chifukwa mliska yose mbukazuzi ku ŵaEgipiti.”

Chiyambo 46:34 Referans Kwoze

Chituwa 8:26

Kweni Mosese wanguti, “Kuti nkhwakwenere cha kuchita viyo; kuti tipereke sembe ku Ambuya Chiuta widu, mpasku weniwo ku ŵaEgipiti mbukazuzi. Asani tipereka sembe yo pa maso gha ŵaEgipiti mbukazuzi, kuti ŵakatidinanga ndi mya cha?

Chiyambo 43:32

Ŵangumuteŵete paku yija iyo, ndipo iwo nawo paku ŵija, ndipo ŵaEgipiti wo ŵangurgha nayo, nawo paku ŵija, chifukwa nkhwamwikhu kuti ŵaEgipiti ŵarghe chiŵande pamoza ndi ŵaHebere, pakuti kuchita viyo mbukazuzi ku ŵaEgipiti.

Chiyambo 46:32

Ndipo ŵanthu wo mbaliska pakuti ŵaŵa ŵakuŵeta ng'ombe, ndipo ŵaza ndi viŵetu vyawo, ndi miskambu yawo ndiso vyose vyo ŵe navyo.’

Chiyambo 37:12

Sono ŵana ŵanyake ŵanguruta kwachiliska viŵetu vya auskeu pafupi ndi Shekemu.

Chiyambo 45:10

mwazamuja mu charu cha Gosheni, ndipo mwazamukuŵa pafupi nane, imwe ndi ŵana ŵinu ndi ŵana ŵa ŵana ŵinu, ndi viŵetu vinu, ndi miskambu yinu, ndi vyose vyenivyo mwe navyo;

Chiyambo 30:35

Kweni zuŵa leniliya Labani wangutuzgamo mbuzi zinthurumi zo zenga za mudyeka ndi za maŵanga ndi zinthukazi zose zo zenga za maŵanga ndi za mudyeka, ye yose yo yenga ndi kakuti tu pa liŵavu, ndi mberere yose yo yenga yifipa, ndi wanguziŵika mu mtufu wa ŵana ŵake kuzisunga;

Chiyambo 34:5

Sono Yakobe wanguvwa kuti wakazuzga mwana wake Dina; kweni ŵana ŵake ŵanthurumi ŵenga ndi ng'ombe mu dondo, viyo Yakobe wanguja chisisi mpaka penipo ŵanguwe.

Chiyambo 13:7

ndipo penga kulimbana pakati pa ŵaliska ŵa ng'ombe zaku Abramu ndi ŵaliska ŵa ng'ombe zaku Lote. Pa nyengo yeniyiya ŵaKanani ndi ŵaPerezi ŵajange mu charu chiya.

Chiyambo 13:8

Sono Abramu wanguti kwaku Lote, “Paulevi kulimbana pakati pako ndi ine, ndi pakati pa ŵaliska ŵako ndi ŵaliska ŵangu pakuti teŵene ndi ŵene.

Chiyambo 26:20

ŵaliska ŵamu Gerara ŵangulimbana ndi ŵaliska ŵaku Yisaki, ŵanguti, “Maji yagha ngidu.” Viyo wangudana zina la chisima cho Eseke, chifukwa ŵangulimbana nayo.

Chiyambo 37:2

Uku ndiku kukonkhoska kwa mphapo yaku Yakobe. Yosefe, po wenga wa virimika chumi pachanya vinkhonde ndi viŵi (17) waliskanga viŵetu pamoza ndi ŵana ŵanyake; wenga mhurwa pamoza ndi ŵana ŵanthurumi ŵaku Biliha ndi Zilpa, ŵawoli ŵa awiske; ndipo Yosefe wanguza ndi makani ghaheni gha paku wo ku auskeu.

Chiyambo 45:18

ndipo mukato uskemwe ndi ŵamu nyumba zinu, ndi mukazi kwangu, ndipo ndazakumupaskani charu chamampha kwakuruska mu Egipiti, ndipo mwazamukurgha vya mafuta vya charu ichi.’

Chiyambo 47:3

Wanguti ku ŵabali ŵake, “Kumbi mlimu winu ngune?” Ndipo iwo wanguti kwaku Farao, “Ŵateŵeti ŵinu mbaliska, mwenimo ŵanguŵiya auskefwe.”

Chiyambo 47:4

Ŵanguti kwaku Farao, “Taziya kuzachija mu charu; pakuti chilala nchinonono ukongwa mu charu cha Kanani; ndipo sono timupemphani zomerezgani kuti ŵateŵeti ŵinu ŵaje mu charu cha Gosheni.”

Chiyambo 47:6

Charu cha Egipiti che paurongo pako; ausu ndi ŵana ŵanyako uŵapaske pakuja po mphamampha ukongwa pa charu ichi; ŵanjenge mu charu cha Gosheni; ndipo asani utiŵaziŵapo ŵanthu ŵanthazi mukati mwawo, uŵamike kuŵa ŵakuphwere ng'ombe zangu.”

Chiyambo 47:11

Sono Yosefe wangujarika awiske ndi ŵana ŵanyake ndi wanguŵapaska chihara mu charu cha Egipiti, cha nyata, mu charu cha Ramesese, uli ndimo wangulanguliya Farao.

Chituwa 8:22

Kweni mu zuwa lo ndikapatuskiyanga paku chija charu cha Gosheni, mwenimo muja ŵanthu ŵangu, muwulengevi milembwe ya nyezi muwa; alinga kuti uziŵe kuti Ndine Ambuya mukati mu charu chapasi.