Chiyambo 46:27 - Tonga Bible 1986

²⁷ ndipo ŵana ŵanthurumi ŵaku Yosefe wo ŵangupapika kwaku iyo mu Egipiti ŵenga ŵaŵi; ŵanthu wose ŵa nyumba yaku Yakobe wo ŵanguza mu Egipiti ŵenga machumi ghankhonde ndi ghaŵi (70).

Chiyambo 46:27 Referans Kwoze

Machitidu gha Ŵakutumika 7:14

Ndipo Yosefe wangutuma, ndi kujidaniya awiske Yakobe, ndi mbumba yake yose, ŵanthu machumi ghankhonde ndi ghaŵi ndi ŵankhonde.

Marangu 10:22

Auskemwe auguzikiya ku Egipiti, ŵanthu machumi ghankhonde ndi ghaŵi (70), ndipo sono Ambuya chiuta winu wakwandaniskani nge ndi nyenyezi za kuchanya.

Chituwa 1:5

Wose ŵa mphapu yaku Yakobe ŵenga ŵanthu machumi ghankhonde ndi ghaŵi (70), Yosefe wenga kale mu Egipiti.

Chituwa 24:1

Ndipo wanguti kwaku Mosese, “Kwere kuno ku Ambuya, iwe ndi Aroni, Nadaba, ndi Abihu ndi ŵaraŵara ŵa ŵaYisraele machumi ghankhonde ndi ghaŵi (70) ndi musope katatu.

Chiyambo 34:30

Sono Yakobe wanguti kwaku Simeoni ndi Levi, “Mwatole suzgu paku ine pakundisanduska wakuŵembeka ku ŵakuja mu charu ichi ŵaKanani ndi ŵaPeresi; ine ndendi ŵamanavi, ndipo asani ŵawunganirana pamoza paku ine ndi kupong'ana nane ndikanangikanga, ine pamoza ndi nyumba zangu.”

Marangu 26:5

“Ndipo mukamukanga paurongo pa Ambuya Chiuta winu, kuti, ‘MuAramu wakuyingayinga ŵenga ada; ndipo iyo wangusikiya ku Egipiti ndi wangugonera mwenimuwa, ndi mbumba yake yimanavi; ndipo muwa wanguguwa kuŵa mtundu ukuru, wakurimba, ndi wakwandana.

Chituwa 1:1

Yagha ndi mazina gha ŵana ŵanthurumi ŵaku Yisraele wo ŵenga ku Egipiti pamoza ndi Yakobe; we yose ndi ŵamu nyumba yake: