Chiyambo 45:20 - Tonga Bible 1986

²⁰ Kwachighanaghanako ndi vinthu vinu cha pakuti vyamampha vyakunozga ukongwa vya charu cha Egipiti vinu.’ ”

Chiyambo 45:20 Referans Kwoze

Yesaya 1:19

Asani mwe ŵakunweka ndiŵakuvwiya, mukarghanga vyamampha vya charu cho.

Luka 17:31

Mu zuŵa liya, yose yo waŵenge pa bagha pachanya, ndi viyaŵi vyake mu nyumba, wangasika cha kuvito: ndipo wamu munda kwakukozgana wangawere kuvuli cha.

Ezekiele 20:17

Kweni ndipuuli jiso langu linguŵagowoke, kuti ndinguŵaparghang'a nanga nkhuŵamariya limu mu bozwa cha.

Ezekiele 9:5

Ndipo kuŵanyake ndinguvwa kuti, “Porotani mu msumba pavuli pake, ndipo mukoso; jiso linu lireke kusiyako, ndipo mureke kurongo lisungu;

Ezekiele 7:9

Ndipo jiso langu kuti likarekeliyanga, nanga nkhuŵa ndi lisungu cha; ndikakulanganinga kwakulingana ndi nthowa zinu, po maunyakazi ghinu ghe mukati mwinu. Sono mukaziŵanga kuti ine ndine Ambuya, wo apuma.

Ezekiele 7:4

Jiso langu kuti likarekeliyanga cha, nanga nkhuti ndichiti lisungu nako cha; kweni chifukwa cha nthowa zinu ndikakulanganinga, po maukazuzi ghinu ghe mukati mwinu. Po ndipo mukaziŵanga kuti ine ndine Ambuya.

Yesaya 13:18

Mauta ghawo ghakabayanga ŵanyamata; ŵaulengevi lisungu ndi chipasi cha chibali, maso ghawo kuti ghakafwiyanga lisungu ŵana cha.

Ezra 9:12

Chifukwa ichi rekani kuzomerezga ŵana ŵinu ŵanthukazi kutorana ndi ŵana ŵawo ŵanthurumi, chingana nkhuzomerezga ŵana ŵinu ŵanthurumi kuto ŵana ŵawo ŵanthukazi; mureke kupenja chimangu chingana mbusambasi wawo. Viyo muŵenge ŵanthazi, murghenge vyamampha vya charu ndi kuchisiyiya ŵana ŵinu, chiŵenge chihara chawo muyaya.

1 Samuele 30:24

Ndiyani yo wangamuvwani pa makani yagha? Chifukwa uli ndimo chiriri chigaŵa chaku yo wangusikiya ku nkhondo, viyo so ndimu chikaŵiyanga chigaŵa chaku yo wangusunga katundu; ŵagaŵanenge kwakuyana.”

1 Samuele 25:13

Ndipo Davidi wanguti ku ŵanthu ŵake, “Munthu yose wamangiriye lipanga lake!” Ndipo munthu yose waku iwo wangumangiriya lipanga lake, Davidi nayo wangumangiriya lipanga lake, akhumba ŵanthu machumi pe chumi ghanayi (400) ŵangukwera pavuli paku Davidi; penipo ŵanthu machumi pe chumi ghaŵi (200) ŵangu ja ndi ŵakatundu.

1 Samuele 10:22

Viyo wangufumba so ku Ambuya, “Kumbi munthu uyu walipo panu?” Ambuya anguti, “Awonani, wabisama mukati muŵakatundu.”

Yoswa 7:11

Yisraele walakwa, ŵaswa phanganu langu lo ndingupangana nawo, ŵatopo vinthu vinyake vyakukanizgika, ŵaba, ndipo ŵapusika, ŵaviŵika pasi pa ŵakatundu ŵawo?

Marangu 19:21

Jiso linu kuti lingachitanga lisungu cha; chiŵenge umoyo ku umoyo, jiso ku jiso, jinu ku jinu, lundi ku lundi, janja ku janja.

Marangu 19:13

Jiso linu lingamufwiyanga lisungu cha, kweni mupeyenge kulakwa kwa ndopa zambura kalema mu Yisraele, alinga kuti kumuŵiyeni kwamampha imwe.

Marangu 7:16

Muparghang'enge ŵanthu wose ŵeniwo Ambuya Chiuta winu waŵaperekenge kwaku imwe. Jiso linu lireke kuŵafwiya lisungu nanga nkhuteŵete ŵachiuta ŵawo, pakuti ichi chiŵenge chiŵana kwaku imwe.

Chituwa 22:7

“Asani wapaska munyake ndrama pamwenga vyuma kumusungiya ndipo vyabika mu nyumba yaku yawa munthu, sono asani munkhungu wasanirika wakalipiyangapo vya kaŵi.

Chiyambo 45:18

ndipo mukato uskemwe ndi ŵamu nyumba zinu, ndi mukazi kwangu, ndipo ndazakumupaskani charu chamampha kwakuruska mu Egipiti, ndipo mwazamukurgha vya mafuta vya charu ichi.’

Mateyu 24:17

wapa nyumba pachanya wangasika cha kwachito vyamu nyumba yake;

Chiyambo 20:15

Ndipo Abimeleke wanguti, “Awona, charu changu che paurongo pako, uje penipo pose ungakhumba.”

Chiyambo 45:19

Kaŵalanguliyeni so kuti, ‘Chitani ichi, toni magareta gha mu charu cha Egipiti ghakukwerapo malitema ghinu ndi ŵawoli ŵinu, ndipo mukato uskemwe ndi mukazi.

Chiyambo 45:21

Ŵana ŵaku Yisraele ŵanguchita viyo; ndipo Yosefe wanguŵapaska magareta, kwakulingana ndi langulu laku Farao ndipo wanguŵapaska kamba waulendo.

Chiyambo 47:6

Charu cha Egipiti che paurongo pako; ausu ndi ŵana ŵanyako uŵapaske pakuja po mphamampha ukongwa pa charu ichi; ŵanjenge mu charu cha Gosheni; ndipo asani utiŵaziŵapo ŵanthu ŵanthazi mukati mwawo, uŵamike kuŵa ŵakuphwere ng'ombe zangu.”