Chiyambo 45:15 - Tonga Bible 1986

¹⁵ Ndipo wangufyofyontha ŵana ŵanyake wose ndi wanguliya paku wo; ndipo pavuli pake ŵana ŵanyake wangukamba nayo.

Chiyambo 45:15 Referans Kwoze

Luka 15:20

Ndipo wangusoka, wanguza ku wiske. Kweni weche kutari iyo, wiske wangumwona, ndi wanguzazika ndi chitima, ndipo wakuchimbiya wanguwa pa khosi lake, ndi wangufyofyontha.

Machitidu gha Ŵakutumika 20:37

Ndipo kunguŵa chilirizi chikuru chaku wose, ndipo ŵanguwa pa singu laku Paulo, ndi ŵamfyofyonthanga,

Sumu 77:4

Kuti watindigoneka tulo cha; ndisuzgika ukongwa reka nditondeka kukamba.

2 Samuele 14:33

Penipo Yoabu wanguruta ku karonga, kumunene; ndipo wangudana Absalomu. Viyo wanguza, wangukotama chisku chake pasi pauronga pa karonga; ndipo karonga wangumufyofyontha Absalomu.

1 Samuele 20:41

Wanguti waruta munyamata yuwa, Davidi wangusotopoka pa muru wa mya, wanguwa pasi kavunama wangukotama katatu; ndipo ŵangufyofyonthana yumoza ndi munyake, ndi kuliriyana yumoza ndi munyake, kweni Davidi wanguliya kwakuruska.

1 Samuele 10:1

Sono Samuele wanguto supa ya mafuta wangupunguliya pa mutu wake, wangumufyofyontha ndi wanguti, “Asi ndi Ambuya wo akupaka mwakuti uŵe chirongozgi wa ŵanthu ŵake ŵaYisraele? Ndipo ukawusanga pa ŵanthu ŵa Ambuya ndi kuŵapozomoska mu janja la ŵarwani ŵawo ŵakuŵazingirizga. Ndipo ichi chiŵenge chisimikizgu kwaku iwe kuti Ambuya akupaka kukupatuwa uŵe fumu pa ŵanthu ŵake.

Ruti 1:14

Viyo ŵangusoska so mazu ghawo ndi ŵanguliya so; ndipo Oropa wangufyofyontha mpongozi wake, kweni Ruti wangukaniliya kwaku iyo.

Ruti 1:9

Ambuya apereke kuti mukasaniye pakuja we yose waku imwe mu nyumba ya murumi wake.” Sono wanguŵafyofyontha, ndipo iwo ŵanguliya ndi kudiska mazozi.

Chituwa 4:27

Ambuya anguti kwaku Aroni, “Ruta ku bozwa kwachikumana ndi Mosese.” Viyo wanguruta, ndipo ŵangukumana pa phiri laku Chiuta ndi wangumufyofyontha.

Chiyambo 45:2

Ndipo wanguliya kwakubangula, mwakuti ŵa Egipiti ŵanguvwa kuliya ko, ndi ŵa nyumba yaku Farao ŵanguvwa nawo.

Chiyambo 33:4

Kweni Esau wanguchimbiya kwachikumana nayo, ndi wangumuvumbatiya, ndipo wangumuvumbatiya, ndipo wangukotamiya pa khosi lake ndi wangumufyofyontha, ndipo wanguliya.

Chiyambo 29:13

Penipo Labani wanguvwa makani ghaku Yakobe mwana wa mzichi wake, wanguchimbiya kwachikumana nayo, wangumuvumbatiya ndi kumufyofyontha, ndi wanguza nayo ku nyumba yake. Yakobe wangunene Labani vinthu ivi vyose,

Chiyambo 29:11

Sono Yakobe wangufyofyontha Rakelo ndi wanguliya kwaku bongo.

Chiyambo 42:24

Pavuli wangutuwako kwawo ndi wanguliya; ndipo wanguwere kwaku wo ndi kukamba nawo. Ndipo wangutoko Simeoni kwaku wo ndi kumumanga pa maso pawo.

Chiyambo 45:14

Sono wangukotamiya pa khosi la mhurwa wake Benjamini ndi wanguliya; ndipo Benjamini wanguliya pa khosi lake.

Chiyambo 45:16

Penipo makani ghanguvwika mu nyumba yaku Farao kuti, “Ŵana ŵanyake ŵaku Yosefe ŵaza,” chingumukondweska limu Farao ndi ŵateŵeti ŵake.

Chiyambo 46:29

Sono Yosefe wangurongoso gareta lake la ufumu ndi wanguruta kwachikumana ndi Yisraele awiske mu Gosheni; ndipo wanguliriya pa khosi lake kwa nyengo yitali.