Chiyambo 44:17 - Tonga Bible 1986

¹⁷ Kweni iyo wanguti, “Chindiŵiye kutali ine kuti ndichite viyo! Munthu mweniyope kapu wasanirika mu janja lake wakaŵanga muŵanda wangu, kweni kwaku imwe rutani mu chimangu ku uskemwe.”

Chiyambo 44:17 Referans Kwoze

Nthanthi 17:15

Yo wazomerezga wa mphurupuru ndi yo wasuska wakurunjika wose ŵaŵi mbakukozgana mu ukazuzi ku Ambuya.

Sumu 75:2

“Ndamika nyengo ya kweruzga,” atiti Ambuya, “ndipo nderuzgenge kwakunyoroka.

2 Samuele 23:3

Chiuta waku Yisraele wakamba, Jarawi laku Yisraele landinene: Po yumoza wausa pachanya pa ŵanthu kwakurunjika, kuwusa mukopa Chiuta,

Chiyambo 42:18

Pa zuŵa la chitatu Yosefe wanguti kwaku wo, “Chitani viyo ndipo mukaŵanga ŵamoyo, pakuti nditopa Chiuta:

Chiyambo 26:29

kuti imwe mukatichitiyanga uheni cha, uli ndimo ifwe tilivi kumukoni ndipo tilivi kumuchitiyani kanthu kweni umampha ndiwo, ndipo takutuzganipo mu chimangu. Sono imwe mwe wakutumbikika wa Ambuya.”

Chiyambo 18:25

Chimuŵiyeni kutali kuchita cha viyo, kubaya ŵarunji pamoza ndi ŵaheni, kuti ŵarunji ŵayani ndi ŵaheni! Ichi chimuŵiyeni kutali! Kumbi Mweruzgi wa charu chose kuti wachitenge urunji cha?”

Chiyambo 44:16

Ndipo Yuda wanguti, “Tikambenge kane ku mbuya widu? Pamwenga tingapandira uli? Chiuta wabowozga ulakwi wa ŵateŵeti ŵako, ehe, te ŵaŵanda ŵa mbuya widu, tose ifwe pamoza ndi mweniyo mu janja lake mwasanirika kapu yo.”

Chiyambo 44:18

Sono Yuda wanguza kwaku iyo, wanguti, “Mbuya wangu, ndipempha iwe kuti muteŵeti wako, wakambe mazu ghamoza ku makutu gha mbuya wangu, ndi ukari wako ureke kukole pa mteŵeti wako; pakuti we uli ndi Farao mweneko.

Chiyambo 44:10

Iyo wanguti, “Chiŵedi nge ndimo mwakambiya: mwenuya wakasanirikanga, nayu wakaŵanga muŵanda wangu, ndi mwaŵanyake mose mukaŵanga ŵambura kalema.”