Chiyambo 44:16 - Tonga Bible 1986

¹⁶ Ndipo Yuda wanguti, “Tikambenge kane ku mbuya widu? Pamwenga tingapandira uli? Chiuta wabowozga ulakwi wa ŵateŵeti ŵako, ehe, te ŵaŵanda ŵa mbuya widu, tose ifwe pamoza ndi mweniyo mu janja lake mwasanirika kapu yo.”

Chiyambo 44:16 Referans Kwoze

Chiyambo 44:9

Mweniyo muteŵeti wako wasanirikenge nayo, wafwe, ndipo ifwe tikaŵanga ŵaŵanda ŵa mbuya widu.”

Danyele 9:7

Ambuya kwaku imwe kwe urunji, kweni kwaku ifwe kwe abudi, ndi soni pa visku. Nge ndi msana uno, ku ŵanthu ŵaku Yuda, ku ŵakuja mu Yerusalemu ndi ku Yisraele yose, wo ŵe pafupi ndi wo ŵe kutali mu vyaru vyose mwaku vyo mukuŵadikiskiya, chifukwa cha maubendezi gho ŵakuchita kwaku imwe.

Luka 12:2

Kweni palive kanthu kakubenekereka ko karekenge kuvunulika: ndi kakubisika keniko karekenge kuziŵikwa.

Maŵerengedu 32:23

Kweni asani kuti mukachitanga viyo cha, ehe, mwalakwiya Ambuya; ndipo muŵe ŵaneneska kuti ulakwi winu ukamusaniyaninga.

Machitidu gha Ŵakutumika 2:37

Ndipo ŵachivwa, ŵanguchontheka mu mtima, ndipo ŵangunene Petro ndi ŵakutumika ŵanyake, “Mwaŵanthu mwaŵabali, tichitengenji?”

Mateyu 7:2

Chifukwa ndi cheruzgu cho muteruzgiya, mweruzgikiyenge chenicho, ndipo ndi mweso wo mutese, kwesekiyenge imwe ndi weniwo.

Yesaya 27:9

Chifukwa cho, paku ichi kulakwa kwaku Yakobe kukapepeskekiyanga, ndipo ichi chikaŵanga chipasi chakufikapo cha kutuzgapo uheni wake: wachichita mya yose ya viguŵa vya sembe nge ndi mya yituŵa yakupereka tumana-tumana, palivi kuti Asherimi pamwenga viguŵa vya vyachema vyo vikajaririyanga kuma.

Yesaya 5:3

Ndipo sono, mwa ŵakuja mu Yerusalemu mwe, ndi ŵanthu ŵaku Yuda, mweruzge, nditukupemphani, pakati pangu ndi munda wangu wamphereska.

Nthanthi 28:17

Asani munthu wanyekezgeka ndi ndopa za munyake waŵe wakuthaŵathaŵa mpaka nyifwa; paulevi wakumovya.

Nthanthi 17:15

Yo wazomerezga wa mphurupuru ndi yo wasuska wakurunjika wose ŵaŵi mbakukozgana mu ukazuzi ku Ambuya.

Jobu 40:4

“Wonani, ndawambura vinjeru ine; nchine cho nkhakumukaninga? Ndipo waka pa mlomo wangu ndi janja langu.

Ezra 9:15

Ambuya Chiuta waku Yisraele, imwe mwe ŵakunyoroka, pakuti tajako ifwe takutaskika, mo kulili msana wale. Wonani, tijichepeska pauronga pinu chifukwa cha matewu ghidu; palivi yumoza waziŵa kuma paurongo pinu chifukwa chaku gho.”

Ezra 9:10

“Ndipo sono Chiuta widu, kumbi tikambenji so pakuti tajowo marangu ghinu?

Ŵeruzgi 1:7

Ndipo Adonibezeki wanguti, “Ŵakaronga machumi ghankhonde ndi ghaŵi (70) ŵakudumulika vikumbu vyawo vikuru vyaku manja ndi ku marundi ŵatondonga livivu kusi ku gome langu; nge ndimo ndinguchitiya, viyo Chiuta wanditayiya thayu.” Ndipo ŵanguza nayo ku Yerusalemu, wangufwiya kwenikuwa.

Yoswa 7:18

wamgudaniya pafupi ŵamu nyumba yake munthu ndi munthu, ndipo Akani mwana waku Karimi, mwana waku Zabdi, mwana waku Zera, wa fuku laku Yuda, wangukoreka.

Yoswa 7:1

Kweni ŵaYisraele ŵangutaya kugomezgeka pa vinthu vyakupaskikiya ku unangiku; pakuti Akani mwana waku Karimi, mwana waku Zabdi, mwana waku Zera, wa fuku laku Yuda, wangutopo vinthu vyakupaskikiya ku unangiku, sono ukari wa Ambuya ungukore pa ŵaYisraele.

Marangu 25:1

“Asani pe suskanu pakati pa ŵanthurumi, ndipo ŵatuza ku bwaro la mirandu, ŵeruzgi ŵateruzga pakati pawo, kufwatuwa wambura kalema ndi kususka wakulakwa.

Chiyambo 44:32

Pakuti nda mteŵeti winu ndinguŵa ndindira pa mhurwa uyu ku ada, ndinguti, Asani ndireka kwachimuwezge kwinu, ipo ndikaŵanga wakalema mu maso gha ada mu umoyo wangu wose.

Chiyambo 37:9

Pavuli wangulota linyake, ndipo wangulikamba ku ŵana ŵanyake, ndipo wanguti, “Ehe, ndalota loto linyake ndipo ehe, dazi ndi mwezi ndi nyenyezi chumi ndi yumoza vyalambiyanga ine.”

Chiyambo 37:7

Tamanganga nchinda mu munda, ndipo ehe, nchinda yangu yinguma phorokotu, ndipo awonani, nchinda zinu zinguyizingirizga ndi zingulambiya nchinda yangu.”

Chiyambo 44:17

Kweni iyo wanguti, “Chindiŵiye kutali ine kuti ndichite viyo! Munthu mweniyope kapu wasanirika mu janja lake wakaŵanga muŵanda wangu, kweni kwaku imwe rutani mu chimangu ku uskemwe.”

1 ŴaKaronga 17:18

Ndipo munthukazi wanguti kwaku Eliya, “Wenane ndi kafukwa uli, wa munthu waku Chiuta we? ukuza kunu kwaku ine kundikumbuska mphurupuru yangu, ndi kuchitiska nyifwa pa mwana wangu!”