Chiyambo 43:9 - Tonga Bible 1986

⁹ Ine ndikaŵanga ndidila paku iyo; mukamupenjanga mu janja langu. Asani ndireka kumuwezge kwaku imwe ndi kumumika parongo pinu kalema kaŵi paku ine muyaya;

Chiyambo 43:9 Referans Kwoze

Chiyambo 42:37

Sono Rubene wanguti ku awiske, “Mubaye ŵana ŵanthurumi ŵangu ŵaŵi, asani ndireka kwachimuwezge kwinu; mumuŵike mu manja ghangu, ndipo ine ndazakumuwezge kwinu.”

ŴaHebere 7:22

namu so waŵiya Yesu ndindira ya chipanganu chakuruska.

Ezekiele 33:8

Asani ndikamba ku muheni, Owe muheni we, nadi ukafwanga, ndipo iwe ureka kumunene kumucheŵeska muheni kuti waweko ku nthowa yake, muheni yuwa wakafwanga mu uheni wake, kweni ndopa zake ndikazifumbanga pa janja lako.

Ezekiele 33:6

Kweni asani mlonda wawona lipanga lituza ndipo kuti watumba mbata cha, ndi kuti ŵanthu kuti ŵacheŵeskeka cha, sono lipanga lituza, ndi kutuzgamo yumoza mukati mwawo; munthu yuwa watuzgikamo ndi uheni wake, kweni ndopa zake ndikazifumbanga pa janja la mlonda.

Ezekiele 3:20

Ndipo so, asani munthu murunji watuwako ku urunji wake ndi wachita uheni, ndipo ine ndaŵika chiguŵisku paurongo pake, wakafwanga chifukwa iwe kuti wamchenjezga cha, wakafwanga pa uheni wake, ndipo nchitu zake za urunji zo wachita kuti zikakumbukikanga cha; kweni ndopa zake ndikazifumbanga pa janja lako.

Ezekiele 3:18

Asani ndititi ku muheni, ‘Ndithu ukafwanga,’ ndipo kuti utimchenjezga cha nanga nkhurongoro nayo kumucheŵeska muheni ku nthowa yake yiheni, mwakuti wataske umoyo wake, muheni yuwa wakafwanga mu kwananga kwake; kweni ndopa zake ndikazifumbanga pa janja lako.

Sumu 119:122

Muŵiye mteŵeti winu ndindira ku umampha; rekani kuzomerezga ŵanthu ŵaheni kundisuzga.

Jobu 17:3

“Muŵike chikoli pakati paku ine ndi imwe, ndiyani yo waliko yo wangapangana nani kundilipiriya?

1 ŴaKaronga 1:21

Vinu kukaŵanga, watakuti wala pasi mbuyangu karonga pamoza ndi awiske, ine ndi mwana wangu Solomoni tikakambikanga kuti te ŵachiguŵisku.”

Chiyambo 31:39

Yo yinguparurika ndi vikoko ndengavi kuza nayo kwaku iwe; ndingulipiyapo ine ndamweni; unguti ndilipiye po kutuwa mu janja langu, manyi zingubika ndi msana pamwenga yingubika ndi usiku.

Chiyambo 9:5

Ndopa za umoyo winu, kwakuneneska ndikakhumbanga kuzifumbiliya; ku chinyama chose ndizifumbiliyenge ndi ku munthu; ku mbali wa munthu we yose ndikakhumbanga umoyo wa munthu.

Luka 11:50

alinga kuti zilembezeke ku mphapu iyi ndopa zo zaku wose ŵamchimi, zakudikiya kwanda ku chidika cha charu.

Chiyambo 43:10

pakuti asani tengavi kuziulika mphanyi sono tikuweko kaŵi.”

2 Samuele 14:9

Ndipo munthukazi waku Tekoa wangukamba ndi karonga, “Mbuyangu karonga, kwananga kuŵe paku ine, ndi pa nyumba ya ada; ndipo karonga ndi chitengo chake waŵe murunji.”