Chiyambo 43:8 - Tonga Bible 1986

⁸ Ndipo Yuda wanguti kwaku Yisraele awiske, “Mutumeni mhurwa yo ndi ine, ndipo tikasokanga ndi tikarutanga, alinga kuti tiŵe ŵamoyo, tireke kufwa, ifwe ndi imwe, ndi malitema ghidu so.

Chiyambo 43:8 Referans Kwoze

Chiyambo 42:2

Ndipo wanguti, “Ehe, ndavwa kuti mwe trigu mu Egipiti; rutani, sikiyaniko mukatiguliyeko trigu, alinga kuti tiŵe ŵamoyo, kufwa cha.”

Marangu 33:6

“Iku Rubene waje wamoyo, kufwa cha, ndi kuti ŵanthu ŵake ŵaŵe ŵamana cha.”

Sumu 118:17

Ine kuti ndikafwanga cha, kweni ndiŵenge wamoyo; ndikambenge vyo Ambuya achita.

Ezra 8:21

Penipo ndingumemeza kufunga kurgha, kuwa ku msinji Ahava, kuti tijiyuyuwe paku Chiuta widu, kupenja nthowa yakurunjika kwaku Iyo paku ifwe ndi ŵana ŵidu, ndi vyuma vidu vyose.

2 ŴaKaronga 7:13

Sono yumoza wa ŵateŵeti ŵake wanguti, “Ŵanthu ŵanyake ŵato ŵakavalo ŵankhonde mwaku wo ŵasiyika, pakuti wose wo ŵasiyika muno kukaŵaŵiyanga nge ndimo kunguŵiya mzinda wose wa ŵaYisraele wo ŵakumara kale, tiŵatume ŵakawone.”

2 ŴaKaronga 7:4

Asani tinganena kuti, ‘Tiyeni tisere mu msumba,’ mu msumba mwe nja, tamufwiya mwenimo, ndipo asani taja penipano napo tikafwanga mbwenu. Iku tiyeni, tirutenge ku ugoŵi wa ŵaSiriya, asani ŵamukutisunga ŵamoyo tamuja ŵamoyo, ndipo asani wamukutibaya mbwenu tikafwanga.”

Maŵerengedu 14:31

Kweni malitema ghinu gho mwatinge ghakaŵanga miskowo, yigho ndikaghaserezganga, ndipo ghakachiziŵanga charu cho imwe mwayuyuwa.

Chituwa 20:12

“Tumbika ausu ndi anyoko, kuti mazuŵa ghako ghaŵenge ghanandi pa charu cho Ambuya Chiuta wako watukupaska.

Chiyambo 50:21

Viyo rekani kopa; ine ndikakuleraninga ndi ŵana ŵinu viyo.” Viyo wanguŵaziŵiska so uneneska ndi wanguŵasangaruska.

Chiyambo 50:8

ndi so ŵa nyumba yaku Yosefe, ŵana ŵanyake, ndi ŵa nyumba ya awiske; ŵana ŵawo pe, mberere zawo ndi ng'ombe zawo vingusiyika mu charu cha Gosheni.

Chiyambo 45:19

Kaŵalanguliyeni so kuti, ‘Chitani ichi, toni magareta gha mu charu cha Egipiti ghakukwerapo malitema ghinu ndi ŵawoli ŵinu, ndipo mukato uskemwe ndi mukazi.

Chiyambo 44:26

kuti, ‘Tingaruta cha. Asani mwana munyidu mumana wakumariya wakarutanga nafwe, po ndipo tikarutanga; pakuti tingaziŵa kwachiwona chisku cha munthu yo cha kwambura kuti mwana munyidu wakumariya te nayo pamoza.’

Chiyambo 42:38

Kweni iyo wanguti, “Mwana wangu kuti mukarutanga nayo cha, pakuti muku wake wakufwa, ndipo wakujapo iyo pe. Asani urwani unga muwiya pa ulendo weniwo mukaŵanga nawo, mukatoliyanga sisi langu lanyivu ku muunda ndi chitima.”

Chiyambo 44:20

Ndipo tinguti ku mbuya widu, ‘Te nayo uskefwe, khongwe, ndi mwana munyidu mhurwa, mwana wamu ukhongwe wake, ndipo mwana munyake wakufwa, ndipo, iku pe kakujapo pa ŵana ŵa anyina; ndi awiske ŵatumwanja.’