Chiyambo 43:30 - Tonga Bible 1986

³⁰ Sono Yosefe wangukankhamika pakuti mtima wake ungukondwa chifukwa cha mhurwa wake, ndipo wangupenja malo ghakuliyapo. Ndipo wangusere mu chipinda chake ndi wanguliya mwenimuwa.

Chiyambo 43:30 Referans Kwoze

Chiyambo 42:24

Pavuli wangutuwako kwawo ndi wanguliya; ndipo wanguwere kwaku wo ndi kukamba nawo. Ndipo wangutoko Simeoni kwaku wo ndi kumumanga pa maso pawo.

Yeremiya 31:20

Kumbi Efraimu ndi mwana wangu wakwanjiwa? Kumbi ndi mwana wangu wapa mtima? Pakuti chingana ndingamukaripiya, nditumukumbuka mbwenu. Chifukwa cho mtima wangu uyereyeta nayo; kwakuneneska ndikamuchitiyanga lisungu, atiti Ambuya.

ŴaFilipi 2:1

Viyo asani mwe masangu ghakuti mwaku Kristu, asani mwe sangarusku lakuti la chanju, asani mwe wanase wakuti wa Mzimu, asani mwe vyachitima vyakuti ndi vyalisungu.

ŴaFilipi 1:8

Chifukwa liuta ndi kaboni wangu, pakuti nditikunwekiyani mose mu vyachitima vyaku Kristu Yesu.

Hoseya 11:8

Kumbi ndingakujowo uli Efraimu! Kumbi ndingakupereka uli Yisraele! Kumbi ndingakusanduska uli nge ndi Adama! Kumbi ndingakusanduska uli nge ndi Zeboyimu! Mtima wangu ung'anamuka mukati mwangu, nde nawe ndilisungu likuru.

1 ŴaKaronga 3:26

Viyo munthukazi yo mwana wake wenga wamoyo, pa chifukwa chakuti mtima wake unguchita chisungu pa mwana wake, wanguti ku karonga, “Awa, mbuyangu, mupaskeni mwana yo wamoyo, mungesa kumubaya cha.” Kweni munyake yo wanguti, “Kuti wangaŵa wangu pamwenga wako cha; mugaŵeni.”

Chiyambo 45:2

Ndipo wanguliya kwakubangula, mwakuti ŵa Egipiti ŵanguvwa kuliya ko, ndi ŵa nyumba yaku Farao ŵanguvwa nawo.

1 Yohane 3:17

Kweni yose yo we nacho chuma cha charu, ndipo wawona mbali wake kuti wakavuka, ndi wamjariya lisungu lake, chanju cho chaku Chiuta chija uli mwaku iyo?

2 Timote 1:4

pakukumbuka masozi ghako, alinga kuti ndizazike ndi chimwemwe.

ŴaKolose 3:12

Viyo vwarani, uli mbakusankhika ŵaku Chiuta, ŵakupaturika ndiŵakwanjiwa, chitima cha lisungu, ulemu, kujiyuyuwa, upovu, chilekerezga;

Machitidu gha Ŵakutumika 20:37

Ndipo kunguŵa chilirizi chikuru chaku wose, ndipo ŵanguwa pa singu laku Paulo, ndi ŵamfyofyonthanga,

Machitidu gha Ŵakutumika 20:31

Chifukwa chenichi khazgani imwe, mwaŵakukumbuka kuti virimika vitatu, usiku ndi msana, kuti ndingureka cha ndi masozi kukuchenjezgani munthu yose.

Machitidu gha Ŵakutumika 20:19

wakuteŵete Ambuya ndi kujiyuyuwa-mtima, ndi masozi, ndi mesedu ghakundiŵiya mafingu gha ŵaYuda;

Chiyambo 46:29

Sono Yosefe wangurongoso gareta lake la ufumu ndi wanguruta kwachikumana ndi Yisraele awiske mu Gosheni; ndipo wanguliriya pa khosi lake kwa nyengo yitali.