Chiyambo 43:11 - Tonga Bible 1986

¹¹ Viyo uskeu Yisraele wanguti kwaku iwo. “Asani kwe viyo, iku chitani ichi: toriyani mu mathumba ghinu vipasi vyamampha vya charu ichi, ndi pingiyani muthu yo vyawanangwa, mafuta ghakupozga ghamanavi, ndi uchi umanavi, maziu, muro, mbarara za pistakio, ndi ŵazobara.

Chiyambo 43:11 Referans Kwoze

Chiyambo 37:25

Sono ŵanguteka pasi ŵarghanga, ndipo ŵati ŵayunuska maso ŵanguwona mpingu wa ŵamaronda ŵa ŵaYishumaele ŵakuturiya ku Gileada pamoza ndi ŵagamila ŵawo ŵakupinga vyema, maziu, ndi muro ŵarutanga navyo ku Egipiti.

Yeremiya 8:22

Kumbi mulivi munkhwala mu Gileada? Kumbi ng'anga mulivi mwenimuwa? Na chifukwa nchine umoyo wa ŵanthu ŵangu ulivi kuweremo?

Ezekiele 27:17

Yuda ndi Yisraele ŵanguchita nawe maronda; ŵangugulana nawe trigu, ma olive ndi nkhuyu za mruwuku, uchi, mafuta, ndi mankhwala ghakuchizgiya.

Nthanthi 18:16

Mpasku wamunthu utumulongosole iyo malo ndipo utumutole paurongo pa ŵanthu ŵakuzirwa.

1 Samuele 9:7

Sauli wangumwamuka, “Kweni asani tingaruta timupingiyengenji? Pakuti mu chiyaŵi chidu chiŵande chamara, ndipo palive chawanangwa cho tingapingiya munthu waku Chiuta. Na tendi kane?”

Machitidu gha Ŵakutumika 21:14

Ndipo wachikana iyo kukopeka, tingugowoka, wakuti, “Khumbu la Ambuya lichitike.”

Ezekiele 27:15

Ŵanthu ŵakuRodo ŵanguchita nawe maronda; malikumba ghanandi gha nyanja ghenga misika yako yakuziŵikwa, pakuzachikulipa iwe ŵangukupingiya minyanga ya njovu ndi miti ya mbawa.

Sumu ya Zisumu 8:14

Tinthimika, wakwanjiwa wangu, uŵe ulaka nge ndi mphoyo pamwenga mwana wa mbaŵa pa mapiri gha vyakununkhira.

Sumu ya Zisumu 4:14

nardi, kalamusi, ndi kinamoni, muro ndi aloe pamoza ndi vyakununkhira vyose vyakuzirwa.

Sumu ya Zisumu 4:10

Naku nkhunowa kwa chanju chako, mzichi wangu, bwezi langu lanthengwa, chanju chako chiruska vinyo, ndipo fungu la mafuta ghako liruska vyakununkhira vyose.

Nthanthi 21:14

Chaulera cha kuubende chituzgapo ukari, ndi vinda lapa chifuŵa lituzgapo uzitu.

Nthanthi 19:6

Ŵanandi ŵapenja mwaŵi wamunthu wakupaska kwawezi, ndipo we yose ndibwezi la munthu mweniyo wapaska vyaulera.

Nthanthi 17:18

Munthu wambura maghanoghano wapaska chikoli, ndipo watuŵa chikoli mu maso gha muzengezgani wake.

Sumu 76:11

Paskani Ambuya Chiuta winu cho mungupangana nayo; mose mwa mitundu yapafupi, paskani vya wanangwa kwaku iyo, kwakumweniyo ngwakwenere kopeka;

Sumu 72:10

Ŵakaronga ŵaku Tarshishi ndi ŵarau virwa ŵakaperekanga mipasku; ŵakaronga ŵaku Sheba ndi Seba ŵakamuziyanga ndi mithulu.

Sumu 68:29

Kutuliya ku nyumba yinu yakupaturika mu Yerusalemu, kweniko ŵakaronga ŵatimupingiyani vyawanangwa.

Estere 4:16

“Ruta ukawunganiske ŵaYuda wose wo ŵemu msumba wa Susa, mufunge kurgha ndi kumwa mazuŵa ghatatu, usiku ndi msana. Ine ndi ŵateŵeti ŵangu ŵanthukazi nafwe tikafunganga kwakulingana ŵaka. Sono pavuli ndamsere ku karonga nanga ichi nchakupambana ndi dangu; ndipo asani nkhufwa, ndifwenge ŵaka.”

2 ŴaKaronga 20:12

Pa nyengo yiya Merodaki-baladani mwana waku Baladani karonga wa Babiloni, wangutuma nthumi ndi ŵakarata ndi chaulera kwaku Hezekiya, pakuti wanguvwa kuti wangutama.

2 ŴaKaronga 16:8

Ahazi wanguto so siliva ndi golide vyo vingusanirika mu nyumba ya Ambuya ndi mu mbiku za nyumba ya karonga, wangutuma chaulera ku karonga wa Asiriya.

2 ŴaKaronga 8:8

karonga wangutuma Hazaeli, “Ruta, ndi pinga chaulera pamoza nawe kwachikumana ndi munthu waku Chiuta, ukafumbe ku Ambuya kwaku iyo, kuti, ‘Kumbi ndikachilanga ku urwali uwu?’ ”

1 ŴaKaronga 15:19

“Liŵepu phanganu lakovyana pakati paku ine ndi iwe, nge ndapakati pa ada ndi ausu: ehe, ndatuma ko kwako chaulera cha siliva ndi golide; ruta, kabwanganduwe phanganu lako ndi Basha karonga waku Yisraele, alinga kuti watuweko kwangu.”

1 ŴaKaronga 10:25

Yose waku wo wanguza ndi chaulera chake, vinthu vya siliva ndi golide, vivwaro muro, minkhwani yachema, ŵakavalo, ndi nyulu vyenivi nandi chirimika ndi chirimika.

1 ŴaKaronga 10:15

kwambura kusazgako gha pade ghakutuwa ku ŵamalonda ndi ŵamalonda ŵakwendayenda, ndi ghakutuwa ku ŵakaronga wose ŵa Arabia ndi kuŵeruzgi ŵa charu.

1 ŴaKaronga 4:21

Solomoni wanguwusa pa maufumu ghose kwamba ku Efrate kwachifika ku charu cha ku ŵaFilisti ndi ku mphaka ya Egipiti, ŵanguza ndi mithulu, ŵangutataliya Solomoni mazuŵa ghose gha umoyo wake.

1 Samuele 25:27

Viyo sono zomerani kuti chawanangwa cho ndamteŵeti winu ndamupingiyani mbuyangu chipaskike ku ŵanyamata ŵakurondo mbuyangu.

Marangu 33:14

vipasi vyakusankhika vya lumwi, ndi vipasi vyakuzara vya myezi,

Chiyambo 43:14

Chiuta Wanthazi zose wakupaskeni lisungu paurongo paku yo munthu kuti wawezge kuno mwana munyinu munyake ndi Benjamini. Asani ndazingizgika ndi chitima chapa ŵana, ndazingizgika mbweno.”

Chiyambo 33:10

Yakobe wanguti, “Awa, nditukupempha, asani ndasaniya wezi mu maso ghako, iku londa chaulera chakutuliya mu janja langu; pakuti kwakuneneska pakuwona chisku chako kuchita nge ndiwona chisku chaku Chiuta, pa wezi waviyo iku wandironde.

ŴaLevi 20:24

Kweni kwaku imwe ndakamba kuti, ‘Mukaharanga charu chawo, ndipo ndikachipaskanga kwaku imwe kuŵa chinu, charu chakutaŵala mkaka ndi uchi.’ Ine ndine Ambuya Chiuta winu, yo wakupatuwaniko ku mitundu yinyake ya ŵanthu.

Chiyambo 43:10

pakuti asani tengavi kuziulika mphanyi sono tikuweko kaŵi.”

Chiyambo 43:15

Viyo yaŵa ŵanthu ŵangupinga chaulera, ndipo ŵangupinga ndrama za paŵi ndi Benjamini; ndipo ŵangusoka ndi ŵangusikiya ku Egipiti ndi wanguma paurongo paku Yosefe.

Chiyambo 43:25

ŵangulongosole limu chaulera chaku Yosefe wachiza pa msana-pakati, pakuti ŵanguvwa kuti wakarghanga chiŵande mwanimuwa.

Chiyambo 43:26

Ŵanguti waza Yosefe ku nyumba ŵanguserezga mu nyumba kwaku iyo chaulera cho ŵenga nacho ndipo ŵangumulambiya.

Ezekiele 27:22

Ŵa maronda ŵaku Sheba ndi Rama ŵangugulana nawe; ŵangusinthiskana nawe ndi vyakuzirwa vyakununkhira vya mtundu mtundu, ndi vya mya yose yakuzirwa, ndi golide.

Chituwa 3:8

Ndiziŵa maurwirwi ghawo, ndipo ndasika kuŵapozomoska ku ŵaEgipiti. Ndikaŵatuzganga mu charu chiya kuya nawo ku charu chamampha ndi chisani, charu cha mukaka unandi ndi uchi unandi. Cho ndi charu cha ŵaKanani, ŵaHiti, ŵaAmori, ŵaPerizi, ŵaHivi, ndi ŵaYebusi.