Chiyambo 42:34 - Tonga Bible 1986

³⁴ Mukazi nayo kuno kwangu mwana munyinu wakumariya; po ndipo ndikaziŵanga kuti mwe skoli cha kweni ŵanthu ŵakongolekwa, ndipo ndazakumuwezgiyani mwana munyinu, ndipo mukachitanga malonda mu charu ichi.’ ”

Chiyambo 42:34 Referans Kwoze

Chiyambo 34:10

Mukajanga nafwe, ndipo charu chikajurikiyanga imwe: mujenge ndi muchite malonda mwaku cho, ndipo muwoniyemo vinthu mwenimo.”

Chiyambo 34:21

“Yaŵa ŵanthu ndi mabwezi ghidu; ŵazomerezgeke kuja mu charu ndi kuchitamo malonda, pakuti, ehe, charu nchikuru kukwana kwaku wo, tiyeni titonge ŵana ŵawo ŵanthukazi kuŵa ŵawoli, ndipo tiyeni tiŵapaskenge ŵana ŵidu ŵanthukazi.

Ezekiele 17:4

yingufyo kusongoyiko kwa mphanda zake za kutefwatefwa yinguruta nayo ku charu cha maronda, ndi kujijarika mu msumba wa ŵamaronda.

1 ŴaKaronga 10:15

kwambura kusazgako gha pade ghakutuwa ku ŵamalonda ndi ŵamalonda ŵakwendayenda, ndi ghakutuwa ku ŵakaronga wose ŵa Arabia ndi kuŵeruzgi ŵa charu.

Chiyambo 42:20

ndipo mukazi ndi mwana munyinu wakumaliya kuno kwangu po ndipo mazu ghinu ghazamusandika ndipo kuti mukafwanga cha.” Ndipo ŵanguchitadi viyo.

Chiyambo 20:15

Ndipo Abimeleke wanguti, “Awona, charu changu che paurongo pako, uje penipo pose ungakhumba.”

Chiyambo 42:15

Pakuti chenichi mwesekenge, mo ulili umoyo waku Farao kuti mukatuwangapo pano cha mpaka penipo mwana munyinu wakumariya waza pano.