Chiyambo 42:22 - Tonga Bible 1986

²² Ndipo Rubene wangwamuka kuti, “Kumbi ndengavi kukuneniyani ine kuti mungananga pa mhurwa yo cha? Kweni mungukana kundivwa. Viyo sono patuza chilangu cha ndopa zake.”

Chiyambo 42:22 Referans Kwoze

Sumu 9:12

Pakuti iwo wati ŵakumbuka wakutayiya thayu ndopa; kuliya kwa ŵakusuzgika kuti waruwa cha.

2 Mikoka 24:22

Viyo karonga Yoashi kuti wangukumbuka cha ulemu wo Yehoyada wiske waku Zekariya wangumuchitiya, kweni wangubaya mwana wake, ndipo wachifwa, wanguti, “Ambuya achiwone ichi ndipo awezge nduzga!”

1 ŴaKaronga 2:32

Ambuya akawezgiyanga nchitu zake za ndopa pa mutu wa mweneko, chifukwa, kwambura kuziŵa ada Davidi, wangukoso ndi wangubaya ndi lipanga ŵanthu ŵaŵi ŵarunji kwakuruska iyo, ndi ŵamampha kwakuruska iyo, Abneri mwana waku Neri mura wa nkhondo yaku Yisraele, ndi Amasa mwana waku Jeteri, mura wa nkhondo yaku Yuda.

Chivumbuzi 16:9

Ndipo ŵanguŵawuka ŵanthu ndi chifundizi chikuru: sono ŵangulituka zina laku Chiuta, mweniyo wenga ndi mtufu pa videru vyenivyo; ndipo kuti ŵangubezga ndi kumpaska iyo unkhankhu cha.

Chivumbuzi 13:10

Asani munthu watemeke mkoli, ku mkoli wakenge; asani munthu wabayenge ndi lipanga, iyo nayo wabayikenge ndi lipanga. Panu pe unkhunthiya wa ŵakupaturika wo, ndi chivwanu chawo.

ŴaRoma 2:15

mwakuti ŵarongo iwo kuti nchitu ya chilangulu cho yilembeka mu mitima yawo, njuŵi zawo zakusimikizgiyapo, ndi maghanaghanu ghawo, limoza ku linyake, ghakuŵapanikizga pamwenga ghakuŵapandiriska;

Machitidu gha Ŵakutumika 28:4

Ndipo ŵaheriheri po ŵanguwona chirwani cho chadoromoka pa janja lake, ŵanenerananga, “Nadidi munthu mwenuyu ngwambanda, mweniyo chingana wapozomoka ku nyanja, ndikweni thayulirive kumzomerezga kuŵa wamoyo.”

Luka 23:41

Ndipo ifwe nadi nchakutenere pakuti tironde vyakwenere vyenivyo tachita: kweni uyu walive kuchita kanthu kakusovya.”

Ezekiele 3:18

Asani ndititi ku muheni, ‘Ndithu ukafwanga,’ ndipo kuti utimchenjezga cha nanga nkhurongoro nayo kumucheŵeska muheni ku nthowa yake yiheni, mwakuti wataske umoyo wake, muheni yuwa wakafwanga mu kwananga kwake; kweni ndopa zake ndikazifumbanga pa janja lako.

Chiyambo 4:10

Ndipo Ambuya anguti, “Nchine cho wachita? Mazu gha ndopa za mhurwa wako ghatindiliriya kutuwa ku nyata.

Chiyambo 42:23

Ŵengavi kuziŵa kuti Yosefe wanguziŵa vyo wakambanga, chifukwa penga mutoliki pakati pawo.

Chiyambo 45:3

Ndipo Yosefe wanguti ku ŵana ŵanyake, “Ndine Yosefe; kumbi ada ŵeche ŵamoyo?” Kweni ŵana ŵanyake ŵangutondeka kumwamuka, pakuti ŵanguzizwa ndi kuŵapo kwake.

Chiyambo 50:15

Penipo ŵana ŵanyake ŵaku Yosefe ŵanguwona kuti uskeu wafwa, ŵanguti, “Akhumba Yosefe wakatitinkhanga ndi wakatitayiyanga thayu pa viheni vyose vyenivyo tingumuchitiya.”

1 Samuele 19:4

Sono Jonafani wangukamba umampha gha kurumba Davidi kwa wiske a Sauli, wanguti, “Rekani kughanaghaniya uheni pa mteŵeti winu Davidi; chifukwa iyo walive kumunangiyani kanthu, ndipo nchitu zake zaŵa zamampha kwaku imwe.

1 ŴaKaronga 2:33

Viyo ndopa zawo zikawerenga pa mutu waku Yoabu ndi pa mutu wa mphapu yake muyaya; kweni kwaku Davidi, ndi ku mphapu yake, ndi ku nyumba yake, ndi ku chitengo chake, kukaŵanga chimangu chakutuliya ku Ambuya muyaya swi.”