Chiyambo 42:21 - Tonga Bible 1986

²¹ Penipo ŵangunenerana yumoza ndi munyake, “Tinguwona suzgu ya mzimu wake, penipo wangutiŵeyere kweni kuti tinguphwere cha; pa chifukwa chiya suzgu iyi yaza paku ifwe.”

Chiyambo 42:21 Referans Kwoze

Hoseya 5:15

Ndiwerenge so ku malo ghangu, mpaka ŵazomere kwananga kwawo, ndipo ŵapenge chisku changu. Ndipo mu suzgu yawo ŵatindipenja, ŵatiti,

1 Yohane 1:9

Asani tizomera vilakwa vidu, ngwamagomekezgeka ndi murunji kutireke vilakwa vidu, ndi kutitozga ku uwura-urunji wose.

Yakobe 2:13

Chifukwa cheruzgu nchambura lisungu ku wakureka kuchita lisungu: ndipo lisungu litumbwiya pa cheruzgu.

Machitidu gha Ŵakutumika 19:18

Anandi so ŵaku wo ŵanguvwana ŵazanga, ŵakujisumuwa ndi ŵakuzomera machitidu ghawo.

Luka 16:28

chifukwa nde nawo ŵabali ŵankhonde; alinga kuti waŵasimikizgiye, vinu ŵangaza iwo nawo mu malo yagha gha urwirwi.’

Marko 9:48

kweniko fusi yawo kuti yitufwa cha, ndi moto kuti uzimwa cha.

Mateyu 7:2

Chifukwa ndi cheruzgu cho muteruzgiya, mweruzgikiyenge chenicho, ndipo ndi mweso wo mutese, kwesekiyenge imwe ndi weniwo.

Yeremiya 34:17

Chifukwa cho, viyo atiti Ambuya: Mulivi kundivwiya ine kumemeza we yose ku mwana munyake ndi ku mzengezgani wake; wanangwa, ehe, nditikupaskani wanangwa waku lipanga, waku chideru, ndi wanangwa waku chilala, atiti Ambuya. Ndikamuchitaninga kuŵa chakofya ku maufumu ghose gha charu chapasi.

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

Yeremiya 2:17

Asi ndimwe mwaŵeni mwajidaniya uheni uwo kuti ukuziyeni pakureka Ambuya Chiuta winu, penipo wangukurongozgani mu nthowa?

Nthanthi 28:17

Asani munthu wanyekezgeka ndi ndopa za munyake waŵe wakuthaŵathaŵa mpaka nyifwa; paulevi wakumovya.

Nthanthi 21:13

Mweniyo wajara gutu lake ku kuliya kwa mukavu nayo wakaliyanga kuwulengevi kumuvwa.

1 ŴaKaronga 17:18

Ndipo munthukazi wanguti kwaku Eliya, “Wenane ndi kafukwa uli, wa munthu waku Chiuta we? ukuza kunu kwaku ine kundikumbuska mphurupuru yangu, ndi kuchitiska nyifwa pa mwana wangu!”

2 Samuele 12:13

Davidi wangunena ndi Natani, “Ndalakwiya Ambuya.” Ndipo Natani wanguti, “Ambuya atuzgapo uheni wako; kuti ukafwanga cha.

Ŵeruzgi 1:7

Ndipo Adonibezeki wanguti, “Ŵakaronga machumi ghankhonde ndi ghaŵi (70) ŵakudumulika vikumbu vyawo vikuru vyaku manja ndi ku marundi ŵatondonga livivu kusi ku gome langu; nge ndimo ndinguchitiya, viyo Chiuta wanditayiya thayu.” Ndipo ŵanguza nayo ku Yerusalemu, wangufwiya kwenikuwa.

Maŵerengedu 32:23

Kweni asani kuti mukachitanga viyo cha, ehe, mwalakwiya Ambuya; ndipo muŵe ŵaneneska kuti ulakwi winu ukamusaniyaninga.

Chiyambo 41:9

Sono wakupereka vinyo mura wanguti kwaku Farao, “Ndikumbuka ubudi wangu msana wale.

Yeremiya 4:18

Nthowa zinu ndi machitidu ghinu ndivyo vyatore ivi paku imwe Iyi ndi suzgu yako, ndipo njakuŵaŵa.”

Chiyambo 45:3

Ndipo Yosefe wanguti ku ŵana ŵanyake, “Ndine Yosefe; kumbi ada ŵeche ŵamoyo?” Kweni ŵana ŵanyake ŵangutondeka kumwamuka, pakuti ŵanguzizwa ndi kuŵapo kwake.

Chiyambo 50:15

Penipo ŵana ŵanyake ŵaku Yosefe ŵanguwona kuti uskeu wafwa, ŵanguti, “Akhumba Yosefe wakatitinkhanga ndi wakatitayiyanga thayu pa viheni vyose vyenivyo tingumuchitiya.”

Chiyambo 44:16

Ndipo Yuda wanguti, “Tikambenge kane ku mbuya widu? Pamwenga tingapandira uli? Chiuta wabowozga ulakwi wa ŵateŵeti ŵako, ehe, te ŵaŵanda ŵa mbuya widu, tose ifwe pamoza ndi mweniyo mu janja lake mwasanirika kapu yo.”