Chiyambo 41:43 - Tonga Bible 1986

⁴³ ndipo wangumujarika mu gareta lake la chiŵi la ufumu; ndipo ŵangukambura paurongo pake, “Jikamani makongono!” Viyo ndimu wangumjarikiya pa mtufu wapa charu chose cha Egipiti.

Chiyambo 41:43 Referans Kwoze

Chiyambo 45:8

Viyo kuti ndimwe cha mungundituma kuno, kweni ndi Chiuta; ndipo iyo wakundisanduska, mpapi kwaku Farao ndi mbuya wa nyumba yake yose ndi mweruzgi pa charu chose cha Egipiti.

Machitidu gha Ŵakutumika 7:10

ndipo wangumutaska ku masuzgu ghake ghose, ndipo wangumpaska wezi ndi zeru paurongo paku Farao karonga wa Egipiti mweniyo wangumumika mura pa Egipiti ndi panyumba yake yose.

Chiyambo 45:26

Ndipo ŵangumunene, “Yosefe weche wamoyo, ndipo ndi mweruzgi pa charu chose cha Egipiti.” Ndipo mtima ungufwa chipoyo, pakuti wanguvwana nawo cha.

Chiyambo 42:6

Sono Yosefe wenga mweruzgi mura pa charu chiya; iyo ndiyo waguliskanga trigu ku ŵanthu wose ŵa charu chiya. Ndipo ŵana ŵanyake ŵaku Yosefe wanguza, ndipo ŵangukotama mitu yawo paurongo pake ndi visku vyawo pasi zgoli.

ŴaFilipi 2:10

kuti mu zina laku Yesu gongonu lose ligwadiyenge, la ŵakuchanya, ndi la ŵapa charu, ndi la ŵakusi kwa charu,

Chiyambo 42:33

Sono yo munthu, mweneko wa charu cho, wanguti kwaku ifwe, ‘Paku ichi ndikaziŵanga kuti mwe ŵanthu ŵakongolekwa, mundisiriyi yumoza mwana munyinu ndipo rutani ndi trigu chifukwa cha chilala cha nyumba zinu, ndipo sereni ku nthowa.

Chiyambo 42:30

“Yo munthu, mbuya wa charu chiya, wangukamba nafwe kwa nkhaza, ndipo wangutitundula kuti te skoli za charu chiya.

Chiyambo 41:42

Viyo Farao wanguto mphete yake ya chisimikizgu kuyizuwa pa janja lake ndi kuyivwarika pa janja laku Yosefe ndipo wangumuvwarika vivwalo vya kutowa vituŵa vyamampha, ndipo wanguvwarika unyoro wagolide mu khosi lake;

Chiyambo 41:44

Ndipo so Farao wanguti kwaku Yosefe, “Ine ndine Farao ndipo kwambura kuti iwe wazomerezga palivi munthu nanga njumoza wakasoskanga janja pamwenga rundi mu charu chose cha Egipiti.”

Chiyambo 50:18

Ŵana ŵanyake ŵanguza so ndi ŵanguwa pasi paurongo pake, ndi ŵanguti, “Ehe, ifwe te ŵateŵeti ŵako.”

Estere 10:3

Pakuti Mordikayi muYuda wenga wachiŵi ku karonga Ahaswerusi ndi wapachanya mukati mu ŵaYuda, ndipo ŵangumuzomera ŵabali ŵake ŵanandi chifukwa ŵaŵapenjiyanga umampha ŵanthu ŵa mtundu wake ndi kukamba vya chimangu ku mbeu yake yose.

Chiyambo 50:9

Ndipo ŵanguruta pamoza nayo ŵapa magareta ndi ŵapa ŵakavalo; chenga chimpingu chikuru ukongwa.

Estere 3:2

Ndipo ŵateŵeti wose ŵa karonga ŵapa likomo la karonga ŵangukotama ndi kumlambiya Hamani, chifukwa karonga wangulangula viyo paku iyo.

Wakutaula 4:14

inya nanga wangutuliya mu nyumba ya ukayidi kwazifika pa chitengu cha ufumu pamwenga wanguwiya mu ukavu mu ukavu mu ufumu wake.

Danyele 2:48

Viyo karonga wangupaska Danyele ulemu ndi vyawanangwa vinandi, ndi kumumika kuŵa wakuwusa chigaŵa chose cha Babiloni.