Chiyambo 41:40 - Tonga Bible 1986

⁴⁰ iwe ukaŵanga wakutufuliya nyumba yangu, ndipo ŵanthu wose ŵakachitanga langulu kwakuyana ndi kulangula kwako; kweni chitengo cha ufumu pe ine ndikaŵanga mura wa pachanya pako.”

Chiyambo 41:40 Referans Kwoze

Machitidu gha Ŵakutumika 7:10

ndipo wangumutaska ku masuzgu ghake ghose, ndipo wangumpaska wezi ndi zeru paurongo paku Farao karonga wa Egipiti mweniyo wangumumika mura pa Egipiti ndi panyumba yake yose.

Nthanthi 22:29

Mutumuwona munthu wakuziŵiskamu nchitu yake? Iyo wakamanga paurongo pa ŵakaronga, kuti wakamanga paurongo pa ŵanthu ŵauliuli cha.

Danyele 5:29

Viyo Beleshazara wangulangula kuti Danyele wavwarikike nkhazu ndi ukufu mu khosi lake, ndipo kunguwandiskika kuti waŵi wakuwusa wachitatu mu ufumu.

Sumu 2:12

Fyofyonthani marundi ghawo, vinu angakaripa, ndi mungamariya mu nthowa; pakuti ukari wawo ukole ruŵi. Mbakutumbikika wose wo ŵadingang'a mwaku iwo.

Danyele 6:3

Paku yaŵa ŵatatu, ndi mukati mu mafumu ghose, Danyele wangusanirika wamagomekezgeka chifukwa mzimu umphemphyemu wenga mwaku iyo. Ndipo karonga wangukhumba kumukwezga kulamula ufumu wose.

Chiyambo 45:26

Ndipo ŵangumunene, “Yosefe weche wamoyo, ndipo ndi mweruzgi pa charu chose cha Egipiti.” Ndipo mtima ungufwa chipoyo, pakuti wanguvwana nawo cha.

Jobu 31:27

ndi mtima wangu ungunyengeka muubende, mlomo wangu wafyofyontha janja langu;

1 Samuele 10:1

Sono Samuele wanguto supa ya mafuta wangupunguliya pa mutu wake, wangumufyofyontha ndi wanguti, “Asi ndi Ambuya wo akupaka mwakuti uŵe chirongozgi wa ŵanthu ŵake ŵaYisraele? Ndipo ukawusanga pa ŵanthu ŵa Ambuya ndi kuŵapozomoska mu janja la ŵarwani ŵawo ŵakuŵazingirizga. Ndipo ichi chiŵenge chisimikizgu kwaku iwe kuti Ambuya akupaka kukupatuwa uŵe fumu pa ŵanthu ŵake.

Chiyambo 39:9

iyo kuti ngwakuruska ine cha mu nyumba iyi; ndipo walivi ko wasiyapo kwaku ine kweni iwe pe, chifukwa we muwoli wake, na chifukwa nchine chakuti ndingachitiya uheni ukuru uwu, ndi kulakwiya Chiuta?”

Chiyambo 44:18

Sono Yuda wanguza kwaku iyo, wanguti, “Mbuya wangu, ndipempha iwe kuti muteŵeti wako, wakambe mazu ghamoza ku makutu gha mbuya wangu, ndi ukari wako ureke kukole pa mteŵeti wako; pakuti we uli ndi Farao mweneko.

Estere 3:1

Pavuli pa vinthu ivi karonga Ahaswerusi wangumtumphuwa Hamani mwana waku Hamedata mu Agagi, wanguŵika chitengo chake pachanya pa vitengo vya ŵakaronga wose wo wenga nawo.

Estere 10:3

Pakuti Mordikayi muYuda wenga wachiŵi ku karonga Ahaswerusi ndi wapachanya mukati mu ŵaYuda, ndipo ŵangumuzomera ŵabali ŵake ŵanandi chifukwa ŵaŵapenjiyanga umampha ŵanthu ŵa mtundu wake ndi kukamba vya chimangu ku mbeu yake yose.