Chiyambo 40:8 - Tonga Bible 1986

⁸ Iwo ŵanguti kwaku iyo, “Talotanga maloto, ndipo palivi nanga njumoza Wakughang'anamuwa.” Ndipo Yosefe wanguti kwaku wo. “Kumbi mang'anamulidu kuti ngaku Chiuta cha? Ndineniyeni, nditukuŵeyereni.”

Chiyambo 40:8 Referans Kwoze

Danyele 2:47

Karonga wanguti kwaku Danyele, “Kwakuneneska Chiuta wako ndi Chiuta wa ŵachiuta, ndi karonga wa ŵakaronga, muwuvumbuzi wa vya muchindindi, chifukwa iwe wavumbuwa cha muchindindi ichi.”

Danyele 2:28

Kweni waliko Chiuta kuchanya yo wavumbuwa vyamuchibisibisi, ndiyo waziŵiska Karonga Nebukadanezara cho chiŵengeko mu mazuŵa ghakunthazi. Loto ndi chiwona cha mutu winu muchigona mu chita, ndi ivi:

Amosi 3:7

Nadi Ambuya Chiuta kuti wachita kanthu cha kakuwubende, kwambura kuti wadanga wakavumbuliya ku ŵateŵeti ŵake ŵamchimi.

Danyele 4:8

Kweni pavuli wangusere Danyele ndi wanguma panthazi pangu yo wadanika so Belteshazara, lo lenga zina laku chiuta wangu, mwaku yo mwe mzimu wa ŵachiuta ŵatuŵa, ndingumunene loto kuti,

Danyele 2:11

Chinthu cho karonga wafumba nchinonono, palivi yo wangachivumbuwa ku karonga kweni ŵachiuta pe ndiwo wo kuti mbanthu cha.”

Yesaya 8:19

Ndipo ŵachikamba kwaku iwe, “Fumba ku ŵamaula ndi ŵakombeza wo ŵajumajuma ndi kubwebweta,” kumbi ŵanthu kuti ŵatenere kufumba Chiuta wawo cha? Kumbi nchakwenere kufumba ŵakufwa mu malo mwa ŵamoyo?

Sumu 25:14

Ambuya ndi bwezi laku ŵeniwo ŵati ŵawopa, ndipo phanganu lawo atiŵaziŵiska.

Chiyambo 40:9

Viyo wakupereka vinyo mura wangumunene Yosefe loto lake, ndi wanguti, “Mu loto langu paurongo pangu penga muti wa mphereska,

Jobu 33:23

Asani wakamuŵiyangako mungelo, mwendapakati, yumoza waku wo chikwi, (1,000) wakukunene munthu cho nchakurunjika kwaku iyo;

Danyele 2:3

Ndipo karonga wanguti kwaku wo, “Ndalota loto, ndipo mtima wangu usuzgika kuti, mphanyi ndinguziŵa cho loto ling'anamuwa.”

Danyele 2:27

Danyele wangwamuka karonga wanguti, “Palivi ŵanthu ŵazeru, manyi mbaziŵi nyenyezi, ŵaukwi, pamwenga ŵakuziŵa zinyengo wo ŵangaziŵa kunena chamuchibisibisi cho karonga wafumba.

Danyele 5:16

Kweni ndavwa kuti uziŵa kundinene kang'anamuridu ndi kufwatuwa maunonono. Sono asani ungaŵerenga lembo ndi kundiziŵiska kang'anamuridu kake, ukavwarikikanga vyakuvwara vichesamu ndi ukufu wa golide mu khosi lako, ndi ukaŵanga wakuwasa wachitatu mu ufumu wangu.”

Chiyambo 41:25

Sono Yosefe wanguti kwaku Farao, “Loto laku Farao ndimoza; Chiuta warongo kwaku Farao chenicho we pafupi kuchita.