Chiyambo 40:15 - Tonga Bible 1986

¹⁵ Pakuti kwakuneneska ndingubika ku charu cha ŵaHebere; ndipo muno namo ndilivi kuchitamo kanthu kakuti wandiŵikiye mu zenje.”

Chiyambo 40:15 Referans Kwoze

Chiyambo 39:20

Ndipo mbuyake waku Yosefe wangumuto ndi wangumuŵika mu nyumba ya ukaidi, mu malo mwenimo ŵakaidi ŵa karonga ŵamangikiyanga, ndipo wanguja mwenimuwa mu nyumba ya ukaidi.

1 Timote 1:10

ŵareŵi, ŵakura ndi ŵanthurumi, ŵachivwamba, ŵatesi, ŵakurapa kwautesi, ndi kose kanyake asani kamikirana ndi chisambizgu chizirima;

Yohane 15:25

Kweni nchakuti ghafiskike mazu gho ghalembeka mu langulu lawo, ‘Wangunditinkha waka.’

Yohane 10:32

Yesu wanguŵamuka, “Nchitu zinandi zeneko ndakurongoni zakutuwa ku Ada; chifukwa cha nchitu yakutinji yaku zo mutindipong'e mya?”

Danyele 6:22

“Karonga muŵi ŵamoyo muyaya! Chiuta wangu watuma mungelo wake, wajara milomo ya nkharamu, ndipo kuti zandipweteka cha, chifukwa ndasanirika wambura kalema paurongo pake, ndipo so paurongo pinu, ndilivi kuchita kaheni, a karonga.”

1 Samuele 24:11

Awonani ada, wonani mkono wa khanju linu mu janja langu; pakuti ndadumuwako mkano ku khanju linu, kweni kumbayani cha, mtenere kuziŵa ndi kuwona kuti mu manja ghangu mulivi kaheni chingana nkwananga. Palivi cho ndamunangiyani, chingana imwe mupenja umoyo wangu kuwuto.

Marangu 24:7

“Asani munthu wasanirika wachiba yumoza wa ŵabali ŵake, ŵanthu ŵaku Yisraele, ndipo asani watumuko kuŵa muŵanda pamwenga watimuguliska, sono yuwa munkhungu watenere kufwa. Viyo mukapeyangamo uheni mukati mwinu.

Chituwa 21:16

“We yose wakuba munthu, manyi watimuguliska pamwenga wasanirika ndi iyo, wabayikenge.

Chiyambo 41:12

Tenga ndi munyamata muHebere mwenimuwa, muŵanda wa nduna ya ŵalonda; ndipo tinguti tamunene, wanguting'anamuliya maloto; wanguting'anamuliya maloto ghidu, wangupaska kang'anamulidu kwaku uyu ndi uyu kwakuyana ndi loto lake.

Chiyambo 14:13

Sono yo wangupozomokapo wanguza, ndi wangunene Abramu muHebere yo, mweniyo wajanga pafupi ndi miti ya misolo yaku Mamre mu Amori, mwana munyake waku Esekolo ndi waku Anere; yaŵa ndi wo ŵenga ŵakupangana ndi Abramu.

Chiyambo 40:16

Penipo wakubika mura wanguwona kuti kang'anamulidu kenga kamampha, wanguti kwaku Yosefe, “Ine nane ndingulota loto; penga vise vitatu vya keki pa mutu wangu,

Sumu 105:18

Marundi ghake ghangutemeka chifukwa chakumangika ndi matangaja, ndipo gori la chisulo linguŵikika pa khosi lake.

Sumu 109:2

Ŵanthu ŵaheni ndi ŵatesi ŵandizinga, ŵakamba ghakupusika paku ine.