Chiyambo 39:6 - Tonga Bible 1986

⁶ Viyo wangusiya vyose vyo wenga navyo mu mtufu waku Yosefe, ndipo wachiŵa ndi iyo wachitanga so kanthu nanga nkhamoza cha kweni kurgha pe kweniko warghanga. Sono Yosefe wenga wakutowa ndi wakunozga pakumulereska.

Chiyambo 39:6 Referans Kwoze

Nthanthi 31:11

Mtima wa mrumi wake ugomekezga mwake, ndipo kuti wakasoŵanga chanduwu cha.

1 Samuele 16:12

Wangumutumiya munthu ndipo wanguza nayo. Wenga muyera wakuŵa ndi maso ghakunozga wakuma umampha. Ambuya anguti, “Soka umupake; chifukwa ndiyo mwenuyu.”

Chiyambo 29:17

Maso ghaku Leya ghenga ghakutomboroka, kweni Rakelo wenga wakutowa ndi wakunozga.

Luka 19:17

Ndipo wanguti kwaku iyo, ‘Umampha, muŵanda wamampha we: pakuti mu kamanavi unguŵa wamagomekezgeka, uŵe wamtufu pa mizi chumi.’

Machitidu gha Ŵakutumika 7:20

Mu nyengo yeniyo wanguwiya Mosese yo wenga wakutowa ukongwa; myezi yitatu wangulereka mu nyumba ya awiske;

Luka 16:10

“Yo ngwamagomekezgeka mu chimana, ngwamagomekezgeka mu chikuru so: ndipo yo ngwambura urunji mu chimana, mu chikuru nacho ngwambura urunji.

Chiyambo 43:32

Ŵangumuteŵete paku yija iyo, ndipo iwo nawo paku ŵija, ndipo ŵaEgipiti wo ŵangurgha nayo, nawo paku ŵija, chifukwa nkhwamwikhu kuti ŵaEgipiti ŵarghe chiŵande pamoza ndi ŵaHebere, pakuti kuchita viyo mbukazuzi ku ŵaEgipiti.

Chiyambo 39:23

msungi wa nyumba ya ukaidi kuti waŵikangako so maso cha kwaku kose keniko kenga kakuphwerereka ndi Yosefe, chifukwa Ambuya ŵenga nayo; ndipo che chose cho wanguchita, Ambuya anguchisakatiska.

Chiyambo 39:8

Kweni iyo wangukana ndi wanguti ku muwoli wa mbuyake, “Awonani mbuya wachiŵa ndi ine kuti watenjerwa ndi kanthu nanga nkhamoza cha mu nyumba, ndi vinthu vyose nyo we navyo vye mu janja langu;

Chiyambo 39:4

Viyo Yosefe wangusaniya wezi pa maso pake ndi wangumuteŵete, ndipo wangumuŵika kuŵa mura wa nyumba yake, ndipo wangumupaska mtufu pa vinthu vyose vyenivyo wenga navyo.

1 Samuele 17:42

MuFilisti wanguti walereska, ndi kuwona Davidi, wangumuyeya; pakuti wenga mwana mhurwa, myera wa chisku chakutowa.