Chiyambo 39:14 - Tonga Bible 1986

¹⁴ wangudanirizga ku ŵanthurumi ŵamu nyumba yake ndi wanguti kwaku wo, “Awonani, wakutiziya ndi muHebere mukati mwidu kuzachitiyuyuwa; wangusere kuno kwangu kuzachila nane, ndipo ine ndinguliya ndi mazu ghakuru;

Chiyambo 39:14 Referans Kwoze

1 Petro 2:20

Chifukwa mbulemu wakutinji, asani pakulakwa ndi kujenyeskeka mukunthiyapo? Kweni asani pakuchita umampha ndi kukomwiyapo pa umampha wo mukunthiyapo, chenichi nchamawongeka kwaku Chiuta.

Luka 23:2

Ndipo ŵangwanda kumsumuwa, ŵakuti, “Uyu tingumsaniya wakunyongo mtundu widu, ndi wakukanizga kupaska mthulu kwaku Kaisare, ndi wakujinena mwenecho kuŵa Kristu Karonga.”

Mateyu 26:59

Ndipo ŵazukuru ŵara ndi upu wose ŵapenjanga ukaboni wa utesi paku Yesu, alinga kuti ŵamubaye,

Mateyu 5:11

“Mwe ŵakutumbikika penipo ŵanthu ŵamtoza ndi kuŵemba imwe, ndipo ŵamnena chiheni chose paku imwe kwautesi, pa chifukwa chaku ine.

Yesaya 54:17

palivi chidya cho chapangikiya paku iwe chikachitanga kanthu, iwe ukasuskanga lilime lose lenilo litukuyukiya mu cheruzgu. Ichi nchihara cha ŵateŵeti ŵa Ambuya, ndi kurunjiskika kwawo kwakutuliya kwangu, atiti Ambuya.”

Yesaya 51:7

“Tegherezgani kwangu imwe muziŵa urunji, ŵanthu wo dangu langu le mu mtima wawo; rekani kopa kunyoza kwa ŵanthu mungatenthemanga pa kutuka kwawo cha.

Nthanthi 10:18

Mweniyo wabisirizga kutinkha wendi milomo yitesi, ndipo mweniyo watundula kwa utesi ngwa kupusa.

Sumu 120:3

Kumbi kukapaskikanganji kwaku imwe? Kumbi kukasazgikiyangako kanthu uli kwaku imwe, mwakuŵa ndi lilime lakupusika?

Sumu 55:3

Ndatimbanizgika ndi kuwawata kwa murwani, chifukwa cha kuzingizga kwa ŵaheni; pakuti ndi wo ŵatinditore suzgu, ndipo mu ukari wawo ŵatindizingizga.

Sumu 35:11

Ŵakaboni ŵakari ŵayuka; ŵatindifumba vyo ine kuti nditiviziŵa cha.

Chiyambo 40:15

Pakuti kwakuneneska ndingubika ku charu cha ŵaHebere; ndipo muno namo ndilivi kuchitamo kanthu kakuti wandiŵikiye mu zenje.”

Chiyambo 39:17

ndipo iyo wangumunene makani ghakukozgana, wanguti, “Yo muŵanda muHebere, mweniyo mukutole mukati mwidu, wangusere kwaku ine kuzachindiyuyuwa;

Chiyambo 39:7

Ndipo yati yakapo nyengo muwoli wa mbuya wake wangumulereska Yosefe, ndi wanguti, “Ugone nane.”

Chiyambo 14:13

Sono yo wangupozomokapo wanguza, ndi wangunene Abramu muHebere yo, mweniyo wajanga pafupi ndi miti ya misolo yaku Mamre mu Amori, mwana munyake waku Esekolo ndi waku Anere; yaŵa ndi wo ŵenga ŵakupangana ndi Abramu.

Chiyambo 10:21

Kwaku Shemu nako, wiske wa ŵana wose ŵaku Ebere, muku waku Yafete, kungupapika ŵana.

2 ŴaKorinte 6:8

mumarumbu ndimu muyuyu, mu thenthe liheni ndi thende limampha. Tichitika nge mbarandizgi, kweni te ŵaneneska;

Ezekiele 22:5

Wo ŵe pafupi ndi wo ŵe kutali ndi iwe ŵakakusekanga, iwe wambiri yiheni, wakuzaza utimbaniza.

Chiyambo 39:13

Ndipo penipo wanguwona kuti wangujowole chivwaro chake mu janja lake ndi kuti wachimbiriya kubwalo,

Chiyambo 39:15

ndipo wanguti wavwa kuliya kwangu kwakubongo, wangundijowole chivwaro chake, ndi wanguthaŵamo mu nyumba.”