Chiyambo 38:24 - Tonga Bible 1986

²⁴ Akhumba pavuli pa myezi yitatu Yuda ŵangumunene, “Tamara, mukumwana wako wachita ureŵi; ndipo so wazuwuka mu ureŵi wake.” Ndipo Yuda wanguti, “Mutuzgiyeni kubwalo, ndipo wawocheke.”

Chiyambo 38:24 Referans Kwoze

ŴaLevi 21:9

Ndipo mwana munthukazi wa mzukuru we yose, asani wakajikazuzganga pakuchita ureŵi wakazuzga awiske; yo wakawochekanga ndi moto.

Hoseya 2:5

Chifukwa nyinawo wachita ureŵi; yo wanguŵapapa wachita chilengesku. Chifukwa wanguti, ‘Ndirondonge ŵakundanja, wo ŵandipaska vyakurgha vyangu ndi maji ghagu, weya wangu ndi thonji langu, mafuta ghangu ndi chakumwa changu.’

Ezekiele 23:44

Pakuti ŵaruta kwachisere kwaku iyo, nge ndimo ŵanthurumi ŵarutiya ku mureŵi. Viyo ndimu ŵangurutiya kwaku Ohola ndi Oholiba kuchita ukazuzi.

Ezekiele 23:19

Kweni ndipuuli wangurutirizga ureŵi wake, wachikumbuka mo wanguchitiya ureŵi wake mu charu cha Egipiti, mu mazuŵa gha umwali wake.

Ezekiele 23:5

“Ohola wanguchita ureŵi po wenga weche wangu; ndipo wangujipereka ku mabwezi ghake Asiriya,

Ŵeruzgi 19:2

Ndipo mbiligha yake yingukaripa ndi iyo, ndipo yingutuwako kwake yinguruta ku nyumba ya awiske mu Betelehemu waku Yuda ndipo wenga kuwa myezi yinayi.

ŴaRoma 14:22

Chivwanu cho we nacho iwe, uŵiye nacho kwaku wamweni pa maso paku Chiuta. Ngwamwaŵi mweniyo walive kujeruzga yija mwaku chenicho wazomerezga.

Hoseya 4:15

Chingana muchita maureŵi, imwe ŵaYisraele, kweni Yuda wangananganga cha. Mungazanga ku Gilgala cha chingana nkhukwere ku Betavene, pamwenga kurapa, “Ambuya wamoyo.”

Hoseya 3:3

Ndipo ndinguti kwaku iyo, “Utenere kuja ndi ine kuŵa wangu kwa mazuŵa ghanandi. Ungachitanga ureŵi cha, pamwenga ungaŵanga wa munthurumi munyake cha; viyo ndimo nane ndiŵiyenge kwaku iwe.”

Ezekiele 16:41

Ŵakawochanga nyumba zako zose ndi kuŵika cheruzgu paku iwe mu maso gha ŵanthukazi ŵanandi; Ndikukanizgenge kuchita ureŵi, ndipo kuti ukaperekanga so mphoto ya kugula ureŵi cha.

Ezekiele 16:28

Asiriya nawo unguchita nawo so ureŵi, chifukwa wengavi kuguta; inya, unguchita nawo ureŵi, ndipuuli kuti ungukhorwa cha.

Ezekiele 16:15

“Kweni iwe ungugomekezga mu utozi wako, chifukwa cha mbiri yako unguchita ureŵi, ungujipereka ku maureŵi ghako ndi munthu we yose yo wangujumphapo.

Yeremiya 3:8

Wanguwona kuti chifukwa maureŵi ghake ghose Yisraele, wambura magomekezgeka yuwa ndingumudikiska ndi kumupaska karata wa chipata; kweni ndipuuli Yuda mzichi wake phula kuti wangopa cha, iyo nayo wanguruta kwachichita maureŵi.

Yeremiya 3:6

Ambuya anguti kwaku ine, mu mazuŵa ghaku Josiya: “Kumbi wawona chenicho wanguchita Yisraele, wambura magomekezgeka, mwenimo wangukwere pa mapiri ghose ghatali, mo wangujariya pasi musina mu muti wose uŵisi, ndi mwenimu wanguchita ureŵi?

Yeremiya 3:1

“Asani munthu wapata muwoli wake ndipo watumsiya, ndipo sono watuŵa muwoli wa munthu munyake, kumbi munthu yo waweriyenge ku munthukazi yo? Kumbi kuti chikazuzgikenge weni ukongwa cha charu cho? Iwe wareŵa ndi mabwezi ghanandi; kumbi ukaweriyanga kwangu? atiti Ambuya.

Yeremiya 2:20

“Pakuti ndikale ukongwa mungufyo gori linu ndipo munguphwatuwa vimangiro vinu, ndipo munguti, ‘Kuti nditataliyenge cha!’ Inya, pa phiri lose litali ndi msina muti wose uŵisi mungujikaniya nge ndi munthukazi mureŵi.

Wakutaula 7:26

Ndipo ndingusaniya chinthu chakuŵaŵa ukongwa kuruska nyifwa, ndi munthukazi yo mtima wake ndi viŵana ndi mikwau, mweniyo manja ghake ndi unyoro; yo wakondweska Chiuta wapozomokenge kwaku iyo, kweni wakulakwa watoreka ndi iyo.

2 Samuele 12:7

Natani wanguti kwaku Davidi, “Munthu yo ndimwe. Viyo atiti Ambuya, Chiuta waku Yisraele, ‘Ndingukupaka karonga pa ŵaYisraele, ndipo ndingukutaska ku janja laku Sauli;

2 Samuele 12:5

Ndipo wangukwiya ukongwa pa munthu yuwa; ndipo wangunena ndi Natani, “Mo aliri amoyo Ambuya, munthu wakuchita ichi ngwakwenere nyifwa;

Marangu 24:16

“Ŵangabayikanga cha auskeu chifukwa cha uheni wa ŵana, chingana nkhuti ŵana ŵabayikenge chifukwa cha uheni wa auskeu; munthu we yose wabaikenge chifukwa cha uheni wa mweneko yija.

ŴaLevi 20:10

“Asani munthu wachita ureŵi ndi muwoli wa munyake, ŵareŵi wose ŵaŵi wo, munthurumi ndi munthukazi ŵabayike.

Chiyambo 34:31

Kweni iwo ŵanguti, “Kumbi wachitenge ndi mzichi widu ulaka ndi mureŵi?”

Chiyambo 20:9

Sono Abimeleke wangudana Abrahamu, ndi wanguti kwaku iyo, “Nchine cho wachita kwaku ifwe? Ndipo ndakulakwiya uli iwe, kuti watole paku ine ndi pa ufumu wangu uheni ukuru? Wandichitiya ine vinthu vyo kuti vingwenere kuchitika cha.”

Chiyambo 20:7

Viyo sono muwezge mweneko muwoli wake, chifukwa ndi mchimi, ndipo wakakurombiyanga, ndipo ukajanga wamoyo. Kweni asani urekenge kumuwezge, uziŵe kuti ukafwanga nadi, iwe, ndi wose ŵeniwo mbako.”

Chiyambo 20:3

Kweni Chiuta wanguza kwaku Abimeleke mu tulo ndi usiku, ndi wanguti kwaku iyo, “Awona, we munthu wakufwa chifukwa cha munthukazi mweniyo wato, chifukwa ndi muwoli wa munthurumi munyake.”

Chiyambo 38:23

Ndipo Yuda wangwamuka, “Mureke wasungi vinthu vyo kuŵa vyake, vinu tingasekeka, awona, ndingutuma kambuzi yaka, kweni iwe watondeka kumusaniya.”

Ezekiele 16:25

pa mphambano ya gurwi we yose ukuzengapo malo gha pachanya ndi kufipiska utozi wako, kujisaska iwe wamweni kwaku yose yo wajumphapo, ndipo wandaniska ureŵi wako.

Ezekiele 16:26

Ndipo so ukuchita ureŵi ndi ŵaEgipiti; ŵanasi ŵako ŵalifwenkha-fwenkha, ŵandaniska maureŵi ghako, kundisosomole ku ukari.