Chiyambo 38:17 - Tonga Bible 1986

¹⁷ Iyo wanguti, “Ndakukutumiya kambuzi ka mutuŵa mu viŵetu.” Ndipo iyo wanguti, “Ndipaske ndindira, mpaka penipo wachiyituma”.

Chiyambo 38:17 Referans Kwoze

Ezekiele 16:33

Ŵanthurumi ŵapereka vyawanangwa ku ŵareŵi wose; kweni iwe ndiwe upereka vyawanangwa ku mabwezi ghako ghose, kuŵanyenga mwakuti ŵazenge kutuliya uku ndi uku kwazichita nawe ureŵi.

Chiyambo 38:20

Penipo Yuda wangutuma kambuzi ndi janja la bwezi lake yuwa mu Adulama, kwachilonda ndindira ku janja la munthukazi yo, kuti wangumusaniya cha.

Luka 16:8

Ndipo mbuyake wangurumba mlindanyumba wambura-urunji mwakuti wanguchita kwakuchenje: pakuti ŵana ŵa magonezi uwu mbachenjezi kuchiri ku mphapu yawo kwakuruska ŵana ŵa ukweru.

Nthanthi 20:16

Toni chivwalu cha munthu pa nyengo yeniyo wajaliya ukaboni mlendo, ndipo mumuchite ndindira penipo wajaliya ukaboni mlendo.

Chiyambo 38:16

Wanguruta penipa wenga pa mphepete pa museu, ndi wanguti, “Zanga ndiseremo mwako”, pakuti wengavi kuziŵa kuti ndi mukumwana wake. Munthukazi yo wanguti, “Undipaskenge chine pakuti unkhumba kusere mwangu?”

Chiyambo 38:18

Iyo wanguti, “Ndindira uli yo ndingakupaska?” Munthukazi wangwamuka, “Chidindo chako, chingwe chako, ndi nthonga yo we nayo mu janja lako.” Viyo wanguvipaska kwaku iyo, ndipo wanguseremo mwake, ndipo wangupaskika nthumbo.

Ŵeruzgi 15:1

Pavuli pa nyengo yimanavi, pa nyengo ya kuvuna trigu, Samsoni wanguruta kwachichezga ndi muwoli ndi kamsese ka mbuzi; ndipo wanguti, “Ndiserenge ku muwoli wangu mu chipinda chakukumanamo.” Kweni awiske a munthukazi kuti ŵangumuzomerezga cha kuseremo.