Chiyambo 37:4 - Tonga Bible 1986

⁴ Kweni penipo ŵana ŵanyake wanguwona kuti uskeu wangumwanja iyo kwakuruska ŵana ŵanyake wose, ŵangumutinkha ndipo kuti ŵakambanga nayo mu chimangu cha.

Chiyambo 37:4 Referans Kwoze

Chiyambo 27:41

Sono Esau wangutinkha Yakobe chifukwa cha chitumbiku chenicho awiske wangumutumbika nacho, ndipo Esau wanguti kwaku yija, “Mazuwa ghakufwiya ada ghaŵandika; pavuli ndazamubaya mhurwa wangu Yakobe.”

1 Yohane 4:20

Asani munthu watiti, “Nditumwanja Chiuta,” ndipo watinkha mbali wake, ndi mtesi: chifukwa mweniyo wareka kwanja mbali wake, mweniyo watumuwona, kuti waziŵa cha kumwanja Chiuta mweniyo valive kuwona.

1 Yohane 3:12

Ulaka ndi Kaine cha, yo wenga wakutuliya ku mheni yo, ndipo wangubaya mhurwa wake. Ndipo wangumbayiya chifukwa chine? Chifukwa nchitu zake zenga ziheni, ndi za mhurwa wake zirunji.

1 Yohane 2:11

Kweni yo ngwakumtinkha mbali wake wemu mdima, ndipo mu mdima wo watenda, ndipo kuti waziŵa cha kweniko wata, pakuti mdima wo waburumutizga maso ghake.

Sumu 69:4

Wo ŵatinditinkha waka kwambura chifukwa mbanandi ukongwa kwakuruska sisi laku mutu wangu mbanthazi ukongwa wo ŵakhumba kundiparghang'a, wo ŵakamba kwautesi paku vyo ŵaŵiya ŵarwani ŵangu. Wandichitiska kuti ndiwezge vinthu vyo kuti ndinguba cha.

1 Samuele 17:28

Eliabu mkuwake mura wanguvwa wachikamba ndi ŵanthu; ndipo wangukwiya ndi Davidi, wanguti, “Chifukwa nchine wasikiya kunu? Ndipo mberere zimanavi ziya wasiliya yani mu bozwa? Ndiziŵa kujikuzga, ndi uheni wa mtima wako; pakuti wasikiya kunu kwaziwona nkhondo.”

Chiyambo 37:5

Sono Yosefe wangulota loto, ndipo penipo wangulikamba ku ŵana ŵanyake ŵangurutizga kumutinkha.

Chiyambo 4:5

Ndipo Ambuya angurumba Abelu ndi mpasku wake, kweni kaini ndi mpasku wake angumurumba cha. Viyo Kaini wangukara ukongwa, ndipo chisku chake chingubwanthuka.

Tito 3:3

Chifukwa kali nafwe so taŵanga ŵakupusa ŵamtafu ŵakurandizgika ŵakuteŵeta maulakalaka ndi malikondwa ghamtundumtundu, ŵakujariya mu nkhaza ndi bina, ŵakutinkhika, ŵakutinkhana,

Sumu 38:19

Wo mbarwani ŵangu kwambura kafukwa mbanthazi, ndipo mbanandi wo ŵatinditinkha kwawaka.

Chiyambo 49:23

Wa mauta wangumuvundumukiya kwakofya, wangumupong'a wangumusuzga ndi kuŵaŵa.

Chiyambo 37:11

Ndipo ŵana ŵanyake ŵanguchita nayo sanji, kweni awiske ŵangusunga mu mutu cho wangukamba.

1 Yohane 3:10

Mwaku chenichi ŵarongoleka ŵana wo ŵaku Chiuta ndi ŵana wo ŵaku diabolo: munthu yose wakuura kuchita urunji, kuti ngwa kwaku Chiuta cha, chingana ndi yo walive kumwanja mbali wake.

Yeremiya 12:6

Pakuti chingana mbana ŵanyinu ndi mphapu ya auskemwe iwo nawo ŵachita namwe kwakupusika, ŵaliya, kwakufikapo kuliriya imwe; mungavwananga nawo cha, chingana ŵangarongoro namwe mazu ghakunozga.”

Marko 3:25

Asani nyumba yingagaukana paku yija, kuti yiŵenge yanthazi kuma cha nyumba yeniyo.