Chiyambo 37:34 - Tonga Bible 1986

³⁴ Sono Yakobe wanguparuwa vyakuvwara vyake ndi wanguvwala vigudulu mu chiunu mwake, ndipo wangutenjere mwana wake mazuŵa ghanandi.

Chiyambo 37:34 Referans Kwoze

Chiyambo 37:29

Po Rubene wanguweriyako ku zenje lo ndipo wanguwona kuti Yosefe mulivi mu zenje, wanguparuwa vyakuvwara vyake

2 Samuele 3:31

Sono Davidi wangunena ndi Yoabu ndi ŵanthu wose wo ŵenga pamoza nayo, “Paruwani vyakuvwara vinu, vwarani masaka ndipo mutenjere Abnere.” Ndipo karonga Davidi nayo wangulondo pavuli pa mtembo.

Chivumbuzi 11:3

Ndipo ndipaskenge mtufu ku ŵakaboni ŵangu ŵaŵi, ndipo ŵakachimanga mazuŵa chikwi ndi machumi pe chumi ghaŵi ndi machumi ghankhonde ndi limoza (1,260), ŵakuvwara vigudulu.”

Machitidu gha Ŵakutumika 14:14

Kweni ŵachivwa ŵakutumika wo Barnaba ndi Paulo, ŵanguparuwa minjirira yawo, ndipo ŵanguzininikiya mu mzinda wo, ndi kukambura kuti,

Mateyu 26:65

Sono mzukuru mura wanguparuwa minjirira yake, wakuti, “Watokota: na, tikavukiyanji so ŵakaboni ŵanyake? Awonani, mwavwa kutokota kwake?

Mateyu 11:21

“Owe, Korazine we! Owe Betesaida we! Pakuti ne mu Turo ndi Sidoni vinguchitikamo vyanthazi vyakuchitika mwinu, mphanyi mu chigudulu ndi choto ŵakung'anamuka kali.

Yoele 2:13

muparuwe mitima yinu, vyakuvwala vinu cha.” Ng'anamukiyani ku Ambuya Chiuta winu, chifukwa ngwamampha ndi walisungu, wambura kukalipa ruŵi, ndi wakuzara chanju chikuru, ndi wakugowoke uheni.

Yeremiya 36:24

Kweni karonga pamoza ndi ŵateŵeti ŵake ŵeniwo ŵanguvwa mazu yagha ghose, kuti ŵangutenthema cha, ndipo ŵengavi chingana nkhuparuwa vyakuvwara vyawo.

Yesaya 36:22

Sono Eliakimu mwana waku Hilikiya, yo wenga wakutufuliya nyumba yose, ndi Shebna mlembi, ndi Joya mwana waku Asafi, mlembi wa makani, ŵanguza kwaku Hezekiya ndi vivwalo vyawo vyakuparuka, ndipo ŵangumutauliya mazu gha muthenga yo.

Yesaya 32:11

Tenthemani, mwa ŵanthukazi ŵakufwasa imwe, tenthemani, mwa ŵambura kughanaghanako kanthu; zuwani, mujijarike nkhuli, ndi vwarani vigudulu mu viunu vinu.

Sumu 69:11

Po ndinguvwara vivwalo vya maliro, ndinguŵa nge nchakusekeska kwaku wo.

Jobu 2:12

Ndipo ŵanguti wamuwona patali kuti ŵangumziŵa cha, ŵangukwezga mazu ghawo ndi ŵanguliya; ŵanguparuwa minijirira yawo, ndi kuthibuwa fuvu kuchanya kuwiya pa mitu yawo.

Jobu 1:20

Penipo Jobu wangusoka ndi wanguparuwa munjirira wake ndi wangumeta sisi la mutu wake, ndi kuwa pasi ndi kuromba,

Nehemiya 9:1

Sono pa zuŵa la machumi ghaŵi ndi ghanayi la mwezi wenuwu, ŵaYisraele ŵanguwungana ndi kufunga ndi kuvwara vigudulu ndi dongo pa mitu yawo.

1 Mikoka 21:16

Davidi wanguyunuska maso ghake ndi wanguwona mungelo wa Ambuya wakuma pakati pa charu ndi machanya we ndi lipanga lakuwewepuka pachanya pa Yerusalemu, Viyo Davidi ndi ŵaraŵara ŵaku Yisraele ŵakuvwara vigudulu ŵanguwa kavunama.

2 ŴaKaronga 19:1

Karonga Hezekiya wanguti wavwa makani yagha, wanguparuwa vivwalu vyake, wangujivwalika vigudulu, ndipo wangwachisere mu nyumba ya Ambuya.

1 ŴaKaronga 21:27

Ndipo penipo Ahabu wanguvwa mazu gho, wanguparuwa vyakuvwara vyake, wanguvwara chigudulu ndi wangufunga, ndi wangugona mu chigudulu, ndipo wangwendayenda ndi chitima.

1 ŴaKaronga 20:31

Ŵateŵeti ŵake ŵangunena nayo, “Ehe, ifwe tavwa kuti ŵakaronga ŵa nyumba yaku Yisraele mba karonga ŵa lisungu; tiyeni tivware vigudulu mu chiwunu ndi miraza mu mitu tirute ku karonga wa ŵaYisraele; vunu wangamusungani ŵamoyo.”

2 Samuele 1:11

Penipo Davidi wanguko, ndi kuparuwa vivwalo vyake; ndipo wose ŵakuŵa nayo pamoza ŵanguchita ichi;

Yoswa 7:6

Sono Yoswa wanguparuwa vyakuvwara vyake, ndipo wanguwa pasi kavunama paurongo pa bokosi la Ambuya mpaka mazulo iyo pamoza ndi ŵaraŵara ŵa ŵaYisraele; ndipo ŵangujidiya fuvu ku mitu yawo.

Chiyambo 42:38

Kweni iyo wanguti, “Mwana wangu kuti mukarutanga nayo cha, pakuti muku wake wakufwa, ndipo wakujapo iyo pe. Asani urwani unga muwiya pa ulendo weniwo mukaŵanga nawo, mukatoliyanga sisi langu lanyivu ku muunda ndi chitima.”

Chiyambo 44:13

Sono ŵanguparuwa vivwalo vyawo ndipo we yose wanguŵika mphingu pa mbunda yake, ndi ŵanguwere ku msumba.

2 ŴaKaronga 2:12

Ndipo Elisha wanguchiwona ichi, wanguliya, “Ada! Ada! Magareta ghaku Yisraele ndi ŵanthu ŵake ŵa ŵakavalo!” Ndipo kuti wangumuwona so cha. Sono wanguto vivwalo vyamweneko ndi wanguviparuwa paŵi.

2 ŴaKaronga 22:11

Ndipo penipo karonga wanguvwa mazu gha buku la dangu, wanguparuwa vivwalo vyake.

1 Mikoka 7:22

Ndipo wiskeu Efraimu wanguŵatenje kwa mazuŵa ghanandi, ŵabali ŵake ŵanguza kumusangaruska.

Jobu 16:15

Ndajisone saru yasaka pa liŵavu langu, ndi ndagoneka nthazi zangu pa fuvu.

Yeremiya 48:37

“Pakuti mutu wose wasengeka ndi mwembe wose wameteka; pa manja ghose pa temekatemeka ndipo mu viunu mwe vigudulu.

Ŵeruzgi 11:35

Wanguti wamuwona wanguparuwa vyakuvwara vyake, wakuti, “Owe ine nane, mwana wangu! Wandisiskiya pasi ukongwa, wasanduka wakundisosomole suzgu yikuru; pakuti ndajuriya mlomo wangu ku Ambuya, ndipo kuti ndingawezga rapu langu cha.”