Chiyambo 37:11 - Tonga Bible 1986

¹¹ Ndipo ŵana ŵanyake ŵanguchita nayo sanji, kweni awiske ŵangusunga mu mutu cho wangukamba.

Chiyambo 37:11 Referans Kwoze

Machitidu gha Ŵakutumika 7:9

“Ndipo ŵambuya wo pakuchitiya Yosefe chiŵinu, ŵangumuguliska ku Egipiti; kweni Chiuta wenga nayo,

Luka 2:51

Ndipo wangusikiya pamoza nawo, ndi ŵangufika ku Nazarete; ndipo wenga wakuthera kwaku wo: ndipo nyina wasungirizganga makani ghose gho mu mtima wake.

Luka 2:19

Kweni Mariya wasungirizganga nkhani zenizi zose, kuziŵika mu mtima wake.

Danyele 7:28

“Uwo ndiwo umari wa makani, kweni ine Danyele maghanaghano ghangu ghangundisuzga ukongwa ndi kaŵiro kangu kangusanduka. Kweni ndingusunga makani yagha mu mtima wangu.”

Yakobe 4:5

Pamwenga kumbi murunguruka kuti lembo lo likamba waka, “Wanweke kwasanji mzimu wo wajariska mwidu?”

Tito 3:3

Chifukwa kali nafwe so taŵanga ŵakupusa ŵamtafu ŵakurandizgika ŵakuteŵeta maulakalaka ndi malikondwa ghamtundumtundu, ŵakujariya mu nkhaza ndi bina, ŵakutinkhika, ŵakutinkhana,

ŴaGalatia 5:21

zimbembi, mapambuku, viŵinu, mauloŵevu, vindimba, ndi vyakulingana navyo: kuchiri kwaku vyenivyo ndikuchenjezgiyani limu, nge ndimo ndingumuneniyani kali, kuti wakuchita vyaviyo kuti waherenge ufumu waku Chiuta cha.

Machitidu gha Ŵakutumika 13:45

Kweni ŵaYuda ŵachiwona mizinda yo, ŵanguzazika sanji, ndipo ŵasuskanga vyo vingukambika ndi Paulo, ndi ŵamtukanga.

Marko 15:10

Chifukwa wanguteska kuti pa chifukwa cha bina ndicho ŵazukuru ŵara ŵangumkombole.

Mateyu 27:18

Chifukwa wanguziŵa kuti nchifukwa cha chiŵinu ndichu ŵangumpereke.

Yesaya 26:11

Ambuya, janja linu lasoskeka, kweni kuti ŵatiliwona cha. Ŵarekeni ŵawone mwamphu winu pa ŵanthu ŵinu ndi ŵachiti soni. Moto ŵakupindikana ŵinu uŵamare.

Yesaya 11:13

Sanje yaku Efraimu yikatuwangapo, ndipo wo ŵasuzga Yuda ŵakadumulikanga, Efraimu kuti wakachitiyanga sanje Yuda cha, nanga ndi Yuda kuti wakasuzganga Efraimu cha.

Wakutaula 4:4

Penipo ndinguwona kuti milimu yose ndi umisiri wose mu nchitu utuza kutuliya mu sanji ya munthu ndi mwanasi wake. Ichi nachu nchawaka ndi suzgu ya mtima.

Sumu 106:16

Mu ugoŵi ŵanguchita sanji ndi Mosese, pamoza ndi Aroni, ŵakupaturika ŵa Ambuya,

Chiyambo 24:31

Wanguti, “Zanga usere, wa wakutumbikika wa Ambuya; umiyanji kubwalo? Pakuti ndarongoso nyumba ndi malo gha ŵagamila.”

Chiyambo 37:12

Sono ŵana ŵanyake ŵanguruta kwachiliska viŵetu vya auskeu pafupi ndi Shekemu.

Chiyambo 42:9

Ndipo Yosefe wangukumbuka maloto ghake ghenigho wangulota gha paku iwo; ndipo wanguti kwakuwo, “Imwe mwe skoli, mwaziya kuzachisaniya unthomboro wa charu ichi.”

1 Samuele 18:8

Ndipo Sauli wangukwiya ukongwa, chifukwa kakambidu yaka kuti kangumukondweska cha; watinge, “Ŵapaska kwaku Davidi vikwi vya machumi, kwangu ŵapaska vikwi; na sono kajako so nkhane kanyake ko wapere kweni ufumu pe?”