Chiyambo 35:9 - Tonga Bible 1986

⁹ Chiuta wanguwoneke so Yakobe, wanguti wawe ku Padani-aramu, ndi wangumutumbika.

Chiyambo 35:9 Referans Kwoze

Chiyambo 35:1

Chiuta wanguti kwaku Yakobe, “Soka, rutanga ukwere ku Betele, ndipo ukajenge kweniko; ndipo ukachiteko jochero lakusopiyapo Chiuta yo wangukuwoneke penipo unguthaŵa ku muku wako Esau.”

Chiyambo 26:2

Ndipo Ambuya angumuwoneke ndi anguti, “Ungarutanga ku Egipiti cha; uje mu charu cho ndikakuneniyanga.

Chiyambo 18:1

Ndipo Ambuya angumuwoneke pafupi ndi miti ya msolo ya pa Mamre, wanguti waja pa khomo la hema lake mu chifundizi cha msana.

Chiyambo 12:7

Sono Ambuya anguwoneka kwaku Abramu, ndi anguti, “Ndikapaskanga charu ichi ku mbumba zako.” Viyo wanguzenga penipa jochero ku Ambuya ŵeniwo angumuwoneke.

Machitidu gha Ŵakutumika 7:2

Ndipo iyo wanguti: “Mwaŵanthu, mwa ŵabali ndi mwaŵada, andini! Chiuta yo waunkhankhu wangumwoneke wiskefwe Abrahamu, weche mu Mesopotamia, wenga wandajemo mu Harani, ndipo wangumnene,

Hoseya 12:4

Wangulimbana ndi mungelo ndipo wangupunda, wanguliya ndi wanguŵeyere wezi wake. Ŵangukumana ndi Chiuta pa Betele, ndipo Chiuta wangukamba nayo kwenikuwa.

Yeremiya 31:3

Ambuya angumuwoneke, kutuliya kutali. Ndakwanja ndi chanju cha muyaya, chifukwa cho ndaŵa ndi lisungu lakurutiliya paku iwe.

Chiyambo 32:1

Yakobe wanguruta ku nthowa jake ndipo ŵangelo ŵaku Chiuta ŵangukumana nayo;

Chiyambo 31:3

Sono Ambuya anguti kwaku Yakobe, “Uwere ku charu cha ausu ndi ku ŵabali ŵako ndipo ine ndikaŵanga nawe.”

Chiyambo 28:13

Ndipo ehe, Ambuya anguma pachanya pake ndi anguti, “Ndine Ambuya, Chiuta waku Abrahamu ausu ndi Chiuta waku Yisaki; charu chenicho wagonapo ndikachipaskanga kwako ndi ku mphapu yako;

Chiyambo 17:1

Pa nyengo yo Abramu wenga wa virimika machumi ghankhonde ndi ghanayi pachanya vinkhonde ndi vinayi (99) Ambuya angumuwoneke Abramu ndi anguti kwaku iyo, “Ndine Chiuta wanthazi zose; wendenge paurongo pangu ndipo uŵi wambura kalema.

Chiyambo 25:20

Abrahamu wenga wiske waku Yisaki, ndipo Yisaki mu ura wenga wa virimika machumi ghanayi (40) po wangutole muwoli wake Rebeka, mwana munthukazi waku Betele muAramu yo waku Padani-aramu, mzichi waku Labani muAramu.

Hoseya 12:5

Ambuya Chiuta wa maliŵanja, Ambuya ndi zina lawo: