Chiyambo 35:2 - Tonga Bible 1986

² Viyo Yakobe wanguti ku ŵamu nyumba yake ndi kwaku wose ŵeniwo ŵenga nayo, “Tayani ŵachiuta ŵalendo wo ŵe mukati mwinu, ndipo mujiphoto, ndipo musinthe vyakuvwala vinu;

Chiyambo 35:2 Referans Kwoze

Chituwa 19:14

Viyo Mosese wangusikako ku phiri wanguza ku ŵanthu, ndipo wanguŵapatuwa, ŵanthu wo; ndipo ŵanguchapa vyakuvwara vyawo.

Chituwa 19:10

ndipo Ambuya anguti kwaku Mosese, “Rutanga ku ŵanthu wo ndipo ukaŵapatuwe msana wale ndi la mawa, ndipo ukaŵachapiske vyakuvwara vyawo,

Yakobe 4:8

Ndereni kufupi kwaku Chiuta, ndipo wanderenge kufupi kwinu. Photoni manja, mwaŵalakwi; ndipo tozgani mitima, mwaŵamitimapaŵi.

ŴaHebere 10:22

tiŵandikiye ndi mtima weneko mu uzali wa chivwanu, ŵakumijirika kuchiri ku mitima yidu kutuwa ku njuŵi yiheni, ndi ŵakusambiskika kuchiri ku liŵavu lidu ndi maji ghakutowa,

Ezekiele 18:31

Tayani kutali, tuzganimo maubendezi mukati mwino gho mwachitiya ine, ndipo jitoriyeni mtima ufya ndi mzimu ufya! Mukafwiyanganji, owe nyumba yaku Yisraele?

Ezekiele 36:25

Ndikamijanga maji gha kutowa paku imwe, ndipo mukatowanga ku kufipirwa kwinu kose ndikakutoweskaninga ku ŵangoza ŵinu wose.

Yoswa 24:23

Yoswa wangunena nawo, “Iku tayani ŵachiuta ŵachilendo wo ŵe mukati mwinu, ndipo ŵikani mtima winu pa Ambuya, Chiuta waku Yisraele.”

Yoswa 24:15

Ndipo asani kuti mukakhumbanga cha kutataliya Ambuya, sankhani msana wale mweniyo mukatataliyanga, manyi mba chiuta wo auskemwe ŵangutataliya kusirgha liya la Msinji, pamwenga ŵachiuta waAmori ŵeniwo imwe muja mu charu chawo; kweni nge nkhwaku ine ndi wose ŵamu nyumba yangu titataliyenge Ambuya.”

Chiyambo 18:19

Awa, pakuti ndamusankha, kuti warunguchizge ŵana ŵake ndi mbumba yake ya pavuli pake kusunga nthowa ya Ambuya pakuchita ukongorekwa ndi urunji: alinga kuti Ambuya ŵatole kwaku Abrahamu chenicho ŵapangana nayo.”

2 ŴaKorinte 7:1

Viyo pakuŵa ndi mapanganu ghenagha, mwaŵakwanjiwa, tijitozge ku ukazuzi wose wa liŵavu ndi mzimu, ndipo tiŵe ŵakhovu mu chopu chaku Chiuta.

1 Samuele 7:3

Penipo Samuele wangunena ndi nyumba yaku Yisraele, “Asani mung'anamukiya ku Ambuya ndi mtima winu wose, iku tuzgani ŵachiuta ŵachilendo ndi Ashitaroto mukati, rongozgiyani mitima yinu ku Ambuya, mteŵetiyeni iyo, ndipo wakamupozomoskaninga mu janja la ŵaFilisti.”

Marangu 32:16

Ŵangumuyuska kuŵa ndi sanji ndi ŵachiuta ŵalendo, ndi machitidu ghaukazuzi ŵangumukalipiska.

Chiyambo 31:34

Sono Rakelo wanguto ŵachiuta wo ndi wanguŵaŵika mu chakukwelapo cha gamila, ndipo wangujapo pachanya paku wo. Labani wangutoskatoska mu hema lose, kweni kuti wanguŵabowozga cha.

Chiyambo 31:19

Labani wanguruta kwachisenga mberere zake, ndipo Rakelo wanguba ŵachiuta ŵamu nyumba ya awiske.

Yuda 1:23

ndipo ŵanyake ŵataskeni, pakuŵabuwa mu moto; ndipo ŵanyake ŵachitiyeni lisungu ndi wofi, muchitinkha munjirira wakukazuzgika ndi lisiru la liŵavu.

ŴaGalatia 4:8

Kweni pa nyengo yiya, mwengavi kuziŵa Chiuta, munguŵa ŵaŵanda kwaku wo pa kawi kuti mbachiuta cha.

1 ŴaKorinte 10:7

Ndipo tingaŵanga ŵakusopangoza cha uli mbanyake ŵaku wo; nge ndimo kwalembeke, “Khamu linguteka pasi kurgha ndi kumwa ndipo lingusoka kwachivina.”

Machitidu gha Ŵakutumika 19:26

Ndipo muwona ndi mutuvwa, kuti mu Efeso pe cha, kweni viŵiviŵi mu Asia yose mwenuyu Paulo wakopa ndi wapuruska urapasi wa ŵanthu, pakukamba kuti mbachiuta cha wo ŵachitika ndi manja:

Danyele 5:4

Ŵangumwa vinyo ndi ŵangukankhuska ŵachiuta ŵa golide ndi siliva, ŵa mkuŵa, ŵa chisulo, ŵa muti, ndi ŵa mwa.

Ezekiele 20:7

Ndinguŵanene kuti, tayani kutali vinthu vyakutinkhika vyo maso ghinu ghakorokwa navyo, yose waku imwe, ndipo rekani kujikazuzga ndi ŵangoza ŵaku Egipiti; ine ndine Ambuya Chiuta winu.

Yeremiya 16:20

Kumbi munthu wangaziŵa kujipangiya ŵachiuta? Ŵa viyo kuti mbachiuta cha!”

Yeremiya 13:27

Ndaghawona maukazuzi ghako, maureŵi ghako ndi kulampha-lampha kwako, uyagha-yagha wako wa ureŵi, pa mapiri ndi mu minda. Soka kwaku iwe, Yerusalemu! Kwakujariya mazuŵa ghalinga po wenga undatozgeke?”

Yeremiya 5:7

“Ndingamugowokiyani uli? Ŵana ŵinu ŵakundisiya ine ndipo ŵarapiya paku wo kuti mba chiuta cha. Penipo ine ndinguŵahiŵa kwakuguta iwo ŵangureŵa, ndipo ŵangusere ŵanandi mu nyumba za ŵareŵi.

Yesaya 52:11

Tuwanimo, tuwanimo, tuwanimo mu Babiloni, mungakonga kanthu kaukazuzi cha; tuwanimo mukati mwake, jitozgeni mwaŵeni, imwe mwaŵakunyamuwa viyaŵi vya Ambuya.

Yesaya 1:16

Musambe; mujiphoto; tuzgani uheni wa machitidu ghinu pa maso pangu; rekani kuchita uheni,

Wakutaula 5:1

Sunga kenderu kako pakututa ku nyumba yaku Chiuta; kundere kufupi kutegherezga nkhwamampha kwakuruska kupereka sembe za wakupusa; pakuti kuti ŵaziŵa cha kuti ŵachita uheni.

Sumu 51:7

Ndiphotoni ndi hisope, ndipo nditowenge, ndisukeni, ndipo nditowenge kwakuruska nyankhuŵinda.

Sumu 51:2

Mundisuke ku kubende kwangu, ndipo mundiphoto ku kwananga kwangu.

Jobu 1:5

Ndipo ghanguti ghamara mazuŵa gha dghera, Jobu wanguziŵiriya kutuma ndi kuŵapatuwa mukuŵatoweska, wayukanga ndi mlenjilenje kwachipereka sembe zakocha kwakuyana ndi unandi wawo, pakuti Jobu wanguti, “Vinu ŵana ŵangu ŵananga ndi kutemba Chiuta mu mitima yawo.” Viyo ndimo Jobu wanguchitiya mazuŵa ghose.

1 Mikoka 16:26

Chifukwa ŵachiuta wose ŵa ŵanthu mbangoza; kweni Ambuya angulenga machanya.

2 ŴaKaronga 17:29

Kweni mtundu ndi mtundu ungujichitiya ŵachiuta ŵapa mtima wawo, ŵanguŵaŵika mu malo ghakupaturika gha visopo gho wanguchita wa Samaria, mtundu wose mu misumba mwenimo wajanga.

2 ŴaKaronga 5:10

Ndipo Elisha wangumutumiya thenga, kunena kuti, “Rutanga, ukasambe mu Yordane kankhonde ndi kaŵi ndipo liŵavu lako likawerengamo, ndipo ukaŵanga wakuphotoka.”

2 Samuele 7:23

Ndi mtundu nuwu unyake pa charu chapasi wo uyana ndi khamu linu Yisraele, ŵeniwo Chiuta wanguruta kwachiŵawombo kuti ŵaŵe wanthu ŵake, kujichitiya mweneko zinandi kuŵachitiya vinthu vikuru ndi vyakofya pa kudikiskiya kubwalo mutundu ndi ŵachiuta ŵake paurongo pa ŵanthu ŵake?

Ruti 1:15

Ndipo Naomi wanguti, “Wona muwoli munyako wawere ku ŵanthu ŵake, ndi ku ŵachiuta ŵake: uweko nawe rondo muwoli munyako.”

Ŵeruzgi 10:16

Viyo ŵangutuzgamo ŵachiuta ŵachilendo mukati mwawo ndi ŵangutataliya Ambuya; ndipo iwo angukaripa pa masuzgu ghaku Yisraele.

Yoswa 24:20

Asani musiyenge Ambuya ndi kutataliya ŵachiuta ŵachilendo, po ndipo wakang'anamukanga ndi ku muchitiyani urwani, kukumarani, pavuli pakukuchitiyani umampha.”

Yoswa 24:2

Ndipo Yoswa wangukamba kwaku wose, kuti, “Viyo atiti Ambuya Chiuta waku Yisraele, ‘Auskemwe kali ŵajanga kusirgha ku Efrate, Tera, wiske waku Abrahamu ndi waku Nahoro; wangutataliya ŵachiuta ŵanyake.

Yoswa 23:7

kuti mureke kusazgikana ndi mitundu iyi yasiyika mukati mwinu, pamwenga kuzumbuwa mazina gha ŵachiuta ŵawo nanga nkhurapiya mwaku wo, pamwenga kuŵatataliya, nanga nkhu ŵajikamiya,

Marangu 11:28

Thembo, asani mureka kuvwiya marangu gha Ambuya Chiuta winu kweni kupatuka mu nthowa yo ndikulanguliyani zuŵa lino, kurondo ŵachiuta ŵanyake ŵeniwo mulivi kuŵaziŵa.

Marangu 7:25

Vikozgu vyakusemeka vya ŵachiuta ŵawo, mukaviwochenge ndi moto; mungachikhumbiranga siliva, chingana ndi golide lo le paku vyo, pamwenga kulito kuti liŵe linu vinu mungajiwizga nalo, chifukwa mbukazuzi kwa Ambuya Chiuta winu.

Marangu 6:14

Mungarondonga ŵachiuta ŵanyake, ŵachiuta ŵa ŵanthu wo ŵakukuzungulizgani;

Marangu 5:7

“ ‘Ungajanga ndi ŵachiuta ŵanyake pa maso pangu.

Maŵerengedu 31:24

Mutenere kusuka saru zinu pa zuŵa la chinkhonde ndi chiŵi, ndipo mukatozgekanga, sono pavuli pake ndipo mukazanga mu ugoŵi.”

ŴaLevi 17:16

Kweni asani walivi kuvichapa pamwenga kusamba liŵavu lake wakapinganga ulakwi wake”.

ŴaLevi 15:5

Ndipo yo wakakwaskanga chita chake wakachapanga vyakuvwara vyake, ndi kusamba mu maji, wakaŵanga wakukozuzgika mpaka mazulo.

Chituwa 23:13

Phwereni vyose vyo ndakamba namwe; ndipo mungazumbuwanga mazina gha ŵachiuta ŵanyake cha, chingana nkhughazomerezga kuvwika mu mlomo winu cha.

Chiyambo 35:22

Penipo Yisraele wajanga mu charu chiya Rubene wanguruta ndi wangula ndi Biliha mbiligha ya awiske; ndipo Yisraele wanguvwa ichi. Sono ŵana ŵanthurumi ŵaku Yisraele ŵenga chumi ndi ŵaŵi (12).

Chiyambo 34:2

ndipo penipo Shekemu mwana waku Hamoro muHivi, nduna ya charu cho, yingumuwona, yingumuko ndi kula nayo, yingumuyuyuwa.

Chiyambo 31:30

Ndipo sono iwe wathaŵa chifukwa ungunweka ukongwa nyumba ya ausu, kweni chifukwa chine ukuba ŵachiuta ŵangu?”

1 Samuele 16:5

Iyo wanguti, “Muchimangu; ndaziya kwazipereka sembe ku Ambuya; jipaturiskeni mwaŵeni, ndipo muzi pamoza nane ku sembe.” Ndipo wangupaturiska Jese ndi ŵana ŵake ŵanthurumi wanguŵadaniya ku sembe.

Yoswa 24:14

“Viyo sono wopani Ambuya, ndipo mteŵetiyeni mu uneneska ndi mu kugomezgeka; tayani ŵachiuta wo auskemwe ŵangutataliya kusirgha ku Msinji, ndi mu Egipiti, teŵetiyani Ambuya.