Chiyambo 34:9 - Tonga Bible 1986

⁹ Mutolanenge nafwe, mutipaskenge ŵana ŵinu ŵanthukazi ndipo imwe mutonge ŵana ŵanthukazi ŵidu kuŵa ŵawoli ŵinu.

Chiyambo 34:9 Referans Kwoze

Marangu 7:3

Mungatorananga nawo nthengwa, kuzomerezga ŵana ŵinu ŵanthukazi kutorana ndi ŵana ŵawo ŵanthurumi, pamwenga ŵana ŵinu ŵanthurumi kuto ŵana ŵawo ŵanthukazi.

Chiyambo 27:46

Sono Rebeka wanguti kwaku Yisaki, “Ndavuka nawo umoyo wangu chifukwa cha ŵanthukazi ŵa chiHiti. Asani Yakobe wakatonga yumoza wa ŵanthukazi ŵa chiHiti nge ndi yaŵa, yumoza wa ŵanthukazi ŵamu charu ichi, ukaŵanga uli wamampha umoyo wangu kwaku ine?”

Chiyambo 24:3

ndipo ndikakurapiskanga mu Ambuya, Chiuta wa kuchanya ndi wa charu chapasi, kuti ukamutoliyanga munthukazi mwana wangu mu ŵana ŵanthukazi ŵa ŵaKanani cha, ŵeniwo ine ndija mukati mwawo,

Chiyambo 19:14

Viyo Lote wangutuwiya ku bwalo, ndi wanguti ku ŵakosanu ŵake, wo ŵatinge ŵatonge ŵana ŵake ŵanthukazi, “Sokani, tuwanimo mu malo yagha pakuti Ambuya ŵe pafupi kuparghang'a msumba uwu.” Kweni ku ŵakosanu ŵake kunguwoneka ulaka wapekula.

Chiyambo 6:2

ŵana ŵanthurumi ŵaku Chiuta ŵanguwona ŵana ŵanthukazi ŵa ŵanthu kuti ŵenga ŵakutowa ndipo ŵangujitole ŵawoli ŵeniwo ŵangusankha.

Chiyambo 34:8

Kweni Hamoro wangukamba nawo, kuti, “Mtima wa mwana wangu Shekemu unweka mwana winu; nditukuŵeyereni, mupaskeni ŵatolane.

Chiyambo 34:10

Mukajanga nafwe, ndipo charu chikajurikiyanga imwe: mujenge ndi muchite malonda mwaku cho, ndipo muwoniyemo vinthu mwenimo.”

Ezra 9:14

kumbi tiswenge so marangu ghinu, ndi kutorana so ndi ŵanthu yaŵa ŵachita maukazuzi? Ndatinge mutikaripiyenge mpaka mutimari kuti paulevi wakujapo chingana ngwakutaskika?