Chiyambo 34:30 - Tonga Bible 1986

³⁰ Sono Yakobe wanguti kwaku Simeoni ndi Levi, “Mwatole suzgu paku ine pakundisanduska wakuŵembeka ku ŵakuja mu charu ichi ŵaKanani ndi ŵaPeresi; ine ndendi ŵamanavi, ndipo asani ŵawunganirana pamoza paku ine ndi kupong'ana nane ndikanangikanga, ine pamoza ndi nyumba zangu.”

Chiyambo 34:30 Referans Kwoze

Sumu 105:12

Ŵanthu ŵaku Chiuta ŵenga ŵakurengeka ŵaka, ndipo ŵenga ŵalendo mu charu.

1 Samuele 13:4

ŴaYisraele wose ŵanguvwa kuti Sauli wapunda linga la ŵaFilisti ndikuti ŵaYisraele ŵatinkhika ku ŵaFilisti. Ndipo ŵanthu ŵangudanika kuti ŵakumane ndi Sauli ku Gilgala.

Yoswa 7:25

Yoswa wanguti, “Chifukwa nchine ungutitore suzgu ifwe? Ambuya atore suzgu paku iwe zuŵa lino.” Ndipo ŵaYisraele wose ŵanguŵadina ndi mya ndi kuŵawocha ndi moto,

Chituwa 5:21

ndipo ŵanguti kwaku wo, “Ambuya alereskepo paku imwe ndi ŵeruzgi, chifukwa mwatiguŵiska mu maso ghaku Farao ndi ŵateŵeti ŵake; ndipo mwaŵika lipanga mu janja lawo kutibaya.”

1 Mikoka 19:6

Penipo ŵaAmoni ŵanguteska kuti ŵajitinkhiska kwaku Davidi, Hanuni ndi ŵaAmoni ŵangutuma ndrama za siliva chikwi chimoza (1,000) ku Mesopotamia, Aramayaka, ndi ku Zoba,

1 Mikoka 16:19

Penipo kuti ŵenga ŵanandi cha, ŵakuyuyuka, ndi ŵalendo mwaku cho.

1 Samuele 27:12

Ndipo Akishi wangumugomezga Davidi, kughanaghana kuti, “Wachita chifukwa waŵa wakutinkhika ukongwa ndi ŵanthu ŵaku Yisraele; pa chifukwa ichi wakaŵanga mteŵeti wangu muyaya.”

Chiyambo 13:7

ndipo penga kulimbana pakati pa ŵaliska ŵa ng'ombe zaku Abramu ndi ŵaliska ŵa ng'ombe zaku Lote. Pa nyengo yeniyiya ŵaKanani ndi ŵaPerezi ŵajange mu charu chiya.

Nthanthi 15:27

Yo ngwa kasu chifukwa cha kwanduwa kwakupusika watole suzgu pa ŵanyumba yake, kweni mweniyo watinkha vinda wakaŵanga wamoyo.

Nthanthi 11:29

Mweniyo wasuzga ŵa nyumba yako wakahalanga mphepo, ndipo wakupusa wakaŵanga muteŵeti wa ŵazeru.

Nthanthi 11:17

Munthu mweniyo ngwa wezi watijisakatiska, kweni munthu mukari watijipweteka yija.

1 Mikoka 16:12

Kumbukani nchitu zakuziziswa zo wachita, vyaminthondwe vyo wachita, ndi vyeruzgu vya mlomo wake,

1 Mikoka 2:7

Ŵana ŵaku Karmi: Akara wakusuzga wa ŵaYisraele, yo wangunanga mrandu wa chinthu chakupaturika;

1 ŴaKaronga 18:18

Ndipo wangwamuka, “Ine ndirivi kusuzga Yisraele, kweni iwe ndiwe wachita ichi, ndi nyumba ya ausu, chifukwa mukujowo malangulu gha Ambuya, mukurondo ŵa Bala.

2 Samuele 10:6

Ŵanguti ŵawona ŵaAmoni kuti ŵamusosomo Davidi, wangutuma kwachiŵarembe mwa mphoto ŵaSiriya ŵaku Betehobo, ndi ŵaSiriya ŵaku Zoba, ŵankhondo ŵakwenda pasi machumi ghaŵi (20,000) ndi karonga waku Maka pamoza ndi ŵanthu chikwi chimoza (1,000) ndi ŵanthu ŵaku Tobo, vikwi chumi ndi viŵi (12,000).

1 Samuele 27:1

Ndipo Davidi wanguti waghanaghana mu mtima wake wanguti, “Ndifwenge zuŵa linyake ku janja laku Sauli; palivi so kanyake kamampha kwangu kwakuruska kuti ndithaŵiye ku charu cha ŵaFilisti; mpaka po Sauli wavukenge kundipenja mukati mu mphaka za ŵaYisraele, ndipo ndikapozomokanga mu janja lake.”

1 Samuele 16:2

Samuele wangwamuka, “Ndirutenge uli? Asani Sauli wavwa ichi, wandibayenge.” Ambuya anguti, “Uto thole la ng'ombe, ndipo wamukuti, ‘Ndaziya kwazipereka sembe ku Ambuya.’

Marangu 7:7

Po Ambuya angumwanjani ndi angumusankhani kuti nchifukwa chakuti mwenga ŵanandi kuruska ŵanthu ŵanyake cha, mwenga ŵamana kwakuruska ŵanthu wose cha.

Marangu 4:17

pamwenga mu chi kozgu chanyama yose yamu charu cha pasi; pamwenga chikozgu cha chiyuni chose chakupururuka mude;

Chiyambo 46:27

ndipo ŵana ŵanthurumi ŵaku Yosefe wo ŵangupapika kwaku iyo mu Egipiti ŵenga ŵaŵi; ŵanthu wose ŵa nyumba yaku Yakobe wo ŵanguza mu Egipiti ŵenga machumi ghankhonde ndi ghaŵi (70).

Chiyambo 12:12

ndipo asani ŵaEgipiti ŵakuwona ŵatinge, ‘Uyu ndi muwoli wake’; mbwenu ŵandibayenge, kweni iwe ŵakakulekanga wamoyo.

Chiyambo 12:2

Ndipo Ine ndikakuchitanga mtundu ukuru, ndipo ndikakutumbikanga, ndipo ndikachitanga zina lako kuŵa likuru, viyo kuti ukaŵanga chitumbiku.

Chiyambo 34:2

ndipo penipo Shekemu mwana waku Hamoro muHivi, nduna ya charu cho, yingumuwona, yingumuko ndi kula nayo, yingumuyuyuwa.

Chiyambo 34:29

uromba wawo wose, ŵana ŵawo wose, ndi ŵawoli ŵawo, wo ŵenga mu zinyumba, ŵanguyora ndi ŵangusanduska muskowo wawo.

Chiyambo 34:31

Kweni iwo ŵanguti, “Kumbi wachitenge ndi mzichi widu ulaka ndi mureŵi?”

Chiyambo 46:26

Ŵanthu wose ŵaku Yakobe wo ŵangusere mu Egipiti wo ŵenga mphapu yapa mtima wake, kwambura kusazgiyako ŵawoli ŵa ŵana ŵaku Yakobe, ŵenga machumi ghankhonde ndi limoza pachanya ŵankhonde ndi yumoza (66);

Marangu 4:27

Ambuya akumuparghang'iyani mu mitundu ya ŵanthu, ndipo mwamusiyika mwamanavi mukati mu mitundu mwenimo Ambuya amudikiskiyeninge.

Chiyambo 12:6

Abramu wanguporota mu charu cho kuya ku malo gha Shekemu, ku chimuti cha msolo chaku More. Pa nyengo yiya ndipo ŵaKanani ŵemu charu cho.

2 Samuele 16:21

Ahitofele wangunena ndi Absalomu, “Kasereni mu mbiligha za auskemwe zo ŵakusiya kuti zirindengi nyumba; ndipo wakavwanga Yisraele yose kuti mwajichita kuŵa wakutinkha auskemwe, ndipo manja ghose ghaku wo ŵe pamoza namwe ghakakhomeskekanga.”

1 ŴaKaronga 11:25

Wenga wakupindikana wa ŵaYisraele mu mazuŵa ghose ghaku Solomoni, wachitanga vya mbanda nge ndimo wachitiyanga Hadadi; kweni wangutinkha Yisraele, wanguwusa mu Siriya.