Chiyambo 34:24 - Tonga Bible 1986

²⁴ Ndipo wose ŵeniwo ŵangutuliya kubwalo pa likomo la msumba wake ŵangutegherezga kwaku Hamoro ndi mwana wake Shekemu; ndipo munthurumi yose wanguchinjika, wose ŵeniwo ŵangutuliya kubwalo pa likomo la msumba wuwa.

Chiyambo 34:24 Referans Kwoze

Chiyambo 23:10

Sono Efroni wanguja mukati mu ŵaHiti; ndipo Efroni muHiti wangwamuka Abrahamu, ŵachivwa ŵaHiti, ŵeniwo wose ŵanguruta ndi kusere pa likomo la msumba wo,

1 ŴaKorinte 7:19

Mchinju wo kuti nkhanthu cha, ndipo uwuramchinju kuti nkhanthu cha; kweni kusunga marangu ghaku Chiuta ndiko.

Mateyu 7:6

“Mungapaska cho nchikovu ku ŵagaru cha, chingana ndi ngare zinu mungaponga paurongo pa nguruŵi zo cha, vinu zingaphwatapo ndi marundi ghawo, ndipo, pakuweko, zingakuzwa-nduwani.

Chiyambo 23:18

unguza kwaku Abrahamu kuŵa chihara pa maso gha ŵaHiti, paurongo paku wose ŵeniwo ŵangusere pa likomo la msumba wake.

Chiyambo 17:23

Sono Abrahamu wanguto Yishumaele mwana wake ndi ŵaŵanda wose ŵakupapika mu nyumba yake pamwenga ŵakugulika ndi ndrama zake, munthurumi we yose mu ŵanthurumi ŵamu nyumba yaku Abrahamu, ndipo wanguchinjiya nyama yawo ya khungu la kusongo zuŵa leniliya uli ndimo Chiuta wanguŵanene.

Chiyambo 34:23

Kumbi ng'ombe zawo, vyuma vyawo, ndi vyakuŵeta vyawo kuti viŵenge vidu cha? Tizomerezgane nawo ŵaka, ndipo ŵakajanga nafwe.”