Chiyambo 34:20 - Tonga Bible 1986

²⁰ Viyo Hamoro ndi mwana wake Shekemu ŵanguza ku likomo la msumba wawo ndi wangukamba ndi ŵanthurumi ŵa msumba wawo,

Chiyambo 34:20 Referans Kwoze

Ruti 4:1

Ndipo Boazi wanguya ku likomo ndi wangja kwenikuwa, ndipo ehe, mbali mwenimweni yo wangukamba Boazi wanguza kwenikuwa. Viyo Boazi wanguti, “Patukiya kunu bwezi, ja pasi yapa.” Ndipo wangupatuka ndi wanguja pasi.

Zekariya 8:16

vinthu vyo muchitenge ndi ivi: Kambani uneneska munthu yose ku munyake, chitani mu malikomo ghinu vyeruzgu vya uneneska ndi vyakupanga chimangu,

Amosi 5:15

Tinkhani uheni, ndi yanjani umampha, ndi mumike urunji mulikomo; pamwenga Ambuya, Chiuta wa maŵanja, wangaŵa ndi lisungu, ndi ŵakujako ŵaku Yosefe.

Amosi 5:12

Chifukwa ndiziŵa unandi wamaulakwi ghinu ndi ukuru wa mphuru-puru zinu; imwe musuzga ŵarunji, imwe muronde vinda, ndi kupatuska ŵakavu mu likomo.

Amosi 5:10

Ŵatimutinkha yo wachenya mu likomo, ndi ŵanyanyara nayo yo wakamba uneneska.

Nthanthi 31:23

Mrumi wake waziŵikwa mu malikomo, wachija mukati mu ŵaraŵara ŵa charu.

Jobu 29:7

Penipo ndingutuliya ku bwaro ku likomo la msumba, penipo ndingunozga chakujapo changu pa bwaro,

2 Samuele 15:2

Ndipo Absalomu wasokanga ndi mlenji-lenji kuma pa mphepete pa nthowa yapa likomo; ndipo munthu we yose yo wenga ndi mrandu wachisere ku karonga kwacheruzgika, Absalomu wangumudana, wakuti, “Utuliya ku msumba nuwu?” Asani wanguti, “Mteŵeti winu ngwa mu mbumba yakuti mu Yisraele”,

Marangu 17:5

viyo mukatuzgiyanga kubwalo kwa malikomo ghinu munthurumi yo, pamwenga munthukazi yo wachita chinthu chiheni cha viyo. Ndipo mukamupong'anga ndi mya munthurumi yo pamwenga munthukazi yo ndi kumubaya.

Chiyambo 23:10

Sono Efroni wanguja mukati mu ŵaHiti; ndipo Efroni muHiti wangwamuka Abrahamu, ŵachivwa ŵaHiti, ŵeniwo wose ŵanguruta ndi kusere pa likomo la msumba wo,

Chiyambo 22:17

kwakuneneska ndikakutumbikanga ndipo ndikandaniskanga mphapu yako uli ndi nyenyezi za kuchanya, ndipo uli ndi muchenga wo wepa likumba la nyanja. Mphapu yako yikaharanga malikomo gha ŵakupindikana nayo.

Chiyambo 34:19

Ndipo munyamata kuti wanguswera cha kuchichita cho chinthu, chifukwa wenga walikondwa mu mwana waku Yakobe. Iyo wenga wakulonde ulemu kwakuruska wose pa nyumba yake.

Chiyambo 34:21

“Yaŵa ŵanthu ndi mabwezi ghidu; ŵazomerezgeke kuja mu charu ndi kuchitamo malonda, pakuti, ehe, charu nchikuru kukwana kwaku wo, tiyeni titonge ŵana ŵawo ŵanthukazi kuŵa ŵawoli, ndipo tiyeni tiŵapaskenge ŵana ŵidu ŵanthukazi.

Sumu 127:5

Ŵakukondwa ndi munthu yo mivwi nge ndi iyi wenayo yinandi! Kuti wakachitanga soni cha, po warongoro ndi ŵarwani ŵake mu likomo.