Chiyambo 34:14 - Tonga Bible 1986

¹⁴ Ŵanguti kwaku wo, “Tingachita cha chinthu ichi, kupaska mzichi widu kwaku yo ngwambura kuchinjika, pakuti chaviyo nchilengesku kwaku ifwe.

Chiyambo 34:14 Referans Kwoze

ŴaRoma 4:11

ndipo wanguronde chisimikizgu cha mchinju, chiŵali cha urunji wa chivwanu wo wenga nawo uwura-mchinju: alinga waŵe iyo wiskeu waku wose ŵakuvwana, chingana mbambura kuchinjika, alinga kuti urunji wo ungapimikiya iwo nawo;

Mateyu 2:13

Ndipo ŵati ŵaruta iwo, wonani, mungelo wa Ambuya wangumwoneke Yosefe mu loto, wakuti, “Yuka, to mwana yo ndi anyina, thaŵiyani ku Egipiti, ndi mukaje kweniko mpaka pondikuneniyani; chifukwa Herode wapenjenge mwana yo kumubaya.”

Mateyu 2:8

Ndipo wanguŵatuma ku Betelehemu, wanguti, “Kaninga, mukapenje kwarwana vyapa mwana yo, asani mwamsaniya, nditauliyeni, viyo kuti nane so ndizichimlambiya.”

1 ŴaKaronga 21:9

Ndipo wangulemba viyo mu ŵakalata wo, “Memezani kufunga, ndipo mumukwezge pachanya Naboti mukati mu ŵanthu.

2 Samuele 15:7

Ndipo pavuli pa virimika vinayi Absalomu wangunena ndi karonga, “Ndizomerezgeni kuti nkhafiske rapu langu ku Hebroni, lo ndikurapa ku Ambuya.

2 Samuele 1:20

Mungataulanga ichi mu Gata cha, rekani kuchimemeza mu miseu ya Ashikeloni; vinu ŵangakondwere ŵana ŵanthukazi ŵa ŵaFilisti vinu ŵana ŵanthukazi ŵa mbura kuchinjika ŵangalankhanga.

1 Samuele 17:36

Ndamteŵeti winu ndabayapo zinkharamu ndi ŵachipembere ndipo muFilisti uyu wambura kuchinjika wakaŵanga nge njimoza yaku zo, pakuti wanoza maŵanja ghaku Chiuta wamoyo.”

1 Samuele 17:26

Sono Davidi wangurongoro ndi ŵanthu wo ŵenga pafupi nayo, “Kukamuŵiyanganji munthu yo wangabaya muFilisti uyu, ndi kutuzgapo chitozeru pa Yisraele? Pakuti ndiyani nayo muFilisti wambura kuchinjika uyu, kuti wanyozenge maŵanja ghaku Chiuta wamoyo?”

1 Samuele 14:6

Ndipo Jonafani wangukamba ndi munyamata wakupinga vidya vyake, “Tiye tambukiye ku linga la ŵanthu ŵambura kuchinjika yaŵa panyake Ambuya atichitiyenge nchitu; chifukwa palivi ko kangakanizga Ambuya kureka kutaska, manyi mpha unandi pamwenga pa umana.”

Chiyambo 17:14

Munthurumi we yose wambura kuchinjika yo walivi kuchinjika mu nyama yake ya kusongo wakadumulikangako ku khamu lake; waswa phanganu langu.”

Chiyambo 17:11

Mukachinjikanga mu nyama ya kusongo kwinu, ndipo ichi chikaŵanga chisimikizgu cha phanganu la pakati pangu ndi imwe.

Chiyambo 34:13

Ŵana ŵanthurumi ŵaku Yakobe ŵangwamuka Shekemu ndi wiske Hamoro kwakupusika, chifukwa wangukazuzga mzichi wawo Dina.

Chiyambo 34:15

Pa nthowa iyi yimoza pe tikazomerezganga imwe; yakuti mukaŵanga uli ndimo tilili ifwe kuti munthurumi we yose waku imwe wachinjike,

Ŵeruzgi 14:3

Kweni awiske ndi anyina wangunena nayo, “Kumbi mulivi munthukazi mu ŵana ŵanthukazi ŵa ŵabali ŵako, pamwenga mukati mu ŵanthu ŵidu wose, po utiti ukato munthukazi ku ŵaFilisti wambura kuchinjika?” Samsoni wanguti ku awiske, “Kanditoliyeni munthukazi yo: pakuti watindikondweska ukongwa.”