Chiyambo 33:10 - Tonga Bible 1986

¹⁰ Yakobe wanguti, “Awa, nditukupempha, asani ndasaniya wezi mu maso ghako, iku londa chaulera chakutuliya mu janja langu; pakuti kwakuneneska pakuwona chisku chako kuchita nge ndiwona chisku chaku Chiuta, pa wezi waviyo iku wandironde.

Chiyambo 33:10 Referans Kwoze

Jobu 33:26

Viyo munthu waromba kwaku Chiuta, ndipo watimuronde, watuza pa maso ghake ndi chimwemwe. Wanene ŵanthu ndi kutaskika kwake,

Chivumbuzi 22:4

ndipo ŵawonenge chisku chake: zina lake liŵenge pa mphumi zawo.

Yeremiya 31:2

Viyo atiti Ambuya: “Ŵanthu wo ŵangupozomoka ku lipanga ŵangusaniya wezi mu bozwa; penipo Yisraele wapenjanga chipumulu.

Chiyambo 32:30

Viyo Yakobe wangudana zina la malo gha Penuele, wanguti, “Chifukwa ndawonana ndi Chiuta maso ndi maso, kweni umoyo wangu wasungika wamoyo.”

Sumu 41:11

Mwaku ichi ndiziŵa kuti mukondwere mwaku ine, pakuwona kuti murwani wangu kuti wandipunda cha.

2 Samuele 14:32

Absalomu wangwamuka, “Awona, ndingukutumiya mazu, ‘Uze kunu, mwakuti ndikutumi ku karonga, kwachimufumba, “Chifukwa cho ndikutuliya ku Geshuru nchine? Mphanyi kwenga kwamampha kuti ndije kwenikuwa.” Mwa chifukwa ichi ndizomerezge kuti ndikawonane ndi karonga; ndipo asani nde nayo ndi chifukwa, iku wakandibaye.’ ”

2 Samuele 14:28

Sono Absalomu wanguja mu Yerusalemu virimika viŵi vizirima, kwambura kuzachiwonana ndi karonga.

2 Samuele 14:24

Ndipo karonga wanguti, “Murekeni waje pa nyumba yake; ndipo wangazanga kunu kuwona chisku changu cha.” Viyo Absalomu wanguja pa nyumba yake, ndipo chisku cha karonga kuti wanguchiwona cha.

2 Samuele 3:13

Ndipo iyo wanguti, “Chamampha, ndipanganenge nawe phanganu; kweni chinthu chimoza cho ndipenja kwako; nchakuti, kuti ukawonanga chisku changu cha, mpaka po wadanga chanditore Mikala, mwana munthukazi waku Sauli, uchiza kundiwona.”

1 Samuele 20:3

Davidi wangwamuka wanguti, “Ausu ŵaziŵa umamphavi kuti, wareke Jonafani kuchiziŵa ichi, vinu wangaŵa ndi chitima! Kweni kwakuneneska, ndarapa Ambuya amoyo! Ndarapa umoyo wako, paja nthangara yimoza pe, pakati paku ine ndi nyifwa.”

Ruti 2:10

Viyo wanguwa pasi kavunama wakubwanthuliya pasi chisku chake, ndi wanguti kwaku iyo, “Ndasaniriyanji wezi mu maso ghako mwakuti undiphwere penipo nde mlendo?”

Chiyambo 50:4

Ndipo ghanguti ghakapo mazuŵa ghakumutenje, Yosefe wangukamba ndi nyumba yaku Farao kuti. “Asani sono ndasaniya wezi mu maso ghinu, kambani, nditukupemphani, mu makutu ghaku Farao kuti,

Chiyambo 47:29

Ndipo penipo yinguŵandika nyengo yakufwiya Yisraele wangudana mwana wake Yosefe ndipo wanguti kwaku iyo, “Asani sono ndasaniya wezi mu maso ghako, uŵike janja lako kusi ku chigha changu, ndi upangane kundichitiya kwa ulemu ndi kwauneneska. Ungandiŵika ine mu Egipiti cha,

Chiyambo 19:19

awonani muŵanda winu, wasaniya mwaŵi mu maso ghinu, ndipo mwandilongo wezi ukuru pakupozomoska umoyo wangu. Kweni kuti ndingathaŵiya ku mapiri cha, vinu soka lingandisaniya ndi ndingafwa.

Mateyu 18:10

“Cheŵani kuti mungayuyuwa kamoza ka tumana to cha; chifukwa ndinene imwe, kuti nyengo zose ŵangelo ŵawo ŵakuchanya ŵalereska chisku cha Ada ŵakuchanya. [

Chiyambo 43:3

Kweni Yuda wanguti ku uskeu, “Yuwa munthu wangutichenjezga ukongwa kuti, ‘Mwazamuwona chisku changu cha, kwambura kuti mwana munyinu mwe nayo pamoza.’

Chiyambo 33:9

Kweni Esau wanguti, “Nde navyo vyakukwana, wamhurwa wangu ujisungiye wamweni vyo we navyo.”

Chiyambo 33:11

Londa, nditukuŵeyere, chaulera chondaza nacho kwako, chifukwa Chiuta wandichitiya wezi, ndi chifukwa ndendi vyakukwana.” Viyo wangumuchichizga, ndi wanguvironda.