Chiyambo 32:30 - Tonga Bible 1986

³⁰ Viyo Yakobe wangudana zina la malo gha Penuele, wanguti, “Chifukwa ndawonana ndi Chiuta maso ndi maso, kweni umoyo wangu wasungika wamoyo.”

Chiyambo 32:30 Referans Kwoze

Maŵerengedu 12:8

Ndirongoro nayo maso ndi maso, ndi mazu ghakuvwika, ghambura kubisika; iyo wawonanga kawonekedu ka Ambuya. Sono chifukwa nchine mwengavi chofyu kumikana ndi mteŵeti wangu Mosese?”

Chiyambo 16:13

Viyo wangudana zina la Ambuya wo angurongoro nayo, “Ndimwe Chiuta wakuwona”; pakuti wanguti, “Kumbi ndamuwonadi Chiuta ndipo ndajaliriya wamoyo pavuli pakumuwona?”

Yesaya 6:5

Ndipo ine ndinguti, “Wasoka ndine! Pakuti ndasoŵa, pakuti nde munthu wa milomo yambura ku photoka, ndipo ndija mukati mu ŵanthu ŵa milomo yambura kuphotoka, pakuti maso ghangu ghawona karonga Ambuya ŵa maŵanja!”

Marangu 5:24

Munguti, ‘Wona, Ambuya Chiuta widu watirongo unkhankhu wake ndi ukuru wake ndipo tavwa mazu ghake ghakutuwa mukati mu moto, tawona Chiuta msana uno wakukamba ndi munthu, ndipo munthu weche wamoyo.

Yohane 1:18

Palive yumoza yo kali kose wamuwona Chiuta, Mwana yo wakuwayija, yo ngwamu chipakatu cha Dada, ndiyo wamvumbuwa.

ŴaHebere 11:27

Ndi chivwanu wangureka Egipiti, kwambura kopa kandundu ka karonga yo; chifukwa wangukunthiyapo, uli ngwakumuwona yo ngwambura mawoneka.

2 Timote 1:10

kweni warongoleka sono mu chiwoneka cha Mtaski widu Yesu Kristu, mweniyo wakoto nyifwa, ndi wawoneska umoyo ndi uzirachivuzi mu evangeli,

ŴaEfeso 1:17

kuti Chiuta iyo wa Ambuyafwe Yesu Kristu, Dada wa Unkhankhu, wakupaskeni mzimu wa zeru ndi wa uvumbuzi mu kumuziŵa iyo,

Chituwa 33:14

Ndipo iwo anguti, “Ndikarutanga nawe ndipo ndikakupumuzganga.”

ŴaKolose 1:15

Ndiyo chikozgu chaku Chiuta wambura kuwoneka, wakupapika danga wa ulengi wose.

ŴaGalatia 1:6

Ndizizwa kuti musamako viyo ruŵi kwaku mweniyo wangumdanani ndi wezi waku Kristu,

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

2 ŴaKorinte 3:18

Ndipo ifwe tose, ndi chisku chakuvwinkhulika, tithoŵa uli ndi mu kayilole unkhankhu wa Mbuya, ndipo tisanduskikiya mu chikozgu icho cha kaŵiru kake, kutuwa ku unkhankhu kuya ku unkhankhu, nge ndimo uziya kutuliya ku Mbuya yo ndi Mzimu.

1 ŴaKaronga 12:25

Pavuli Yeroboamu wanguzenga Shekemu mu charu cha mitunthu chaku Efraimu; wanguja mwenimuwa, ndipo wanguruta wanguzenga so Penuele.

Ŵeruzgi 8:17

Wangubwanganduliya pasi chitanthali chaku Penuele ndi kubaya ŵanthu ŵa msumba wo.

Ŵeruzgi 8:8

Kutuwa apa wangukwere ku Penuele, ndipo wanguti wakamba kwaku wo kwakukozgana; waku Penuele ŵangumwamuka uli ndimo ŵangwamukiya ŵaku Sukoto.

Marangu 34:10

Ndipo mulivi kuyukamo mchimi mu ŵaYisraele wakulingana ndi Mosese, mweniyo Ambuya anguziŵa chisku ndi chisku.

Chiyambo 28:19

Wangudana zina la malo gha Betele; kweni zina la msumba lenga Luzu pakudanga.

1 ŴaKorinte 13:12

Chifukwa sono tiwona kazimuzimu nge ndimo tilereske, pa chakuwonapo (galasi) kwakusachizga kweni penipa tazamuwonana chisku ku chisku, sono ndiziŵa kwamalinga; kweni penipa nkhaziŵisiskanga uli ndimo ndaziŵikwiya.

Yoswa 5:13

Penipo Yoswa wenga pafupi pa Yeriko, wangusoska maso ghake wangulereska, wanguwona, munthu wanguma paurongo pake, ndi lipanga lakuwewepuwa mu janja lake; ndipo Yoswa wanguruta kwaku iyo wangunena nayo, “Kumbi iwe wendi ifwe, pamwenga weku ŵakupindikana ŵidu?”

Chiyambo 35:9

Chiuta wanguwoneke so Yakobe, wanguti wawe ku Padani-aramu, ndi wangumutumbika.

Ŵeruzgi 13:17

Manowa wanguti ku mungelo wa Ambuya, “Zina lako ndiwe yani, alinga kuti penipo mazu ghako gharongonge uneneska, tizichikutumbika?”

Ŵeruzgi 13:18

Mungelo wanguti kwaku iyo, “Chifukwa chine ufumba zina langu, pakuwona kuti nchakuziziswa?”

Yesaya 9:5

Pakuti chiyato chose cha wankhondo wakuphwataphwata chifukwa chakuruska kwa nkhondo, ndi chivwalo chose chakubizgika mu ndopa vikawochekanga nge ndi nkhuni za moto.