Chiyambo 32:28 - Tonga Bible 1986

²⁸ Sono iyo wanguti, “Zina lako kuti likadanikanga so Yakobe cha kweni Yisraele pakuti walimbana ndi Chiuta ndi ŵanthu so, ndipo wapunda.”

Chiyambo 32:28 Referans Kwoze

Chivumbuzi 2:17

Yo we ndi gutu wavwenge cho Mzimu ukamba ku mipingu. Ku wakupunda yo nkhampaskangapo vya mana gho ghakubisika, ndipo nkhampaska nga mwa utuŵa, ndi pa mwa wo zina lifya lakulembekapo, lenilo palive yumoza watiliziŵa, kweni yo waronda pe ndiyo.’

Chiyambo 35:10

Ndipo Chiuta wanguti kwaku iyo, “Zina lako ndiwe Yakobe, kuti ukadanikanga so Yakobe cha, kweni Yisraele ndilo zina lako.” Viyo zina lake lingudanika Yisraeli.

Chiyambo 17:5

Zina lako kuti likadanikanga Abramu so cha, kweni zina lako likaŵanga Abrahamu, pakuti ndakuchita iwe kuŵa uskeu wa mitundu yinandi.

Chiyambo 17:15

Ndipo Chiuta wanguti kwaku Abrahamu, “Sarai muwoli wako, kuti ukamudananga zina lake Sarai cha, kweni Sara ndilo likaŵanga zina lake.

Yesaya 65:15

Mukajowolenga zina linu kuti litembeke ndi ŵakusankhika ŵangu, ndipo Ambuya Chiuta akuperekaninga ku nyifwa; kweni ŵateŵeti ŵake wakaŵadananga zina linyake.

Nthanthi 16:7

Asani nthowa za munthu zikondwereska Ambuya, iwo ŵachitiska ŵakupindikana ŵake nawo kuŵa nayo ndi chimangu.

Chiyambo 33:4

Kweni Esau wanguchimbiya kwachikumana nayo, ndi wangumuvumbatiya, ndipo wangumuvumbatiya, ndipo wangukotamiya pa khosi lake ndi wangumufyofyontha, ndipo wanguliya.

Yohane 1:42

Wangumtole kwaku Yesu, wati wamthoŵa Yesu wanguti, “Ndiwe Simoni, mwana waku Yohane: iwe udanikenge Kefa” (cho ching'anamuwa Petro).

Chiyambo 25:31

Yakobe wanguti, “Chakudanga undiguliski ura wako.”

2 ŴaKaronga 17:34

Kufika ku zuŵa lino ŵachita uli ndi malusu ghakudanga. Kuti ŵatopa Ambuya cha, kuti ŵarondo vyeruzgu pamwenga malangulu gha dangu pamwenga malangu gho Ambuya angulanguliya ŵana ŵaku Yakobe cha, mweniyo angumudana Yisraele.

2 Samuele 12:25

angutuma uthenga mwaku Natani mchimi; viyo wangudana zina lake Yedidiya, wakwanjiwa wa Ambuya.

1 Samuele 26:25

Sono Sauli wangunena ndi Davidi, “Utumbikike mwana wangu Davidi! Ukachitanga vinthu vinandi ndipo mwaku vyose ukaruskanga.” Viyo Davidi wanguruta mu nthowa yake, Sauli wanguwere ku muzi wake.

Chiyambo 32:24

Ndipo Yakobe wangujowoleka pakuyija; ndipo munthu wangukoana kulimbana nayo mpaka ku matanda kucha.

Chiyambo 31:24

Kweni Chiuta wanguza kwaku Labani mu Aramu yo mu loto ndi usiku, ndi wanguti kwaku iyo, “Chenje ungakamba cha mazu nanga ngamoza kwaku Yakobe, nanga ngamampha pamwenga ghaheni.”

Maŵerengedu 13:16

Yagha ndi mazina ghaku ŵeniwo Mosese wangutuma kwachiskora charu. Ndipo Mosese wangudana zina Hoshea mwana waku Nuni, Yoswa.

1 ŴaKaronga 18:31

Eliya wanguto mya chumi ndi yiŵi, kwakuyana ndi unandi wa mafuku gha ŵana ŵaku Yakobe, kwaku mweniyo mazu gha Ambuya ghanguza, ghakuti, “Yisraele likaŵanga zina lako.”

Chiyambo 33:20

Penipo wanguzengapo jochero la sembe ndi wangudanapo kuti Ele-elohe-Yisraele.

Chiyambo 32:27

Ndipo wanguti kwaku iyo, “Zina lako ndiwe yani?” Ndipo wanguti, “Yakobe.”

1 Mikoka 1:34

Abrahamu wangupapa Yisaki. Ŵana ŵaku Yisaki ŵenga Esau ndi Yisraele.

Yesaya 43:1

Kweni sono atiti viyo Ambuya, yo wangukulenga iwe, Yakobe we, yo wangukuumba, Yisraele we: “Ungopanga cha, pakuti ndakuwombo; ndakudana iwe ndi zina, we wangu.