Chiyambo 32:24 - Tonga Bible 1986

²⁴ Ndipo Yakobe wangujowoleka pakuyija; ndipo munthu wangukoana kulimbana nayo mpaka ku matanda kucha.

Chiyambo 32:24 Referans Kwoze

ŴaEfeso 6:12

Pakuti limbanu lidu kuti le ku ŵanthu cha, kweni ndi maufumu, ndi mitufu, ndi ŵakuwusa charu ŵa mdima wamakono, ndi vya mzimu vya uheni mu vyakuchanya.

Luka 13:24

“Limbalimbani kusere mu khomo lifinyi; pakuti ŵanandi, ndikuneniyani ŵamkhumba kuseremo, ndipo kuti ŵaŵenge ndi nthazi cha.

Chiyambo 32:28

Sono iyo wanguti, “Zina lako kuti likadanikanga so Yakobe cha kweni Yisraele pakuti walimbana ndi Chiuta ndi ŵanthu so, ndipo wapunda.”

ŴaEfeso 6:18

Mu kuromba ndi kuninizika murombiyenge nyengo zose mu Mzimu, ndi kucherezga kwakufwiririyapo limu kuninizikiya pa chifukwa chakuwose ŵakupaturika,

Chiyambo 32:30

Viyo Yakobe wangudana zina la malo gha Penuele, wanguti, “Chifukwa ndawonana ndi Chiuta maso ndi maso, kweni umoyo wangu wasungika wamoyo.”

Luka 22:44

Ndipo pakuŵa mu mphirimbu warombanga kwakufwiririyapo: ndipo dukutira lake linguŵa nge ndi manthone gha ndopa ghakujirimiya pasi.]

Chiyambo 30:8

Sono Rakelo wanguti, “Ndikulimbana kwanthazi ndalimbana ndi muku wangu, ndipo ndapunda”; viyo wangudana zina lake Naftali.

1 ŴaKorinte 15:47

Munthu yo wakudanga ngwa pasi, ngwadongu: munthu yo wachiŵi ngwa kuchanya.

ŴaKolose 4:12

Wakutauzgani Epafra, yumoza namwe, muŵanda waku Kristu Yesu, wakurimbarimba mu marombu ghake nyengo zose chifukwa chaku imwe, kuti muŵe ŵakufiskika ndi ŵakukhozgeka mu khumbo lose laku Chiuta.

Sumu ya Zisumu 2:17

Mpaka penipo lumwi latuwa ndi miduzi yathaŵa, weko, nkhwanjiwa wangu, uŵi nge ndi mphoyo, pamwenga mbaŵa yinthurumi mu vinkhwawu vya mapiri.

Chiyambo 48:16

mungelo wa Ambuya mweniyo wandiwombo ku masoka ghose, watumbike ŵanyamata yaŵa: ndipo mwaku iwo zina langu likiyikiye, ndipo zina la ŵada Abrahamu ndi Yisaki, ndipo ŵakuwe ŵakwandana mu charu chapasi.”

ŴaHebere 5:7

Mweniyo mu mazuŵa ghake ghaliŵavu, wanguti wapereke, ndi Mubobotu wanthazi ndi masozi, maniniziku, maŵeyerero, kwaku yo wenga ndi nthazi kumtaska kunyifwa, ndipo wanguvwika pa chifwa cha uwopa Chiuta wake.

ŴaKolose 2:1

Chifukwa ndikhumba muziŵe mlimbalimba weni ukuru wo nde nawo chifukwa chinu, ndi chifukwa chaku wo ŵamu Laodikea, ndi chifukwa chaku wo wose ŵalive kuwona chisku changu,

ŴaRoma 15:30

Kweni ndikuŵeyereni, mwa ŵabali, pa chifukwa cha Ambuyafwe Yesu Kristu, ndi pa chifukwa cha chanju cha Mzimu iyo, kuti mulimbiye pamoza nane mu marombo kwaku Chiuta ghapa chifukwa changu;

Yesaya 32:2

Yumoza ndi yumoza wakaŵanga uli ndi malo ghakubisamamo ku mphepo, musana wakubisamako ku lirondo, nge nthumisinji twa maji mu charu chiyumu, nge nchiduzi cha jarawe likuru mu charu chakuvuka.

Chituwa 14:27

Viyo Mosese wangutambaluriya janja lake pa nyanja, ndipo nyanja yo yinguwere mu malo ghake wati wawoneka mlenji; ndipo ŵaEgipiti ŵanguthaŵiya mwenimo, ndipo Ambuya angupunda ŵaEgipiti mukati mu nyanja.

Chiyambo 18:2

Wangulereska ndipo wanguwona ŵanthu ŵatatu ŵanguma paurongo pake. Wanguti waŵawona wanguchimbiya kutuwa pa khomo la hema lake kwachikumana nawo, ndipo wangukotamiya pasi,

Chiyambo 32:23

Wanguŵato ndi wanguŵatuma kusirgha kwa msinji wo, ndipo wanguchita kwakukozgana ndi vinthu vyo wenga navyo.

Chiyambo 32:25

Po yuwa munthu wanguwona kuti walivi kumupunda Yakobe, wanguko mu udibwa wa chigha chake, ndipo chigha chaku Yakobe chingugweduka mu malunga po walimbananga nayo.

Yoswa 5:13

Penipo Yoswa wenga pafupi pa Yeriko, wangusoska maso ghake wangulereska, wanguwona, munthu wanguma paurongo pake, ndi lipanga lakuwewepuwa mu janja lake; ndipo Yoswa wanguruta kwaku iyo wangunena nayo, “Kumbi iwe wendi ifwe, pamwenga weku ŵakupindikana ŵidu?”

Danyele 10:8

Viyo ndingusiyika ndija ndi ndinguwona chiwona chikuru ichi, ndipo kuti ndenga ndi nthazi cha, kawonekedu kangu kakusangaruka kangusanduka kakofya, ndipo ndengavi nthazi.