Chiyambo 32:2 - Tonga Bible 1986

² ndipo penipo Yakobe wanguŵawona wanguti, “Ili ndi liŵanja la nkhondo laku Chiuta!” Viyo wangudana zina la malo gha Mahanaimu.

Chiyambo 32:2 Referans Kwoze

2 Samuele 2:8

Abnere, mwana waku Nere, nduna ya nkhondo yaku Sauli wanguto Ishiboshete mwana waku Sauli, wangwambukiya nayo ku Mahanaimi.

Yoswa 21:38

kutuwa ku fuku laku Gadi, Ramoti mu Gileada ndi mauliska ghake, msumba wakupozomokiyako mubaya-munthu, Mahanaimi ndi mauliska ghake,

Yoswa 5:14

Iyo wanguti, “Awa, kweni nde wakulamula wankhondo wa Ambuya ndimu ndaziya.” Ndipo Yoswa wanguwa pasi kavunama, wangusopa, ndipo wangunena nayo, “Nchine cho mbuya walanguliya mteŵeti wake?”

Luka 2:13

Ndipo kwamabuchibuchi kunguŵa pamoza ndi mungelo mzinda wa liŵanja lakuchanya, ŵakuthamika Chiuta, ndi ŵakuti,

Sumu 148:2

Arumbeni mose mwa ŵangelo ŵawo, arumbeni mose mwamaŵanja ghawo!

Sumu 34:7

Mungelo wa Ambuya watigoŵa kwakuzunguliya wose ŵakuwopa iwo, ndi kuŵataska.

1 ŴaKaronga 2:8

Ndipo pamoza nawe pe so Shimei mwana waku Pera, muBenjamini waku Bahurimu, yo wangunditemba ndi thembu lakuŵaŵa mu zuŵa liya ndinguya ku Mahanaimu, kweni wanguti wasika kuzachikumana nane pa Yordane, ndingumurapiya pa Ambuya, kuti, ‘Kuti ndikakubayanga ndi lipanga cha.’

2 Samuele 17:24

Davidi wangufika ku Mahanaini; Absalomu wangwambuka Yordane ndikhamu lose la ŵaYisraele.

Danyele 10:20

Ndipo wanguti, “Kumbi uziŵa cho ndaziya kwaku iwe? Kweni sono ndiwere vuli kwachirwa ndi karonga waku Perese, ndipo ndamkuti ndamara kurwa nayo, karonga wa ŵaGirisi wakazanga.

Sumu ya Zisumu 6:13

Owe Shulama we, weko, weko, weko, weko, mwakuti tikuwoni. Kumbi makamuwoniyanganji mu Shulama, ulaka mpha masoŵero gha paurongo pa maliŵanjaghaŵi gha nkhondo?

Sumu 103:21

Tumbikani Ambuya mose mwa nkhondo zake; mwaŵakumiriya ŵake, mwaŵakuchita khumbo lake!

2 ŴaKaronga 6:17

Sono Elisha wanguromba, ndi wanguti, “Ambuya mwe, ndiromba kuti jurani maso ghake mwakuti wawone.” Viyo Ambuya ŵangujura maso gha manyamata yo ndipo wanguwona, ehe, phiri lo linguzaza ŵakavalo ndi magareta ghamoto kwakuzunguliya Elisha.

1 ŴaKaronga 4:14

Ahinadabu mwana waku Ido mu Mahanaimu;

2 Samuele 2:12

Abnere mwana waku Nere, ndi ŵateŵeti ŵaku Ishiboshete mwana waku Sauli, wangutuwa mu Mahanaimi kuruta ku Gibeoni.

1 Mikoka 12:22

Chifukwa nyengo yiya ŵazanga kwaku Davidi zuŵa ndi zuŵa kuzachimovya mpaka yenga nkhondo yikuru nge ndi nkhondo yaku Chiuta.

Sumu 24:10

Njani uyu karonga wa unkhankhu? Ambuya ŵazinkhondo, ndiwo karonga wa unkhankhu!