Chiyambo 31:7 - Tonga Bible 1986

⁷ ndipuuli auskemwe ŵandizgelera ndi ŵasintha mphoto yangu nyengo chumi, kweni Chiuta wengavi kuzomera kuti wandikomweske.

Chiyambo 31:7 Referans Kwoze

Chiyambo 31:41

Virimika ivi machumi ghaŵi vyo ndajanga mu nyumba yako; ndingukutataliya virimika chumi ndi vinayi (14) chifukwa cha ŵana ŵako, ndipo virimika vinkhonde ndi chimoza chifukwa cha viŵetu vyako, ndipo nyengo chumi ungusintha-sintha mphoto yangu.

Chiyambo 31:29

Nkhwangu kwaku ine kukuchitiya chiheni; kweni Chiuta wa ausu waŵereŵeta nane usiku waruta, kuti, ‘Chenje ungakamba kwaku Yakobe kamampha pamwenga kaheni cha.’

Zekariya 8:23

Viyo atiti Ambuya ŵa maŵanja: Mu mazuŵa gho, ŵanthu ŵakutuwa ku mitundu ya karongoroledu kose ŵakonge saru ya muYuda, ndi kuti, ‘Utizomerezge tirutenge, nawe, chifukwa tavwa kuti Chiuta we ndi iwe.’ ”

Sumu 37:28

Chifukwa Ambuya atanja cheruzgu, kuti akasiyanga ŵatuŵa ŵawo cha. Ŵakurunjika ŵakasungirizgikanga muyaya, kweni ŵana ŵa ŵaheni ŵakadumulikanga.

Nehemiya 4:12

Penipo ŵaYuda ŵeniwo ŵajanga pafupi nawo ŵanguti ŵaza ŵangutinene kuwerezgapo chumi kukamba, “Kutuliya ku malo ghose gho ŵajamo, ŵakazanga kuzachilimbana nafwe.”

Maŵerengedu 14:22

ndikalanganga ŵanthu wose wo ŵawona unkhankhu wangu ndi vya minthondwi vyangu vyo ndinguchita mu Egipiti ndi mu bozwa, ndipo ŵandesa sono kwanyengo izi chumi ŵakana kuvwa mazu ghangu,

Yesaya 54:17

palivi chidya cho chapangikiya paku iwe chikachitanga kanthu, iwe ukasuskanga lilime lose lenilo litukuyukiya mu cheruzgu. Ichi nchihara cha ŵateŵeti ŵa Ambuya, ndi kurunjiskika kwawo kwakutuliya kwangu, atiti Ambuya.”

Yesaya 4:1

Ndipo ŵanthukazi ŵankhonde ndi ŵaŵi ŵakakonga munthurumi yumoza mu zuŵa leniliya, ŵamkuti, “Tikarghanga kurgha kwaku taŵeni ndi kuvwara saru zakutaŵeni kweni zomera kuti tidanike ndi zina lako, tuzgapo soni paku ifwe.”

Jobu 19:3

Nyengo izi chumi mwandilengeska; kumbi kuti muchita soni chakumikana nane?

Jobu 1:10

Asi mukumuzingizga ndi lisitu, ndi nyumba yake ndi vyose vyo mwe navyo? Mwatumbika mlimu wa manja ghake ndipo viŵetu vyake vyandana mu charu.

ŴaLevi 26:26

Panyengo yo nkhadumuwanga uzali wa vyakurgha, ŵanthukazi chumi ŵakamubikiyaninga chiŵande mu zenji limoza, ndipo ŵakachitanga kupima chiŵande chinu; mukarghanga kweni kuti mukagutanga cha.

Chiyambo 20:6

Sono Chiuta wanguti kwaku iyo mu loto lo, “Inya ndiziŵa kuti wachita ichi mu kuphotoka kwa mtima wako, ndipo ndine ndingukusunga kuwura kundinangiya ine; chifukwa cho ndengavi kukuzomerezga kumuko munthukazi.

Jobu 19:8

Wandizingirizga ndi lisitu kujara nthowa yangu kuti ndireke kujumpha, waŵika mdima pa zinthowa zangu.

Chiyambo 15:1

Pavuli pa vinthu ivi mazu gha Ambuya ghanguza kwaku Abramu mu chakuwona, “Ungopanga cha Abramu, Ine nde nguru yako; mphoto yako yikaŵanga yikuru ukongwa.”

Chiyambo 29:25

Ndipo ndi mlenji, Yakobe wanguwona kuti wenga Leya; ndipo Yakobe wanguti kwaku Labani, “Nchine ichi wachita kwaku ine? Kuti ndingukutataliya chifukwa chaku Rakelo cha? Na chifukwa nchine wandipusika?”

Chiyambo 30:28

ukambe mphoto yako, ine ndikakupaskanga yeniyo.”

Chiyambo 31:24

Kweni Chiuta wanguza kwaku Labani mu Aramu yo mu loto ndi usiku, ndi wanguti kwaku iyo, “Chenje ungakamba cha mazu nanga ngamoza kwaku Yakobe, nanga ngamampha pamwenga ghaheni.”

Danyele 1:20

Mu makani ghose gha vinjeru ndi ghakukhumba kuwamo gho wanguŵafumba wanguŵasaniya kuti mbavinjeru kuruska ŵaukwi ndi ŵaziŵi nyenyezi wose wo ŵenga mu chigaŵa cha ufumu wake.