Chiyambo 31:5 - Tonga Bible 1986

⁵ ndipo wanguti kwaku wo, “Ndiwona kuti auskemwe kuti ŵatindiphwere uli ndi kali cha. Kweni Chiuta wa ada waŵa nane pamoza.

Chiyambo 31:5 Referans Kwoze

Chiyambo 48:15

Ndipo wangutumbika Yosefe ndi wanguti, “Chiuta paurongo paku mweniyo ada Abrahamu ndi Yisaki wangwenda, Chiuta mweniyo wandirongozga mu umoyo wangu utali kufika ku zuŵa lino,

Chiyambo 31:53

Chiuta waku Abrahamu ndi Chiuta waku Nahoro, Chiuta wa auskeu, weruzge pakati pidu.” Viyo Yakobe wangurapiya pa Chopu cha wiske Yisaki,

Chiyambo 31:42

Asani Chiuta wa ada, Chiuta waku Abrahamu ndi Chiuta waku Yisaki, wengavi kuŵa kuchiri kwangu, kwakuneneska sono mphanyi wandidika kwambura ndi kanthu mu manja. Chiuta wanguwona suzgu yangu ndi kutakataka kwa manja ghangu, ndipo wakuchenya iwe usiku waruta.”

Chiyambo 50:17

‘Mukambe kwaku Yosefe, Gowoke, nditukupempha, maulakwi gha ŵana ŵanyako ndi uheni wawo, chifukwa ŵangukuchitiya uheni’. Ndipo sono tipempha ugowoke ulakwi wa ŵaŵanda ŵaku Chiuta wa ausu.” Yosefe wanguliya penipo ŵangukamba nayo.

Chiyambo 32:9

Ndipo Yakobe wanguti, “Mwa Chiuta wa ada Abrahamu ndi Chiuta wa ada Yisaki, Ambuya, mwaŵenimwe mungukamba nane kuti, ‘Uwere ku charu chako, ndiku ŵabali ŵako, ndipo nkhakuchitiyanga umampha,’

Chiyambo 31:13

Ndine Chiuta wa Betele, penipa ungutukutizga chiguŵa ndi mafuta ndi unguchita rapu kwangu. Sono usoke, urutenge utuwemo mu charu ichi; ndipo uwere ku charu cha kawi kako.’ ”

Chiyambo 21:22

Pa nyengo yeniyiya Abimeleke ndi Phikolo wakulamula liŵanja lake la nkhondo wanguti kwaku Abrahamu, “Chiuta we nawe mwaku chenicho uchita;

ŴaHebere 13:5

Nkharu yinu yingaŵanga yakwanja ndrama cha; mukhorwe ndi vyo mwe navyo; chifukwa wanguti mweneko, “Kuti ndamleka iwe cha, chingana nkhuti ndamsiya iwe cha kosekose.”

Chiyambo 28:13

Ndipo ehe, Ambuya anguma pachanya pake ndi anguti, “Ndine Ambuya, Chiuta waku Abrahamu ausu ndi Chiuta waku Yisaki; charu chenicho wagonapo ndikachipaskanga kwako ndi ku mphapu yako;

Chiyambo 28:15

Ehe, nde pamoza nawe ndipo ndikakusunganga kweniko kose ukayanga, ndipo ndikakuwezgiyanga ku charu chenichi; pakuti ndikusiyenge cha mpaka penipo ndachita cho ndakamba nawe.”

Chiyambo 31:4

Viyo Yakobe wangutuma kwachidana Rakelo ndi Leya ku munda kweniko kwenga viŵetu vyake,

Chiyambo 31:29

Nkhwangu kwaku ine kukuchitiya chiheni; kweni Chiuta wa ausu waŵereŵeta nane usiku waruta, kuti, ‘Chenje ungakamba kwaku Yakobe kamampha pamwenga kaheni cha.’

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Chiyambo 26:24

Ndipo Ambuya angumuwoneke usiku weniwo ndi anguti, “Ndine Chiuta waku Abrahamu ausu; ungopanga cha, pakuti nde nawe ndi ndikakutumbikanga ndi kwandaniska mphapu yako chifukwa cha muŵanda wangu Abrahamu.”