Chiyambo 31:12 - Tonga Bible 1986

¹² Ndi wanguti, ‘Yunuska maso ghako ndi wona mbuzi zose zenizo zichilipuka pa viŵetu vyo za mudyeka, zamaŵanga, ndi zakuvurumutiya; pakuti ndawona vyose vyenivyo Labani wachita kwaku iwe.

Chiyambo 31:12 Referans Kwoze

Chituwa 3:7

Sono Ambuya anguti, “Ndawona suzgu ya ŵanthu ŵangu ŵeniwo ŵemu Egipiti, ndipo ndavwa nkhuta yawo chifukwa cha nduna za nchitu.

Marangu 24:15

Mukamupaskanga mphoto yake pa zuŵa lenilo wamaliya kuteŵeta, dazi lenga lindasere (pakuti ngwakusauka, ndipo wakhumba malipiro), vinu wangakuliriyani ku Ambuya, ndipo mungachita uheni.

Chiyambo 31:42

Asani Chiuta wa ada, Chiuta waku Abrahamu ndi Chiuta waku Yisaki, wengavi kuŵa kuchiri kwangu, kwakuneneska sono mphanyi wandidika kwambura ndi kanthu mu manja. Chiuta wanguwona suzgu yangu ndi kutakataka kwa manja ghangu, ndipo wakuchenya iwe usiku waruta.”

ŴaEfeso 6:9

Ndipo, mwaŵambuya mwe, chitiyani iwo vyenivyo pe, kwambura lifingafinga, pakuziŵa kuti Ambuya, ŵawo ndi ŵinu, ŵe kuchanya, ndipo kuti kwaku iwo urumba-chisku kulive.

Machitidu gha Ŵakutumika 7:34

Kuwona, ndawonadi usokwa wa khamu langu mu Egipiti, ndipo ndauvwa mtamanthu wawo ndipo ndasika kwachiŵataska: ndipo sono zanga, ndikutumenge ku Egipiti.’

Wakutaula 5:8

Asani uwona kunyekezgeka kwa ŵakusawuka ndi kurandizgika kwa cheruzgu ndi urunji mwa chiwawa pa chigaŵa chinyake cha charu ungazizwanga paku ichi cha; pakuti wamazaza yo walereskeka ndi wamazaza wakuruska iyo, ndipo so walipo wamazaza wakuruska iwo.

Sumu 139:3

Mupenja nthowa yangu kugona pasi kwangu; muziŵa menderu ghangu ghose.

Sumu 12:5

“Chifukwa ŵakavu ŵaskoŵeka, ŵasauchi ŵatamantha, sono ndisokenge,” atiti Ambuya; “Ndimuŵikenge mu kufwasa mwenimo iyo wanweka.”

ŴaLevi 19:13

Mungayuzganga muzenegezgani winu cha; pamwenga kumubiya. Malipilo gha wanchitu mungaghasunganga usiku wose mpaka ku mlenji cha.

Chituwa 3:9

Ndipo sono, ehe, nkhuta ya ŵaYisraele yafika kwangu ndipo ndawona suzgu yeniyo ŵaEgipiti ŵati ŵasuzga nayo.

Chiyambo 31:10

Mu nyengo ya kuzuwuka kwa Viŵetu ndinguyunuska maso ghangu ndi ndinguwona mu loto langu kuti mbuzi zinthukazi zo zachilipukanga pa viŵetu zenga za mudyeka, za maŵanga ndi za kuvurumutiya.

Sumu 10:14

Imwe mwawona; inya, mwapanikizga suzgu ndi chigwinini, mwakuti muvitore mu manja ghinu; wakusauka watijipereka kwaku imwe; imwe mwaŵa movya wa ŵaranda.