Chiyambo 30:27 - Tonga Bible 1986

²⁷ Kweni Labani wanguti kwaku iyo, “Asani undizomerezgenge kukamba ndaziŵiskika ndi mayela kuti Ambuya anditumbike ine chifukwa chako;

Chiyambo 30:27 Referans Kwoze

Machitidu gha Ŵakutumika 7:10

ndipo wangumutaska ku masuzgu ghake ghose, ndipo wangumpaska wezi ndi zeru paurongo paku Farao karonga wa Egipiti mweniyo wangumumika mura pa Egipiti ndi panyumba yake yose.

Yesaya 61:9

Mphapu yawo yikaziŵikwanga mukati mu ŵamitundu, ndi ŵana ŵawo mukati mu ŵanthu ŵa mitundu yose; wose ŵakuwawona ŵakaŵaziŵanga, kuti iwo mbanthu wo Ambuya atumbika.

Ruti 2:13

Sono Ruti wanguti, “We wawezi ukongwa kwangu, pakuti wandisangaruska ndi wakamba kwa ulemu ndi ine, chingana kuti nde yumoza wa mteŵeti munthukazi wako cha.”

Chiyambo 26:24

Ndipo Ambuya angumuwoneke usiku weniwo ndi anguti, “Ndine Chiuta waku Abrahamu ausu; ungopanga cha, pakuti nde nawe ndi ndikakutumbikanga ndi kwandaniska mphapu yako chifukwa cha muŵanda wangu Abrahamu.”

Chituwa 3:21

Ndipo ndikapaskanga khamu lo wezi mu maso gha ŵaEgipiti; ndipo muchiruta, kuti mukarutanga ŵakavu cha,

Chiyambo 12:3

Ndikatumbikanga wo ŵatukutumbika, ndipo yo wakutemba iwe ndikamutembanga; ndipo mwaku iwe mbumba zose zamu charu zikatumbikikanga.”

Chiyambo 47:25

Ndipo iwo wanguti, “Wataska maumoyo ghidu, kumukondweska mbuya widu, ifwe tikaŵanga ŵaŵanda kwaku Farao.”

Chiyambo 33:15

Viyo Esau wanguti, “Ndikusiyiyi ŵanthu ŵanyake wo ŵendi ine.” Kweni iyo wanguti, “Nchine cho ndisauka? Ndisaniye wezi mu maso gha mbuya wangu.”

Chiyambo 30:30

Pakuti wenga ndi zimanavi ndenga ndindaze ine, ndipo zandana kwakuzala; ndipo Ambuya akutumbika kweniko kose ndinguruta. Kweni sono ndi zuŵanji po ndisakatiskenge ŵa nyumba yakundamwene?”

Chiyambo 18:3

ndi wanguto, “Ambuya asani ndasaniya wezi mu maso ghinu, rekani kumurutiriya cha muŵanda winu.

Danyele 1:9

Ndipo Chiuta wangutumbika Danyele kuti wasaniye ulemu ndi chanju mu maso gha mura wa ŵamuthenu;

1 ŴaKaronga 11:19

Ndipo Hadadi wangusaniya wezi ukuru mu maso ghaku Farao viyo kuti wangumpaska mlamu wake kutorana nayo, mhurwa waku Tafenesi fumukazi.

Maŵerengedu 11:15

Ndipo asani muchitenge nani viyo, iku ndibayeni ŵaka, asani mutindanja, kuti ndireke kuwona soka langu.”

Chiyambo 34:11

Shekemu wangukamba so ku awiske ndi ku ŵazichi ŵake, “Ndisaniye wezi mu maso ghinu, ndipo chenicho mukakambanga kwaku ine ndikaperekanga.

Yesaya 65:8

Viyo atiti Ambuya: “Uli ndimo vinyo wasanirikiya mu khoroza, ndipo watiti, ‘Mungalinanga cha, pakuti mwe chitumbiku mukati mwake,’ viyo so ndikachitanga chifukwa cha mteŵeti wangu kuti ndi kaŵamaranga wose cha.

Yesaya 6:13

Ndipo chingana mungaja chigaŵa chimoza pe cha vigaŵa chumi, nacho chikafyanga so, uli ndi muti wa muŵanga pamwenga wa nthunthu, wo chipandu chake chijaririya kuma asani wadumulika.” Mbutu yakupaturika ndiyo chipandu chake.

Sumu 1:3

Wakozgana ndi muti wakupandika pa mphepete pa misisi ya maji, weniwo upasa vipasi vyake mu nyengo yake, jani lake kuti lifota cha; mwaku chose cho wachita, wasakata.

Nehemiya 2:5

Ndi ndinguti ku karonga, “Asani chingakondweska karonga ndi asani mteŵeti wake wangasaniya mwaŵi mu maso ghinu kuti munditume ku Yuda, ku msumba wa miunda ya ada kuti nkhazenge so.”

Nehemiya 1:11

Ambuya gutu linu litegherezge ku rombu la mteŵeti winu ndi ku rombu la ŵateŵeti ŵinu wo ŵakondwere mukopa zina linu; ndipo mumupundiske mteŵeti winu ndipo mumuchitiye lisunge mu maso ghaku uyo munthu.” Pa nyengo yo ndenga wakupereka nkhombo ya karonga.

1 Samuele 16:22

Viyo Sauli wangutuma kwaku Jese, wakuti, “Zomera kuti Davidi wajaririye pakunditeŵete, pakuti wasaniya wezi mu maso ghangu.”

Maŵerengedu 11:11

Sono Mosese wangunena ndi Ambuya, “Nchifukwa uli mwamusuzga muŵanda winu? Ndarekiyanji kusaniya wezi mu maso ghinu, kuti mwayilika katundu wa ŵanthu wose yaŵa paku ine?

Chiyambo 44:5

Asi wamwiya mwaku mweniyo mbuya wangu, ndipo wawombeze mwenuyu? Mwalakwa pakuchita viyo.’ ”

2 Samuele 6:11

Ndipo Bokosi la Ambuya linguja mu nyumba yaku Obededomu mu Giti myezi yitatu; ndipo Ambuya angutumbika Obededomu ndi nyumba yake yose.