Chiyambo 30:2 - Tonga Bible 1986

² Ukari waku Yakobe ungukole paku Rakelo, ndi wanguti, “Kumbi ine nde mu malo ghaku Chiuta, mweniyo wamika kwaku iwe chipasi cha chibali?”

Chiyambo 30:2 Referans Kwoze

Chiyambo 16:2

Ndipo Sarai wanguti kwaku Abramu, “Awona, Ambuya andikanizga kupapa ŵana; sere mu muŵanda munthukazi wangu: pamwenga ndikalondiyanga ŵana mwaku yo.” Ndipo wanguvwiya mazu ghaku Sarai.

Sumu 127:3

Ehe, ŵana nchihara cha Ambuya, chipasi cha nthumbu ndi mphoto.

2 ŴaKaronga 5:7

Ndipo penipo karonga waYisraele wanguŵerenga karata yuwa, wanguparuwa vyakuvwara vyake, wanguti, “Kumbi ine ndine Chiuta, wakubaya ndi wakupaska umoyo, po uyu munthu watuma mazu kwangu kuti ndichizge munthu ku makhate ghake? Kweni wonani, mukasaniyanga kuti wapenja mo wangarwiyana ndi ine.”

1 Samuele 1:5

ndipo chingana wangumwanja Hana, kweni wangumupaska thuŵi limoza pe, chifukwa Ambuya angujara chibari chake.

Chiyambo 50:19

Kweni Yosefe wanguti kwaku wo, “Rekani kopa, chifukwa kumbi inende mu malo ghaku Chiuta?

ŴaEfeso 4:26

Tundiyani, ndikweni mungalakwanga cha: pa chikaralizga chinu lingasere dazi cha:

Marko 3:5

Ndipo wakuŵalereska kwakuzunguliya ndi chikwiya, wangukwininika pa unononu wa mitima yawo, ndipo watiti ku munthu yo, “Tambasuwa janja lako lo.” Ndipo wachatambasuwa, janja lake linguweremo.

Mateyu 5:22

Kweni ine ndikuneniyani, kuti yose wakumtundiriya mbali wake waŵenge wakukoleke ku cheruzgu, ndipo yose yo wanganyoza mbali wake, waŵenge wakukoleke ku upu wo; ndipo yose yo wanganena, ‘Mvumbwa we’, waŵenge wakukoleke ku gehena la moto.

Sumu 113:9

Atumbika munthukazi chumba mu nyumba yake; atimukondweska pa kumpaska ŵana. Rumbani Ambuya!

Chituwa 32:19

Ndipo wanguti waŵandika ku ugoŵi ndi wanguwona thole la ng'ombe, ndi kuvina, ukari waku Mosese ungukole kwakocha, ndi wangupong'a magome kutuwa mu manja ghake ndi wangughaswiya pa sina pa phiri lo.

Chiyambo 31:36

Sono Yakobe wangukalipa, ndi wanguchenya Labani, Yakobe wanguti kwaku Labani, “Cho ndalakwa nchine? Mphurupuru yangu njine? Pakuti wandindondoloska ndi ukari?

Chiyambo 29:31

Penipo Ambuya anguwona kuti Leya wangutinkhika, angujura chibali chake; kweni Rakelo wenga chumba.

Chiyambo 25:21

Ndipo Yisaki wangurombe muwoli wake ku Ambuya, chifukwa wenga chumba; ndipo Ambuya angumupaska cho wanguromba, ndipo Rebeka muwoli wake wanguzuwuka.

Chiyambo 20:18

Chifukwa Ambuya angujara vibali vyose vyamu nyumba yaku Abimeleke chifukwa chaku Sara, muwoli waku Abrahamu.

Luka 1:42

ndipo wangusamphuska mazu ukongwa, ndi wanguti, “Wakurumbika ndi we mu ŵanthukazi, ndi nchakurumbika chipasi cho cha chibali chako.